28
მარტიდღის ზოგადი ასტროლოგიური პროგნოზი
შარშან, ამ დროს, მსოფლიოში კოვიდით რეიფიცირების მხოლოდ 20-მდე შემთხვევა იყო გამოვლენილი. 2021 წლიდან კი, მას შემდეგ, რაც "დელტა" დომინანტური ვარიანტი გახდა, ხელახალი ინფიცირების შემთხვევებმა სწრაფი ტემპით მოიმატა. სამედიცინო ჟურნალ "ლანცეტში" გამოქვეყნებული კვლევის მიხედვით, მსოფლიოში რეინფექციის დღიურ მაღალ მაჩვენებელში მნიშვნელოვანი წილი მეორედ და მესამედ ინფიცირების შემთხვევებზე მოდის. CDC-ის (აშშ-ს დაავადებათა კონტროლისა და პრევენციის ცენტრი) გაიდლაინით, რეინფექციად ითვლება Covid-19-ის ლაბორატორიულად დადასტურებული მეორე შემთხვევა, რომელსაც პირველი დადასტურებული დიაგნოზიდან 90 დღე აშორებს. ამ მითითებით ხელმძღვანელობენ საქართველოშიც.
ბოლო პერიოდში, ქვეყანაში კოვიდით ინფიცირების შემთხვევები დღეში 5000-ს სცდება. ამ მონაცემში შედის როგორც პირველადი, ისე რეინფექციის შემთხვევები. თუმცა ზუსტად რომელი შემთხვევაზე რა წილი მოდის, ამის შესახებ ოფიციალური მონაცემები ჯერ არ არსებობს.
დაავდებათა კონტროლის ცენტრის ხელმძღვანელი ამირან გამყრელიძე AMBEBI.GE-ს ეუბნება, უახლოეს მომავალში ცნობილი გახდება მეშვიდე კვლევის შედეგები, სადაც რეინფიცირების შესახებ მონაცემები იქნება აღწერილი.
გამყრელიძის ინფორმაციით, ამჟამინდელი მონაცემებით, მეორედ ინფიცირების მაჩვენებელი დაახლოებით 0.75 %-ია. ხოლო რაც შეეხება მესამედ ინფიცირების შემთხვევებს, ამ ეტაპზე ასეთი ფაქტი არ გამოვლენილა.
"ახლა მხოლოდ დაახლოებითი მაჩვენებელი შემიძლია გითხრათ. გასულ თვეში, როდესაც ქვეყანაში ინფიცირების 662 000 შემთხვევა იყო, გამოვავლინეთ რეინფქციის 5000-მდე ფაქტი. ახლა მიმდინარეობს სამჯერადი რეინფიცირების სავარაუდო შემთხვევების შესწავლა. გვქონდა რამდენიმე ეჭვი, მაგრამ არ დადასტურდა. ზოგადად, რეინფექციის მაჩვენებელი გაზრდილია მთელ მსოფლიოში და შესაბამისად ჩვენთანაც. საინტერესოა, როგორ მიმდინარეობს დაავადება ყოველი შემდეგი ინფიცირებისას, ამაზე კვლევა ჩვენ ჯერ არ ჩაგვიტარებია, თუმცა საერთო მოსაზრება არსებობს, რომ შემდეგი ინფიცირება უფრო მარტივად მიმდინარეობს. ალბათ, გადაწყვეტით ამის თქმაც ძნელია, ჩვენთან იყო ერთეული შემთხვევები, როცა პირიქით მოხდა" - გვეუბნება ამირან გამყრელიძე.
რა პეროდია ყველაზე ახლო ინტერვალი რეინფექციებს შორის? - ამ კითხვაზე ჯერ არ აქვს ერთმნიშვნელოვანი პასუხი ამირან გამყრელიძეს, თუმცა ზემოთ აღნიშნულმა კვლევამ ამასაც უნდა უპასუხოს.
აშშ-ში ჩატარებულმა ერთ-ერთმა უახლესმა კვლევამ აჩვენა, რომ არავაქცინირებულ ადამიანებს, შესაძლოა, Covid-19 ყოველ 16 თვეში თავიდან დაემართოთ. თუმცა, როგორც პრაქტიკიდან ჩანს, ეს შუალედი შესაძლოა გაცილებით ნაკლებიც იყოს.
ჩვენი რეპონდენტი, რომელიც რეინფიცირების საკუთარ გამოცდილებას გვიზიარებს, ამბობს, რომ კოვიდით ხელმეორედ დაახლოებით 4 თვის ინტერვალში დაავადდა. მისი მონათხრობის მიხედვით, ივნისში ოჯახის ხუთივე წევრს კოვიდი ერთდროულად დაუდასტურდათ. ინფიცირებიდან ერთ თვეში, მაშინ როდესაც ტესტმა უარყოფითი პასუხი აჩვენა, ოჯახის სამი წევრი "ფაიზერით" აიცრა, დანარჩენ ორს ვაქცინა არ ჩატარებია, რადგან სკოლის მოსწავლეები არიან. აცრიდან დაახლოებით სამ თვეში, რამდენიმე დღის წინ, ოჯახი კოვიდით ხელახლა დაინფიცირდა.
"ახლა ხუთივე თავიდან ვართ ინფიცირებულები. სასიხარულო ის არის, რომ ყველას საკმაოდ მსუბუქად გვაქვს, ბავშვებს ერთჯერადი სიცხით და უფროსებს სურდოთი. მაგრამ სიმართლე რომ გითხრათ, არ ველოდი ასე მალე რეინფიცირებას, ფაქტობრივად ოთხი თვის შემდეგ ყველას მეორედ შეგვხვდა. პირადად ჩემი სიმპტომები იმდენად უმნიშვნელო იყო, რომ არა კოვიდდადასტურებული სიცხიანი შვილი, არც გავიტესტებოდი, არაფერი მაწუხებს, მაგრამ კოვიდი მაქვს, დაახლოებით იგივე შემიძლია გითხრათ მეუღლეზეც. სულ მიკვირდა ამდენმა ხალხმა მოიხადა და კიდევ ამდენი ინფიცირებული საიდან არის-მეთქი და როგორც ვხვდები, ხალხი მეორე წრეზე წავიდა" - გვიყვება რესპონდენტი.
კიდევ უფრო ნაკლები ინტერვალით რეინფექციის შემთხვევები ჰქონდა საკუთარ პრაქტიკაში ინფექციური საავადმყოფოს ინფექციონისტ ალექსანდრე გოგინავას.
"ყველაზე ახლო ინტერვალი იყო 2 თვე. გადაიტანა პაციენტმა კოვიდი, გაიტესტა, პასუხი იყო უარყოფითი, შემდეგ ისევ იგრძნო სიმპტომები, ისევ ჩაიტარა ტესტი და დადებითი პასუხი დადასტურდა. ზოგადად, არსებობს მოსაზრება, რომ რეინფიცირების დროს დაავადების განვითარების უფრო მარტივია, თუმცა გვქონდა მძიმე შემთხვევები და მათ შორის რამდენიმე ფატალურადაც დასრულდა.
ასე რომ, დარწმუნებით ვერ იტყვი, როგორ განვითარდება ხელახალი კოვიდი, რატომ მიმდინარეობს დაავადება ზოგჯერ მსუბუქად და ზოგჯერ - ფატალური შედეგით, ამაზე დადასტურებული პასუხი არ არსებობს. ამიტომ მაქსიმალური სიფრთხილე და ის რეგულაციები, რაც უკვე ყველამ ზეპირად ვიცით, აუცილებლად უნდა დავიცვათ. და რაც მთავარია ვაქცინა, რომელიც რეინფექციისგან მნიშვნელოვნად გვიცავს" - ამბობს ინფექციონისტი.
უცხოელი სპეციალისტები რეინფექციის თავისებურებებზე დაკვირვების ფონზე არცთუ ოპტიმისტურ პროგნოზებს აკეთებენ. იელის უნივერსიტეტის პროფესორმა ჯეფრი ტაუნსენდმა 2 დღის წინ „გარდიანისთვის“ მიცემულ ინტერვიუში თქვა, რომ ჯოგური იმუნიტეტის გამომუშავების შედეგად პანდემიის დასრულება სულ უფრო ნაკლებად სავარაუდო ხდება.
”ჩვენ ჯერ კიდევ არ ვიცით ბევრი რამ რეინფექციის რისკის ფაქტორების შესახებ, მაგრამ თეორიული ვარაუდი, რომ მას შემდეგ რაც მოსახლეობის უმრავლესობა გადაიტანს ვირუსს, პანდემია დასრულდება, სულ უფრო ნაკლებად სავარაუდო ხდება.თუ ეპიდემიის სათანადო კონტროლი არ მოხდება , არ იქნება გათვალისწინებული არსებული რეგულაციები და მოსახლეობა უარს იტყვის ვაქცინაზე, თითოეული ადამიანი , შესაძლოა, ყოველ სამ თვეშიხელახლა დაინფიცირდეს და ეს მდგომარეობა მინიმუმ ხუთი წელი გასტანს.“ - განაცხადა იელის პროფესორმა.
თქვენ მამაცხონებულებო ორჯერ აცრილებს რომ ემართებათ და თან მძიმეთ იმას რატომ არ ამბობთ.რამდენი დაიღუპა აცრილი ის სტატისტიკა დადეთ.ვინც არ არის აცრილი იმათ იმუნიტეტი ძლიერი აქვთ და არც შეხვედრიათ და თუ შეხვდათ უსიპტომოდ დამიჯერეთ.ნუ სტრესავთ ხალხს .
რას ეხვეწებით და უხსნით ამ ხალხს არ იცრებიან მაინც უბრალოდ შეწყვიტეთ უფასო მკურნალობა აუცრელებისთვის მაგრამ მანდ ბუდეა სადაც თქვენ ვითომ უფასო მკურნალობის ხარჯზე ფულს აკეთებთ სულ ესაა!!!