მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა რეგულაციები იმოქმედებს არჩევნების დღეს, რა სიახლე ელით ამომრჩევლებს და კარანტინსა თუ იზოლაციაში მყოფ პირებს რა შემთხვევაში შეეძლებათ ხმის მიცემა
20:37 / 02-09-2021
ცესკოს თავმჯდომარის, გიორგი კალანდარიშვილის განცხადებით, კენჭისყრის დღეს ამომრჩეველს ჯანმრთელობისთვის უსაფრთხო გარემო დახვდება, ხოლო საარჩევნო ადმინისტრატორები ეკიპირებულები იქნებიან ყველა საჭირო და აუცილებელი საშუალებებით, რათა ვირუსის გავრცელება არ მოხდეს.
როგორც „პალიტრანიუსის“ გადაცემა „დღის ნიუსრუმში“ კალანდარიშვილმა განაცხადა, ამომრჩეველს კენჭისყრის შენობაში შესვლისას ტემპერატურას არ გაუზომავენ, თუმცა, მათ პირბადის გამოყენების ვალდებულება ექნებათ.
„კენჭისყრის შენობაში ყოფნის უფლებამოსილების მქონე პირები გაივლიან თერმოსკრინინგს, თუმცა, ტემპერატურის დაფიქსირების შემთხვევაში ეს იმას არ ნიშნავს, რომ კონკრეტულ სადამკვირვებლო ორგანიზაციას ან პარტიას არ ექნება საშუალება, რომ წევრები ჩაანაცვლონ. ეს შესაძლებლობა გათვალისწინებულია. ამომრჩევლის შემთხვევაში სავალდებულოა პირბადის ტარება ისევე, როგორც სხვა პირებისთვის, ვინც კენჭისყრის შენობაში იქნება. ასევე გათვალისწინებულია ერთჯერადი კალმები. ამომრჩეველს ტემპერატურა არ ეზომება. ამით ჩვენ უზრუნველვყოფთ იმას, რომ ამომრჩევლებს არჩევნების დღეს ჯანმრთელობისთვის უსაფრთხო გარემოში მოვემსახუროთ“, - განაცხადა კალანდარიშვილმა.
რაც შეეხება სამედიცინო დაწესებულებაში, კარანტინსა და იზოლაციაში მყოფ პირებს, კალანდარიშვილი ამბობს, რომ არჩევანის გაკეთების საშუალება მათ ნაწილსაც მიეცემათ.
„პროცედურების დაცვის შემთხვევაში ექნებათ შესაძლებლობა, რომ ადმინისტრაცია მათ მოემსახუროთ და ჰქონდეთ არჩევნებში მონაწილეობის უფლება. რა თქმა უნდა, იქ არის გარკვეული მოთხოვნები, გარკვეული წესები, მათ შორის, თვითმმართველობის არჩევნების სპეციფიკიდან გამომდინარე, დამეთანხმებით, რომ ამომრჩეველი მონაწილეობს არჩევნებში იმ შემთხვევაში, თუ ის იმყოფება იმ კონკრეტული მაჟორიტარული ოლქის საზღვრებში, სადაც რეგისტრაცია აქვს გავლილი. ასევე ეს ეხება თვითიზოლაციაში და კარანტინში ყოფნასაც. შესაბამისად, რაოდენობა, რაც გასულ წელს გვქონდა, ალბათ, უფრო ნაკლები გვექნება, რადგან ეს ყველაფერი ერთი მაჟორიტარული ოლქის საზღვრებს უნდა ემთხვეოდეს“, - განაცხადა კალანდარიშვილმა.
გარდა ამისა, გიორგი კალანდარიშვილის თქმით, საარჩევნო ხმების დათვლის ვიდეოფიქსაცია ქვეყნის მასშტაბით, 3 200 უბანზე მოხდება. როგორც ცესკოს თავმჯდომარემ აღნიშნა, შემდეგ ეს ვიდეოჩანაწერები აიტვირთება პლატფორმაზე, რისი ნახვის შესაძლებლობაც, მისი თქმით, ნებისმიერ მსურველს ექნება.
„ხვალ გვაქვს ინფორმაციის დაცულობის ცენტრის გახსნა, რომელიც უზრუნველყოფს დეზინფორმაციის გამოვლენას და შესაბამისად, ამ ინფორმაციის დაცვას და სამომავლოდ პრევენციას. ამას უზრუნველვყოფთ იმით, რომ უპრეცედენტოდ, პირველად ხდება ის, რომ კენჭისყრის დღეს, ხმის დათვლის დროს, გვექნება ვიდეოფიქსაცია, გარდა იმისა, რომ 3 200 უბანზე მოხდება ხმების დათვლის პროცესის ვიდეოჩანაწერის განხორციელება. დღეს ჩვენ გვაქვს მოლაპარაკებები ერთ-ერთ წამყვან, საერთაშორისო პლატფორმასთან, სადაც ყველა ეს ჩანაწერი განთავსდება და ნებისმიერ დაინტერესებულ პირს ექნება შესაძლებლობა ნახოს, თუ როგორ მიმდინარეობდა ხმის დათვლის პროცედურები. თუ ახლა ვიღაცამ არ მოიტაცა და გაიქცა, რაც ბუნებრივია, სისხლის სამართლის დანაშაულია, სხვა შემთხვევაში ეს ჩანაწერები არსად გაქრება. პირდაპირ მოხდება ამ ვიდეოკამერების შესაბამის, საინფორმაციო ცენტრებიდან ატვირთვა, რისი ვალდებულებაც ამ სამართლებრივი აქტის მიხედვით, ჩვენ 4 დღის განმავლობაში გვაქვს“, - განაცხადა გიორგი კალანდარიშვილმა.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დღეში რამდენი ადამიანი იღუპება, ნამდვილი კატასტროფაა. გამოაცხადეთ სახალხო გლოვა, რა დროს არჩევნებია, ვის აინტერესებს ვინც კენჭს იყრის იმათ გარდა!
რა დროს არჩევნებია გაწყდა ნახევარი საქართველო, გადადეთ არჩევნები მომავალ წლამდე ან გაზაფხულამდე მაინც,რა გარანტიაა რომ საარჩევნო უბნებზე არ დაინფიცირდება ხალხი?