"ფაიზერის" 250 000 დოზა იქნება გამოტანილი სლოტად - გავხსნით 20-დღიანი ჯავშნების შესაძლებლობას - ტიკარაძის თქმით, საიტი გამართულად მუშაობს და შეფერხებას არ ელიან

იმისათვის, რომ მოსახლეობას ჰქონდეს იმის სარწმუნოება, რომ არ არის საჭირო პირველივე წუთებში რეგისტრაცია, 250 000 „ფაიზერის“ დოზა იქნება გამოტანალი სლოტად - ჩვენ გავხსნით 20 - დღიანი ჯავშნების შესაძლებლობას, - ამის შესახებ ჯანდაცვის მინისტრმა ეკატერინე ტიკარაძემ უწყებაშთაშორისო საკოორდინაციო საბჭოს სხდომის დასრულების შემდეგ ბრიფინგზე განაცხადა.

როგორც ტიკარაძემ აღნიშნა, დღეს არსებული 108 ბრიგადით აქვთ საშუალება, რომ 180 000-ზე მეტ ადამინს 20 დღის განმავლობაში შეძლონ და დაუკმაყოფილონ მოთხოვნა.

„რაც შეეხება „ფაიზერის“ პირველ დოზაზე რეგისტრაციას, იცით, რომ მიწოდება ჩვენ ვაქცინის რაოდენობიდან გამომდინარე საკმაოდ მაღალი გვაქვს. ასევე მოცვა, რომელიც დღესდღეობით ამცრელი ბრიგადების საშუალებით გვაქვს, არის საკმარისი იმისათვის, რომ მოხდეს ვაქცინების ადმინისტრირება. მოგვიანებით დაავანონსებთ როდის გაიხსნება ეს ფანჯარა გამტანუნარიანობისთვის.

იმისათვის, რომ მოსახლეობას ჰქონდეს იმის სარწმუნოება, რომ არ არის საჭირო პირველივე წუთებში რეგისტრაცია, 250 000 „ფაიზერის“ დოზა იქნება გამოტანალი სლოტად - ჩვენ გავხსნით 20-დღიან ჯავშნების შესაძლებლობას.

ამ ეტაპისთვის მხოლოდ „ფაიზერისთვის“ არის მობილიზებული 108 ბრიგადა. იმის მიხედვით, თუ როგორ იქნება მოთხოვნდა და სად იქნება მეტი მოთხოვნა, ჩვენ გვაქვს საშუალება, გამტანუნარიანობა როგორც სამუშაო საათების დამატებით, ასევე ბრიგადების დამატებით გავზარდოთ და სამი დღის მანძილზე უკვე შეგვიძლია დამატებითი დოზები შევთავაზოთ მოქალაქეებს.

დღეს არსებული 108 ბრიგადით გვაქვს საშუალება, რომ 180 000-ზე მეტ ადამინს 20 დღის განმავლობაში შევძლოთ და დავუკმაყოფილთ მოთხოვნა. შემდეგ მხოლოდ თბილისის მაშტაბით დამატებული 50%-იანი ბრიგადების რაოდენობით ჩვენ შეგვიძლია გამტანუნარიანობა გავრზარდოთ 211 000-მდე, ხოლო რეგიონების მასშტაბით საჭიროების და გაზრდის შემთხვევაში უკვე 254 000 ფაიზერის დოზის გამტარობის შესაძლებლობა გვაქვს მხოლოდ 20 დღის განმავლობაში“, - განაცხადა ტიკარაძემ.

მისივე თქმით, შესყიდვებით განხორციელებული „ფაიზერის“ მოწოდება „ფაიზერის“ მხირდან ყოველკვირეული რეჟიმით, უწყევტად გაგრძელდება.

ტიკარაძის განცხადებით, „ფაიზერის“ ვაქცინის მომდევნო რეგისტრაციის შეუფერხებლად ჩასატარებლად სამინისტრომ რამდენიმე უწყებასთან ერთად იმუშავა, საიტი გამართა და წინა რეგისტრაციისას არსებული პრობლემები აღმოფხვრა.

როგორც მან ჟურნალისტებს განუცხადა, უკვე არის საიტი, რომელიც გამართულად მუშაობს და მოლოდინი იმის, რომ რაიმე შეფერხება იყოს, არ არის.

„დღეს ჩამოდის „ფაიზერის“ დოზები, რომელიც არის ამერიკელი ხალხის საჩუქარი. ეს არის ის დონაცია, რომელიც საქართველომ მიიღო. დღეს საქართველოში იქნება 500 ათასი დოზა „ფაიზერი“, რასაც ჩვენი მოქალაქეები ასე ელოდებიან. მნიშვნელოვანი მზადების პროცესი გაიარა სამინისტრომ, რომ შესაფერისად დავხვედროდით ამ დოზების ადმინისტრირებას და ყველა ჩვენს მოქალაქეს მასზე შეუფერხებელი წვდომა ჰქონოდა. როგორც ყველამ ვიცით, „ფაიზერის“ პირველი დოზების რეგისტრაციისას საიტი იყო ერთ-ერთი სუსტი წერტილი, რომელიც გამოვლინდა ვაქცინაციის მართვის პროცესში. ამასთან დაკავშირებით რამდენიმე უწყებამ ერთად იმუშავა, რის შედეგადაც, დღესდღეობით, როგორც ჩვენი IT სპეციალისტები მიდასტურებენ, გვაქვს საიტი, რომელიც გამართულად მუშაობს და მოლოდინი იმის, რომ რაიმე შეფერხება იყოს, არ არის. მას აქვს რამდენიმეშრიანი გადაზღვევა და აქედან გამომდინარე, მიგვაჩნია, რომ ეს პროცესი შეუფერხებლად უნდა წარიმართოს. ამ მიმართულებით რამდენიმე ცვლილება განვახორციელეთ, რომელიც არის უმნიშვნელო ცვლილება, მაგრამ მნიშვნელოვნად გაზრდის საიტის შეუფერხებელ მუშაობას.

პირველი რეგისტრაციის დროს IT სამსახურმა დააფიქსირა, რომ 12 ათას ჯავშანზე მოდიოდა 120 ათასი მსურველი და ამან გამოიწვია ის შეფერხებები საიტზე, რომელიც გვქონდა რეგისტრაციისას.

გარდა ამისა, შეიცვალა რეგისტრაციის მეთოდი. წინასწარი ჯავშნების შესახებ საბოლოო დასტური მოქალაქეებს მიუვათ 24 საათის განმავლობაში. ამ კომპონენტშიც IT სამსახურის რეკომენდაციები იქნა გათვალისწინებული. როგორც იცით, აქ მონაწილეობს რამდენიმე ბაზა, როცა ადამიანი რეგისტრირდება. IT პროგრამაში იყო დაშვებული რამდენიმე შეცდომა, რომელიც გუსლისხმობდა იმას, რომ რამდენჯერმე ხდებოდა თითოეულ პროგრამასთან მიმართვიანობა და ეს გამტარუნარიანობას აფერხებდა. ახლა ეს არის იმ კანონზომიერებით, რომელიც გამტარუნარიანობას უზრუნველყოფს,“ - განაცხადა ტიკარაძემ.