მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ანტისხეულები, რაც "დელტას“ დროს წარმატებულია, ვერაფერს აკეთებს "ომიკრონთან", "ფაიზერის“ და "მოდერნას“ ეფექტიანობა კი 40%-მდე დაეცა" - ზაზა წერეთელი
13:54 / 21-12-2021
"გამოქვეყნდა კვლევა, რომლის მიხედვითაც აღმოჩნდა, რომ მონოკლონური ანტისხეულები, რაც "დელტას“ დროს ძალიან წარმატებულია, ვერაფერს აკეთებს "ომიკრონის“ დროს - "ფაიზერის“ და "მოდერნას“ ეფექტიანობა კი 40%-მდე დაეცა",- ამის შესახებ ჯანდაცვის ექსპერტმა ზაზა წერეთელმა ტელეკომპანია "პალიტრანიუსის“ გადაცემა "ნიუსრუმში“ განაცხადა.
ამასთან, როგორც წერეთელმა აღნიშნა, "ომიკრონის“ შტამის შემთხვევაში მხოლოდ 5%-მდეა კორონავირუსისგან დაცვის მაჩვენებელი მათთვის, ვინც ვირუსი გადაიტანა, თუმცა ვაქცინირებული არ არის.
"საუბრობენ, რომ ეს შტამი იოლად მიმდინარეობს და რა მოხდა მერეო. ზოგმა ისიც თქვა, იქნებ ამით უფრო შევიძინოთ ბუნებრივი იმუნიტეტიო. ორი მომენტია - ქვეყნებში, სადაც ეს შტამი მძიმედ არ მიმდინარეობს, იქ აცრილები არიან, ამიტომ აცრამაც იმუშავა. მეორე - იმ ქვეყნებშიც კი, სადაც სწრაფად ვრცელდება, ჰოსპიტალიზაციამ მატება დაიწყო. ამდენი დაავადებული რომ იქნება, გაიზრდება ჰოსპიტალიზაცია და არაა გასაკვირი სიკვდილიანობაც გაიზარდოს. კანადელებმა გააკეთეს მოდელირება და აჩვენეს, რომ როდესაც ვირუსი 3-4-ჯერ სწრაფად ვრცელდება, 10-ჯერ სუსტიც რომ იყოს, ორი კვირის შემდეგ ჰოსპიტალიზაციას და სიკვდილიანობას იგივე ეფექტი აქვს, როგორც ძლიერ შტამს.
თქვეს, რომ ორი დოზის შემდეგ "ომიკრონს“ შეუძლია გვერდი აუაროს ჩამოყალიბებულ იმუნიტეტს - მაგალითად "ფაიზერის“ და "მოდერნას“ ეფექტიანობა 40%-მდე დაეცა დაინფიცირების თვალსაზრისით. ამავე დროს აჩვენეს, რომ 5%-მდეა დაცემული დაცვა, თუ გადატანილი გაქვთ "ბეტა“ ან "დელტა“ შტამი და აცრილი არ ხართ. "ომიკრონმა“ აჩვენა, რომ იმ შემთხვევაშიც თუ ვირუსი გადაიტანეთ, მაინც უნდა აიცრათ“,- განაცხადა ზაზა წერეთელმა.
მისივე თქმით, გამომდინარე იქიდან, რომ საქართველოში მოსახლეობის მხოლოდ 37%-ია აცრილი, არა მხოლოდ "ომიკრონი“, არამედ ყველა შტამი საშიში იქნება, რომელიც გამოჩნდება.
"იმ მომენტისთვის, როდესაც ქვეყანაში მოსახლეობის მხოლოდ 37%-ია აცრილი, "დელტა“ იქნება, "ომიკრონი“ თუ სხვა შტამი, ყველანაირი შტამი, რომელიც საქართველოში გამოჩნდება, საშიშია. "ომიკრონის“ მთავარი საშიშროება, მისი გავრცელების სისწრაფეა. ამერიკის შეერთებულმა შტატებმა გამოაცხადა, რომ შემთხვევების 73% "ომიკრონის“ შტამია. ეს ზუსტად ერთ კვირაში მოხდა - წინა კვირას იყო 13%, ანუ ერთ კვირაში 13%-დან 73%-მდე ავიდა. იგივე მოხდა ლონდონში. მეცნიერებმა აღმოაჩინეს, რომ შემთხვევების რაოდენობა დღენახევარში ორჯერ მატულობს. ეს ვირუსი კატასტროფულად სწრაფია. თან ეს ხდება ისეთ ქვეყნებში, როგორებიცაა დანია, ნორვეგია, გაერთიანებული სამეფო, სადაც დაახლოებით 80%-მდე იყო აცრილი. წარმოიდგინეთ, რა შეიძლება მოხდეს ქვეყანაში, სადაც დაახლოებით 37%-ია აცრილი - ვირუსს თავისუფალი არეალი აქვს, რომ სწრაფად გავრცელდეს. ნორვეგიაში პირველი შემთხვევა მოხდა მას შემდეგ, რაც ხალხმრავალი შეკრება იყო დახურულ სივრცეში. მოგეხსენებათ, ეს რამდენად აქტუალურია საქართველოსთვის, განსაკუთრებით ახლა, როდესაც ახალი წელი მოდის“, - განაცხადა ზაზა წერეთელმა.
რაც შეეხება იმას, მოსალოდნელია თუ არა, რომ "ომიკრონის“ შტამი კორონავირუსის შტამებს შორის ბოლო იყოს, წერეთელი ამბობს, რომ ამის თქმა ნაადრევია.
"მსოფლიოს მოსახლეობის დიდი რაოდენობა აუცრელია. ეს ვირუსს აძლევს შესაძლებლობას, რომ გამრავლდეს და ამ მომენტში ცვლილება მაინც მოხდება, ამიტომ იმის თქმა, რომ მეტი შტამი აღარ იქნება, არ შეიძლება“, - განაცხადა ზაზა წერეთელმა.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აიცერიიიით
ისწავლეთ ბოლოს და ბოლოს! მხოლოდ საქართველოშია ეს აბსურდი! ყველგან მსოფლიოში აცრილების პროცენტს ანგარიშობენ მოსახლეობის მიხედვით და არა მოზრდილი მოსახლეობის მიხედვით.საქართველოში კი მაღალი პროცენტის საჩვენებლად შემოიღეს ტერმინი "მოზრდილი მოსახლეობა".ამიტომ არეული აქვთ და ხშირად ეშლება პრესასაც და ტელევიზიასაც! ამჟამად ბლუმბერგის მონაცემით საქართველოში სრულად აცრილია მოსახლეობის 29,2% და არა 37%. ერთი კიდევ; იქნებ გამოაქვეყნონ ბოლოს და ბოლოს რამდენია ეს ეგრათწოდებული "მოზრდილი მოსახლეობა" ? რადგანაც პროცენტების მიხედვით ანგარიშისას ყოველ ჯერზე სხვადასხვაა ციფრი და არაკეთილსინდისიერების შთაბეჭდილებას ტოვებს!