"ჩვენ სამხრეთ კორეაში ვმოგზაურობთ" - ბერა ივანიშვილი ცოლთან ერთად ახალ ვიდეოს აქვეყნებს
რეპერი ბერა ივანიშვილი რამდენიმე თვეა, რაც საქართველოში აღარ იმყოფება. ამ პერიოდის განმავლობაში იშვიათად ჩნდებოდა სოციალურ ქსელებშიც, თუმცა, როგორც ჩანს, გადაწყვიტა, რომ კვლავ გააქტიურდეს.
რეპერმა გამომწერებს ახალი ვიდეოები გაუზიარა. როგორც ერთ-ერთი ვიდეოდან ირკვევა, ის ცოლთან, ნანუკა გუდავაძესთან ერთად, სამხრეთ კორეაშია.
- "ჩვენ საქართველოდან სამხრეთ კორეაში ვმოგზაურობთ", - წერს ბერა ვიდეოს აღწერაში (ნახეთ ბერასა და ნანუკას ახალი ვიდეო სამხრეთ კორეიდან)
შეგახსენებთ, რომ მას შემდეგ რაც ბერასა და ირაკლი ღარიბაშვილის ფარული ჩანაწერები გავრცელდა, მალევე ბერა საქართველოდან ოჯახთან ერთად წავიდა. წასვლამდე კი ტელეკომპანია "იმედთან" ინტერვიუში თქვა, რომ მის სოციალურ ქსელებს გამუდმებით "არეპორტებდნენ."
"ტიკ-ტოკზეც" შარშანდელი ზაფხულიდან მოყოლებული, ყოველ დღე არეპორტებენ ჩემს გვერდს რამდენიმე ასეული თუ არა ათასეული "ექაუნთი“, აბსოლუტურად ყველა საქართველოდან. დაზიანდა ჩემი ექაუნთი. როდესაც ვპოსტავდი ვიდეოს ჩემს შვილთან, ჩემს მეუღლესთან, იქ შედიოდა ათასობით რეპორტი, რომ ეს არის პორნოგრაფია, რაღაცა ტერორისტული მიმართვა, რაღაცა სახიფათო კონტენტი.
როდესაც "ტიკ ტოკის" მენეჯერებს დავუკავშირდი, მათ მითხრეს, რომ მილიარდამდე ადამიანს აქვს "ტიკ ტოკი" და ეს არის პირველი შემთხვევა ამ აპლიკაციის ისტორიაში, ასე ვიღაცას თავს ესხმოდნენ და ებრძოდნენო. ყველაფერი კარგად იქნება, აუცილებლად აღვადგენთ ამას და გამოვასწორებთ. მინდოდა, ეს რამოდენიმე ფაქტიც მომეყოლა საზოგადოებისთვის“, - ამბობდა ბერა.