მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აჭარული კერძების პოპულარიზაციის მიზნით კულინარიული გზამკვლევი შეიქმნება
14:58 / 06-07-2021
აჭარული კერძების პოპულარიზაციის მიზნით კულინარიული ექსპედიცია იწყება. აჭარის ტურიზმის დეპარტამენტის ტურისტული პროდუქტების განვითარების სააგენტო გასტრონომიული ტურიზმის განვითარების მიზნით რეგიონისთვის დამახასიათებელი კერძებისა და მათთან დაკავშირებული ტრადიციების შესწავლას, კულინარიულ გზამკვლევში თავმოყრასა და პოპულარიზაციას გეგმავს.
გზამკვლევში აჭარული სამზარეულოს ნაკლებცნობილი და მივიწყებული კერძებიც მოხვდება. კულინარიული ექსპედიციისას მუნიციპალიტეტებში არსებული ყველის სახეობების, მათი მომზადების ტექნოლოგიების, ტრადიციების შესწავლა და აღწერაც იგეგმება. კულინარიული გზამკვლევი ერთის მხრივ დაეხმარება ვიზიტორებს გაიცნონ აჭარული კერძები, იცოდნენ სად შეიძლება მათი დაგემოვნება, მეორეს მხრივ კი ხელს შეუწყობს აჭარული კერძების მენიუებში შეტანასა და პოპულარიზაციას.
ვინაიდან აჭარული სამზარეულო კერძების ნაირგვარობით და ლოკალური თავისებურებებით ხასიათდება, კულინარიული კვლევა მუნიციპალიტეტების, ხეობებისა და იაილების მიხედვით განხორციელდება. ის მოიცავს როგორც ზემოაჭარულ, ისე ქობულეთურ და ლაზურ კულინარიას. თითოეული მუნიციპალიტეტიდან არანაკლებ 15 იშვიათი და ნაკლებცნობილი კერძის იდენტიფიცირება იგეგმება. კვლევაში წარმოდგენილი იქნება მთავარი კერძი, დესერტი, საწებლები, მურაბები, მარინადები, რძის ნაწარმი, წასახემსებლები, ღვინის სახეობები და ყურძნის წვენისგან დამზადებული სხვა პროდუქტები. ავთენტური სამზარეულოს აღდგენის მიზნით აჭარული სამზარეულოს ინვენტარსა და ჭურჭელსაც შეისწავლიან.
გასულ წელს, აჭარის ტურიზმის დეპარტამენტმა აჭარული კერძების პოპულარიზაციის მიზნით ქობულეთური, ლაზური და მთიანი აჭარის სამზარეულოს საიმიჯო რგოლები და კერძების მომზადების ვიდეო გაკვეთილები მომზადდა. მათი ნახვა მსურველებს სერვისის განვითარების ახალ ვებგვერდზე serviceajara.ge - შეუძლიათ. წელს, გასტრონომიული ტურიზმის განვითარების მიზნით მუნიციპალიტეტებში კულინარიული მასტერკლასებისა და ტრენინგების ჩატარება იგეგმება.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
