მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რაც რუსეთის არმიამ დააკლო ჩეჩნებს, პუტინმა კადიროვის ხელით შეუსრულა" - როგორ ებრძვის რამზან კადიროვი ემიგრაციაში მყოფ ჩეჩნებს და ცდილობს, კრიტიკისთვის სამაგალითოდ დასაჯოს
10:19 / 17-10-2021
თურქეთში ექვსი ჩეჩენი პოლიტიკური მოტივით ადამიანის მკვლელობის მცდელობისთვის დააკავეს. მედიის ცნობით, შესაძლოა, ეს ადამიანები ასრულებდნენ ჩეჩნეთის ლიდერის, რამზან კადიროვის დაკვეთას, შეევიწროვებინათ და სამაგალითოდ დაესაჯათ ემიგრაციაში მყოფი ის ჩეჩნები, რომლებიც კადიროვის რეჟიმის კრიტიკას ბედავენ.
ბოლო ხანებია, ჩეჩნეთში ბოდიშების და თავის მართლების შემცველი ვიდეომიმართვები, რომლის ადრესატიც რესპუბლიკის ლიდერი, რამზან კადიროვია, აქტუალობას არ კარგავს. ჩეჩნეთის ლიდერს ბოდიშებს ის ადამიანები უხდიან, რომლებიც ამა თუ იმ მოტივით, მას აკრიტიკებენ. გავრცელებულ ვიდეოებში კი მომხდარს ან ალკოჰოლს, ან ამა თუ იმ საკითხის არასწორად გააზრებას აბრალებენ.
ეს ეხებათ ცნობილ ადამიანებს, ბლოგერებს, სპორტსმენებს, მომღერლებს და სხვა მოქალაქეებს, მათ შორის, იმ ქალებს, რომლებისთვისაც, კადიროვის რეჟიმი მიუღებელია. ისინი ჯერ აკრიტიკებენ ჩეჩნეთის ლიდერს, შემდეგ უბოდიშებენ მას, ან მიდიან ქვეყნიდან, ითხოვენ თავშესაფარს და ადამიანის უფლებადამცველ საერთაშორისო ორგანიზაციებს უყვებიან იმ არაადამიანურ ვითარებაზე, რაც ჩეჩნეთშია. მათ ნაცვლად კი, ჩეჩნეთში დარჩენილი მათივე ოჯახის წევრები იხდიან ბოდიშს.
- ოქტომბრის დასაწყისში კადიროვი თურქეთში, იქაურ ჩეჩნებთან შესახვედრად წავიდა, თუმცა, როგორც ირკვევა, მის მიმართ კრიტიკულად განწყობილ ადამიანებს დაემალა. მოგვიანებით, რამზან კადიროვის თანამშეწემ ვიდეო გამოაქვეყნა, სადაც ამბობდა, რომ კადიროვი, თურქეთში ვიზიტის დროს, კრიტიკოსებს სულაც არ გაურბოდა.
თანამშემწის თქმით, რამდენიმე თურქული ქალაქი მოიარეს, სადაც კადიროვი ადგილობრივ ჩეჩნებს უნდა შეხვედროდა, მაგრამ კრიტიკულად განწყობილი არავინ უნახავთ.
Кавказский узел-ის ცნობით, ყველაფერი თურქეთში მცხოვრები ჩეჩენი ბლოგერის, ჰასან ხალიტოვის ვიდეომიმართვას მოჰყვა. ის ჩეჩენ ძალოვნებს, თავისი ნათესავების გატაცებასა და წამებაში ადანაშაულებდა და ამის შესახებ ბოლო თვეების განმავლობაში აქტიურად საუბრობდა. ხალიტოვი აცხადებდა, რომ ჩეჩნეთის ხელმძღვანელობა მისი და რამდენიმე ადამიანის ოჯახის წევრების "სისხლზე დგას."
"მან რესპუბლიკის ხელმძღვანელობას თურქეთში წარმომადგენლობის წარგზავნისკენ მოუწოდა, რათა ვითარებაში გარკვეულიყვნენ", - წერს გამოცემა.
ყოველივეს მოჰყვა ის, რომ ოქტომბრის დასაწყისში, კადიროვი, ჩეჩნეთის პრეს-მინისტრთან, ახმედ დუდაევთან ერთად, მართლაც ჩავიდა თურქეთში. დუდაევი აცხადებდა, რომ "მათ რამდენიმე თურქული ქალაქის შემოვლა შეძლეს", მაგრამ ვერ იპოვეს ის "შაითანები", რომლებიც ჩეჩნეთის ლიდერთან შეხვედრის სურვილს გამოხატავდნენ.
თუმცა, ბლოგერი ხალიტოვი აცხადებს, რომ კადიროვის გადაადგილება გასაიდუმლოებული იყო. ამიტომ მასთან შეხვედრა კი არა, მიახლოებაც ვერავინ შეძლო, რადგან ის ყველას ემალებოდა. "გუშინ მან კიდევ ერთი ვიდეომიმართვა გაავრცელა, სადაც მიუთითა თავისი ადგილსამყოფელი და კადიროვს მიმართა, რომ მასთან შესახვედრად მზად იყო", - წერს გამოცემა.
- ჩეჩენი ბლოგერების ცნობით, რამზან კადიროვი და ახმედ დუდაევი თურქეთში მას შემდეგ გაემგზავრნენ, რაც ცნობილი გახდა, რომ 8 ოქტომბერს, რუსეთის მოქალაქე ექვსი ჩეჩენი დააკავეს, რომლებიც ჯაშუშობაში, ასევე, პოლიტიკური მოტივით, ადამიანების გატაცებასა და მკვლელობაში იყვნენ ბრალდებულნი.
ამასთან, 11 ოქტომბერს, ჰასან ხალიტოვმა განაცხადა, რომ ჩეჩნები მის ლიკვიდაციას გეგმავდნენ. თურქული პოლიციის წყარომ დაადასტურა, რომ დაკავებულები თურქეთში მცხოვრებ უცხოეთის მოქალაქეებზე "მუშაობდნენ". იტაცებდნენ, აწამებდნენ და ხოცავდნენ მათ.
თუმცა, დუდაევს ამაზე არ უსაუბრია. მან განაცხადა, რომ კადიროვი უკვე დაბრუნდა თურქეთიდან, სადაც არაერთ ჩეჩენს, მათ შორის, "ცნობილ ბლოგერს, ჰუსეინ გასანოვსაც შეხვდა და მისი მოსაზრებები მოისმინა..."
"ამის შემდეგ, გაავრცელეს ჰასან ხალიტოვის ძმის ვიდეომიმართვა, სადაც ჩეჩნეთის მოქალაქე თავის ძმას რესპუბლიკის კრიტიკისთვის უხეშად მოიხსენიებს. ხალიტოვის ძმა ბლოგერს ენის ამოძრობით ემუქრება...", - წერს გამოცემა. იმავე ვიდეოში, დუდაევი შეურაცხყოფას აყენებს კადიროვის ოპონენტებს და მათ "ვირთხებს" უწოდებს.
ადგილობრივები სოციალურ ქსელებში წერენ, რომ "კადიროვი, პუტინის "მეფობის" პირობებში, ჩვეულებრივ ბოროტმოქმედად ჩამოყალიბდა და მის კისერზე, სულ უფრო მეტი ადამიანის სიცოცხლეა."
"რაც ჩეჩნეთის ორივე ომში რუსეთის არმიამ დააკლო ჩეჩნებს, პუტინმა კადიროვის ხელით შეუსრულა ... ჯერ სად ვართ, ახლა ემიგრაციაში წასულ ჩეჩნებს დაერია, რომ იქაც ვერავინ გაბედოს "პატარა ჰიტლერის" კრიტიკა", - წერს ერთი-ერთი მათგანი.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Самодур-აი, შესაფერისი სიტყვა ამ არსების დასახასიათებლად. თვითკმაყოფილი ტირანი შეუზღუდავი ძალაუფლებით. ასეთი აწყობს რუსეთს, რომ ჩეჩნებმა ხმის ამოღება აღარ გაბედონ.
ჩეჩნები კი არა, ქართველებიც ვერ ბედავენ კომენტარების გაკეთებასაც კი. გამოდის, სხვა სტატიებზე ვინც აქტიურობს, სულ ტროლები ყოფილან.