28
მარტიდღის ზოგადი ასტროლოგიური პროგნოზი
რთული პანდემიური პერიოდის მიუხედავად, „ვითიბი“, როგორც ქართული ბიზნესის #1 ქომაგი, მის განვითარებაში აქტიური წვლილის შეტანას აგრძელებს.
ბანკის დახმარებით, 2021 წელს აჭარაში, მტირალას ტერიტორიაზე, Park Resort Mtirala-ს საოჯახო რესტორანი გაიხსნა. ამასთან, ჩატარდა სხვადასხვა ინფრასტრუქტურული სამუშაო, რომელიც „ვითიბიმ“ სრულად დააფინანსა.
„ჩემმა ოჯახმა და ადგილობრივმა მოსახლეობამ შევძელით აქ აგვეშენებინა საოჯახო სასტუმრო, რესტორანი, ხიდი, რომლითაც ვემსახურებით როგორც ადგილობრივ, ისე უცხოელ ვიზიტორებს. დარწმუნებული ვარ, რომ ჩვენ - ერთი გუნდი - სასიკეთო საქმეს ვაკეთებთ როგორც რეგიონისთვის, ისე ქვეყნისათვის. ერთია, მოიფიქრო იდეა განსახორციელებლად და მეორეა მოიზიდო ფინანსები. ამისათვის საჭიროა სანდო პარტნიორი, რომელიც აღმოჩნდა ჩემი ბანკი და მისი დახმარებით ახალი ობიექტის - Park Resort Mtirala-ს განხორციელება შევძელით. ტერიტორიაზე ფუნქციონირებს ისეთი გასართობი ობიექტები, როგორიც არის ზიპლაინი, კვადროციკლების ტური და მჯერა, რომ უახლოეს მომავალში უფრო მეტი ტურისტი ჩამოვა,“ - აღნიშნა Park Resort Mtirala-ს დამფუძნებელმა ჯემალ კონცელიძემ.
გარდა Park Resort Mtirala-ს მხარდაჭერისა, ბანკის დახმარებით, 2021 წელს ცაგერის რაიონ სოფელ ქორენიშში საოჯახო სასტუმრო „ქორენიშულ ვერანდას“ ახალი ნომრები დაემატა. გარდა ამისა, კომპლექსმა გააფართოვა მეღვინეობისა და მეფუტკრეობის ბიზნესიც, რისთვისაც დაფინანსება „ვითიბი“ ბანკმა გამოყო.
„ბაბუაჩემისა და ბებიაჩემის აშენებული სახლი მოვაწყვეთ მცირე საოჯახო სასტუმროდ. როგორც კი სასტუმრომ მიიღო დატვირთვა, დაგვჭირდა ადგილობრივი პროდუქტები, რომლის შეძენაც აქ მოსახლეობისგან დავიწყეთ. მინდა გამოვხატო მადლიერება, რადგან, რომ არა „ვითიბი“, ჩვენი სწრაფი განვითარება არ იქნებოდა... გვაქვს დევიზი - „ლეჩხუმს მსოფლიოს გავაცნობთ და სოფელ ქორენიშს ტურისტულ ლოკაციად ვაქცევთ,“ - აღნიშნა „ქორენიშული ვერანდის“ დამფუძნებელმა ლევან ხმელიძემ.
„ვითიბის“ მხარდაჭერით ეწყობა გასტროტურებიც, რომლის ფარგლებშიც საზოგადოება ეცნობა, როგორ იქმნება წარმატებული ქართული ბიზნესი და როგორია ამ პროცესში ბანკის როლი. წამყვან შეფ-მზარეულებთან ერთად საქართველოს სხვადასხვა რეგიონში „ვითიბიმ“ აგრომეწარმეები მოინახულა და ეს პროცესი ახლაც გრძელდება. ტურის ფარგლებში ადგილზე მზადდება კერძები, რომლებსაც შეფ-მზარეულები მომავალი პარტნიორობის მიზნით ეცნობიან.
ამ პროცესში „ვითიბი“ საქართველოს სხვადასხვა კუთხის კულტურის პოპულარიზაციაზე აქტიურად იზრუნებს.
როგორც ბანკის მცირე და საშუალო ბიზნესის დეპარტამენტის უფროსი არჩილ ჩაჩხიანი განმარტავს, მსგავსი აქტივობები ხელს შეუწყობს გრძელვადიან პარტნიორულ ურთიერთობებს და სამომავლო განვითარების პროცესში მნიშვნელოვან წვლილს შეიტანს.
„სასიხარულოა, რომ კიდევ ერთხელ მოგვეცა შესაძლებლობა, მხარი დავუჭიროთ მცირე და საშუალო ბიზნესს საკუთარი საქმიანობის განვითარებაში. მუდმივად მზად ვართ წავახალისოთ ისეთი ინიციატივები, რომლებიც მიმართულია ბიზნესის გაძლიერებასა და ეკონომიკური განვითარებისკენ. გვინდა წარმატებები ვუსურვოთ კომპანიებს, რომლებსაც მხარს ვუჭერთ და ასევე, საკუთარ თავს იმ საქმეში, რაც ბიზნეს სექტორის განვითარებას კიდევ უფრო მეტად შეუწყობს ხელს,“ - განაცხადა ვითიბი ბანკის მცირე და საშუალო ბიზნესის დეპარტამენტის უფროსმა არჩილ ჩაჩხიანმა.
„ვითიბი“, როგორც ქართული ბიზნესის #1 ქომაგი, 2022 წელსაც აქტიურად გააგრძელებს ქართული ბიზნესის მხარდაჭერას.
R
