მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სანქციები რომ საკმარისი ყოფილიყო, თავდასხმა უკვე შეწყვეტილი იქნებოდა... მოგიწევთ კიდევ უფრო მეტის გაკეთება პოლონეთის, მოლდოვას, საქართველოს დასაცავად" - ვოლოდიმირ ზელენსკი
10:05 / 11-03-2022
უკრაინაში საბრძოლო მოქმედებები ისევ გრძელდება. მას მერე, რაც 24 თებერვალს რუსეთი უკრაინას დაესხა თავს, არაერთი სამხედრო მოსამსახურე და მშვიდობიანი მოქალაქე დაიღუპა, მათ შორის ბავშვებიც.
"დასავლეთის მიერ რუსეთის წინააღმდეგ დაწესებული სანქციები რომ საკმარისი ყოფილიყო, თავდასხმა უკვე შეწყვეტილი იქნებოდა" - ამის შესახებ უკრაინის პრეზიდენტმა, ვოლოდიმირ ზელენსკიმ DIE ZEIT-თან ინტერვიუში განაცხადა.
მისი თქმით, არსებობს კონკრეტული ნაბიჯები, რომელიც დასავლეთმა უნდა გადადგას.
"თუ სანქციებზე ვსაუბრობთ, მაშინ პირველ რიგში მათ უნდა შეაჩერონ ნავთობპროდუქტების და გაზის ექსპორტი. რუსული გემებისთვის მსოფლიოს ნავსადგურები უნდა დაიხუროს. ტვირთის გადამზიდავებმა უნდა შეწყვიტონ საქონლის გაგზავნა და მიღება რუსეთში ან რუსეთიდან. ყველა რუსული ბანკი უნდა გამოირიცხოს SWIFT სისტემიდან, გამონაკლისის გარდა. ეს არის კონკრეტული რამ, რაც შეიძლება გაკეთდეს. თუ ეს ახლა არ მოხდა, მაშინ მოგიწევთ კიდევ უფრო მეტის გაკეთება ბალტიისპირეთის ქვეყნების, პოლონეთის, მოლდოვას, საქართველოს და რუსეთის სხვა მეზობლების შეჭრისგან დასაცავად,”- აღნიშნა ზელენსკიმ.
ვოლოდიმირ ზელენსკის განცხადებით, ის, რაც ახლა უკრაინაში ხდება, არის "თავხედური ტერორი გამოცდილი ტერორისტების მხრიდან.“
"ეს მსოფლიომ უნდა იცოდეს. ჩვენ ყველას საქმე გვაქვს ტერორისტულ სახელმწიფოსთან", - აღნიშნა ზელენსკიმ.
პრეზიდენტი ასევე გამოეხმაურა რუსულ მედიაში გავრცელებულ ინფორმაციას უკრაინაში ქიმიური იარაღის სავარაუდო გამოყენებასთან დაკავშირებით.
"ჩვენ ადეკვატური ხალხი ვართ. მე ვარ ადეკვატური ქვეყნის, ხალხის პრეზიდენტი და ორი შვილის მამა და ჩემს მიწაზე ქიმიურ ან სხვა სახის მასობრივი განადგურების იარაღს არავინ ქმნის,“ - აღნიშნა ზელენსკიმ.
უკრაინის პრეზიდენტმა კომენტარი გააკეთა რუსეთის მიერ ბირთვული იარაღის გამოყენებასთან დაკავშირებით. მისი თქმით, აღნიშნულ საკითხზე რუსეთის პრეზიდენტის, ვლადიმერ პუტინის მუქარა "ბლეფია“.
"ვფიქრობ, ბირთვული ომით მუქარა ბლეფია. ერთია, იყო მკვლელი და მეორეა, ჩაიდინო თვითმკვლელობა. ბირთვული იარაღის ნებისმიერი გამოყენება ნიშნავს დასასრულს ყველა მხარისთვის,“- განაცხადა ზელენსკიმ DIE ZEIT-თან ინტერვიუში.
მისი თქმით, პუტინის მუქარა სისუსტეს აჩვენებს.
"ბირთვული იარაღის გამოყენებით მაშინ იმუქრები, როცა სხვა არაფერი მუშაობს. დარწმუნებული ვარ, რუსეთმა იცის, რა კატასტროფული შედეგები მოჰყვება ბირთვული იარაღის გამოყენების ნებისმიერ მცდელობას,“- აღნიშნა ზელენსკიმ.
იხილეთ ასევე:
- "გული მიკვდება იმისგან, რა უქნეს ოკუპანტებმა ჩვენს ქალაქებს... რუსებს სურთ ჩვენი ხალხის დამცირება, რათა მათ მუხლებზე დაჩოქილებმა აიღონ პური"- ვოლოდიმირ ზელენსკი
- ვოლოდიმირ ზელენსკიმ ხელი მოაწერა კანონს, რომელიც უკრაინის ტერიტორიაზე რუსეთის და მისი რეზიდენტების ქონების იძულებითი წესით ჩამორთმევის უფლებას იძლევა
00:00 / 00:00
მკითხველის კომენტარები /
55 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აქ უმეტეს კომენტარებს აკეთებს პრორუსული აუდიტორია მე პირადად ძალიან მეცოდებიან! გულწფელად ვამბობ ამას, ელემენტარულს რომ ვერ იგებს ადამიანი!!! სხვა თემებზე ხომ სრული უაზრობაა ამათთან მსჯელობა!!! ეხლა რა არის ეს ელემენტარული რამე! მტერს რომ ვერ ხედავ და მოყვარეს ვერ ამჩნევ როგორ გინდა ამნაირ ხალხთან სხვა რამეზე ილაპარაკო!!! ეს ხომ წყლის ნაყვა იქნება! არადა თვშივე რომ იციან რომ მართლები არარიან საშინელებაა ამნაირ ხალხთან ლაპარაკიც კი!!!
ამან რანაირად უნდა აბოლოს კაცი!? დროზე დაჯექით მაგიდასთან და დაამთავრეთ ომია, თუ სიბინძურე. ამერიკა ცალსახად ამბობს, არაკონვეციური იარაღის(ბირთვულ-ბიოლოგიური იარაღი) გამოყენებაშიც არ ჩაერთობა ამერიკა და ნატო ომშიო და ახლა ამას და ბატიაშვილს უნდა უსმინოს კაცმა!? გიხაროდეთ!