„შეგვეშვით მე და ჩემს შვილებს, არ გაბედოთ პირადში ასეთი ვიდეოების გამოგზავნა!“ - მაია კაჭკაჭიშვილი ანტივაქსერებს მიმართავს
მაია კაჭკაჭიშვილი ვაქცინაციასთან დაკავშირებით სოციალურ ქსელში ხშირად აქვეყნებს სტატუსებს. კომპოზიტორი აცრის მომხრეა და ხშირად ეკამათება ანტივაქსერებს. ამჯერად როგორც მაია წერს, მას ანტივაქსერები პირად შეტყობინებებში მძიმე შინაარსის ვიდეოებს უგზავნიან...
მაია კაჭკაჭიშვილი:
"პირადში მიგზავნიან ანტივაქსერები რაღაც უხარისხო და გაურკვეველი ინტონაციის რუსულად გადათარგმნილ ვიდეოებს, ქართულებსაც, რომ აცრილები აუცილებლად მოვკვდებით 2-დან 5 წელში.
კარგი, მაგრამ როცა იცი, რომ აცრილი ვარ და 17 წლის შვილებიც ავცერი თუ ჩემი გადარჩენის მიზნით შეგტკივა გული, მაგრამ ვერ მომისწარი ხელი ხომ უნდა ჩაიქნიო სინანულით, რომ ვერ გადამარჩინე?
და ამის მიუხედავად, რომ „ნაგლად“ შესაშინებლად მიგზავნით ასეთ ვიდეოებს. თქვენ ანტივაქსერები კი არა, დაუნდობელი ბოროტები გქვიათ და არასოდეს არ ვისურვებ თქვენს აზრზე ყოფნას, თუნდაც სიკვდილი მელოდებოდეს ორ წელიწადში, როგორც თქვენ ამბობთ.
ანტივაქსერი ნიშნავს, რომელსაც ბავშვობიდან არანაირი აცრა ჩატარებული არ აქვს. აბა, ვინმემ გითხრათ ბალიზე მაგრად გაგულავებთ, მილიონსაც ჩაგიჯიბავთ, როგორ არ დაირჭობთ იმ გაუგებარ ნემსს მაგასაც ვნახავ.
ვიცი, რომ ვმეორდები მაგრამ აი, ყველა ნემსის შემადგენლობა იცით რაც ბავშვობიდან გვიკეთეს, ხომ? რაც გინდათ ის გიქნიათ, თავში ქვა გიხლიათ, შეგვეშვით მე და ჩემს შვილებს, არ გაბედოთ პირადში ასეთი ვიდეოების გამოგზავნა!
აბა გელოდებით გაბედეთ და დამიწერეთ რამე, ხატებს ამოფარებულო, ფარისეველო, ფანატიკოსო, ბოროტებო!“ - წერს მაია კაჭკაჭიშვილი.