"მკვლელები შემოიყვანეს სირიიდან ჩვენს მიწაზე" - ვოლოდიმირ ზელენსკი აცხადებს, რომ უკრაინაში სირიელი დაქირავებულები იბრძვიან
ამ ცოტა ხნის წინ უკრაინის პრეზიდენტ ვოლოდიმირ ზელენსკის კიდევ ერთი ვიდეომიმართვა გავრცელდა, რომელშიც ის ამბობს, რომ ომის მე-16 დღეს კვლავ მედგრად დგას უკრაინა.
"ჩვენ უკვე მივაღწიეთ სტრატეგიულ გარდატეხას. ჩვენ უკვე მივდივართ გამარჯვებისკენ“, - განაცხადა მან.
ამავე მიმართვაში ზელენსკიმ თქვა, რომ რუსებმა უკრაინაში სირიელი დაქირავებული მკვლელები ჩაიყვანეს.
"მკვლელები შემოიყვანეს სირიიდან ჩვენს მიწაზე. რუსულ ჯარებს, აი, ასეთი დამოკიდებულება აქვთ უკრაინელებისადმი, ასე ექცევიან დონბასს, როგორც თვითონ ამბობდნენ, რუსულენოვან ხალხს. არადა, როგორ ყვიროდნენ მათ დაცვაზე, რას აღარ ამბობდნენ, ახლა კი რაკეტებით, ავიაბომბებით, არტილერიით უსწორდებიან, და ახლა უკვე სირიელი დაქირავებულებიც შემოიყვანეს, რომლებიც იმასაც ვერ არჩევენ, ვინ რა ენაზე ლაპარაკობს, ვინ რომელ ტაძარში დადის. დაქირავებულები, უბრალოდ, მოდიან, რომ მათთვის სრულიად უცხო მიწაზე დახოცონ ადამიანები", - განაცხადა ზელენსკიმ.
იხილეთ ასევე: