მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პაქსლოვიდი", კვლევის თანახმად , თითქმის 90%-ით ამცირებს ჰოსპიტალიზაციის და სიკვდილიანობის შემთხვევებს კოვიდის დროს - როდის გაივლის ავტორიზაციას მედიკამენტი?
12:02 / 16-12-2021
"ფაიზერმა“ 14 დეკემბერს, მათივე წარმოებულ ანტივირუსულ პრეპარატზე, საბოლოო დასკვნა გამოაქვეყნა, რომელის მიხედვითაც დასტურდება, რომ ის კორონათი დაავადების შემთხვევაში, მაღალრისკიან პაციენტებს ჰოსპიტალიზაციისა და სიკვდილიანობისგან 90%-ით იცავს. ბოლო კვლევით კი ისიც დადგინდა, რომ ეს წამალი კორონავირუსის "ომიკრონის" ვარიანტსაც ერევა, რომელიც ძალიან სწრაფად ვრცელდება.
ამერიკაში დაფუძნებულმა მედიკამენტების მწარმოებელმა კომპანიამ, პრეპარატი 2200 ადამიანზე გამოსცადა და შედეგების მიხედვით, ის 89%-ით ეფექტიანი აღმოჩნდა.
"ფაიზერის“ ახალი წამლის მიღების შემდეგ, პაციენტებში გარდაცვალების ფაქტი საერთოდ არ დაფიქსირებულა, რაც შეეხება მათ, ვინც პლაცებოს იღებდა მედიკამენტის ნაცვლად, აქ 12 ადამიანის სიცოცხლე შეეწირა ვირუსს.
- "ფაიზერის წამალი, რომელიც ტაბლეტის სახით იქნება გაყიდვაში, ძველებურ ანტივირუსულ მედიკამენტ - "რიტონავირთან“ ერთად უნდა მიიღონ პაციენტებმა ყოველ 12 საათში ერთხელ მას შემდეგ, რაც მათ პირველადი სიმპტომები გამოუვლინდებათ. თუ ეს მედიკამენტი ავტორიზაციას წარმატებით გაივლის, ის "პაქსლოვიდის“ სახელით გაიყიდება.
"ფაიზერმა“ მეორე კლინიკური კვლევის ნაადრევი შედეგებიც დადო, რომლის მიხედვითაც, მედიკამენტით მკურნალობამ, 70%-ით შეამცირა 600 სტანდარტულ რისკიან ზრდასრულ ადამიანებში ჰოსპიტალიზაცია.
"გადარჩენილ ადამიანებში ჩვენ განსაცვიფრებელ რიცხვებთან გვაქვს საქმე და ბევრი იხსნა ჩვენმა მედიკამენტმა ჯანმრთელობის გართულებებისგან. თუ დაინფიცირებიდან მალევე მიიღებს ხალხი ამ წამალს, საერთოდ, ამით ვირუსის სწრაფ გავრცელებასაც ხელი შეეშლება,“ - ამბობს "ფაიზერის“ მთავარი მეცნიერი თანამშრომელი მიკაელ დოლსტეინი.
დოლსტეინის თქმით, კომპანია ახალი მედიკამენტის წარმოებაში ჩასაშვებად მალე მოიპოვებს ავტორიზაციას.
აშშ-ში ამ დროისთვის ჯერ კიდევ არაა კოვიდის საწინააღმდეგო მედიკამენტი, რომელსაც ავტორიზაცია აქვს გავლილი.
"ფაიზერის“ კონკურენტმა, "მერკმაც“ მოითხოვა ანტივირუსული მედიკამენტის - "მოლნუპრავირის“ ავტორიზაცია, მაგრამ მისი ეფექტი ბევრად ჩამოუვარდება "პაქსლოვიდის“ ეფექტს: ის მხოლოდ 30%-ით ამცირებს პაციენტებში ჰოსპიტალიზაციისა და სიკვდილიანობის შემთხვევებს.
ასევ ზოგიერთი მეცნიერი ეჭვობს, რომ "მოლნუპრავირმა“ შესაძლოა რაიმე დეფექტი გამოიწვიოს ახალშობილებში, მათ ვირუსული მუტაციების წარმოქმნის შესაძლებლობებზეც ისაუბრეს.
"ფაიზერის“ პრეპარატი სხვა შემთხვევაა. ეს მედიკამენტების იმ ჯგუფს მიეკუთვნება, რომელსაც პროტეაზას ინჰიბიტორები ეწოდება და ისინი აივ-ინფექციის, C ჰეპატიტის და სხვა ვირუსების სამკურნალოდ გამოიყენება.
- "ფაიზერი“ უკვე დათანხმდა ჯენერიკების მწარმოებლებს, რომ ავტორიზაციის შემდეგ, პრეპარატი 95 დაბალი და საშუალო შემოსავლის ქვეყნებს მათი მეშვეობით მიაწოდონ, მაგრამ დოლსტეინი ირწმუნება, რომ მომავალი წლიდან, წამალი ძირითადად "ფაიზერის“ მიერ იქნება წარმოებული.
აშშ-ის მთავრობამ ახალი მედიკამენტის 10 მილიონ სამკურნალო კურსში უკვე 5.29 მილიარდი დოლარი გადაიხადა.
მოამზადა ანა სიბოშვილმა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
