26
მარტიდღის ზოგადი ასტროლოგიური პროგნოზი
რამდენიმე დღეა მედია მიხეილ სააკაშვილის ბიძაშვილის ქორწილზე აქტიურად წერს. ქორწილის მიმართ ინტერესი მას შემდეგ გაიზარდა, რაც წვეულებაზე ჩასული ექსპრეზიდენტი სააკაშვილი და გიორგი გახარია შტატებში ერთ სასტუმროში აღმოჩნდნენ.
"ჩემი ამერიკელი ბიძაშვილის გიორგი ალასანიას ქორწილი. შვიდწლიანი ასაკობრივი სხვაობის მიუხედავად, პრაქტიკულად მე მასთან ერთად გავიზარდე, მაგრამ ის ამერიკაში დაიბადა და ნიუ – იორკის შტატში წარმატებით ცხოვრობს და მუშაობს. ჩემი ბიძაშვილი გიორგი დაქორწინდა მეგანზე, რომელიც წარმატებული ბიზნეს-აღმასრულებელია ჩრდილოეთ კაროლინიდან. ახალდაქორწინებულების მშობლებთან ერთად იყვნენ ჩემი დედა, ვაჟები და ჩემი ამერიკელი რძალი, ჩემი უფროსი ვაჟის ცოლი ჩიკაგოდან" - წერს სააკაშვილი და ქორწილის ფოტოებსაც აქვეყნებს.
მიხეილ სააკაშვილის უფროსი ვაჟი მეუღლესთან ერთად მეორედ გამოჩნდა. სააკაშვილების რძალი ებრაული წარმოშობის გოგონა ადინა სპერტუს მელპუსია.
"კარგი გოგოა, რა მნიშვნელობა აქვს ებრაული წარმოშობისაა თუ არა. ძალიან კარგია, რომ ებრაული წარმოშობისაა, ასევე შეიძლებოდა ყოფილიყო ქართველიც, უკრაინელიც და ავსტრალიელიც - ამას მნიშვნელობა არ აქვს, რაც მთავარია, ძალიან თბილი ოჯახია და მეგობრული ხალხია", - ამბობდა მიხეილ სააკაშვილი რძალზე.
აღსანიშნავია რომ, ადინა როგორც გარეგნულად, ისე ინტერესებით ძალიან ჰგავს დედამთილს, სანდრა რულოვსს. მასაც ყოფილი პირველი ლედის მსგავსად, ჯანდაცვის სფერო აინტერესებს. მის სამუშაო გამოცდილებაში ბევრი სხვადასხვა კომპანიაა და საქმიანობს ჯანდაცვისა და კლიმატის მიმართულებით. სხვადასხვა კომპანიებში ადინა მუშაობდა მრჩევლად, კონსულტანტად და მკვლევარად. ძირითადად, სამუშაო ადგილი აშშ-ია.
რაც შეეხება სააკაშვილის ბიძაშვილს, გიორგი ალასანიას, მისთვის ეს მეორე ქორწინებაა. მისი პირველი მეუღლე ქართველი მილიონერის, დავით დუმბაძის ქალიშვილი ელენე დუმბაძე გახლდათ. გოგონა ცნობილი პლასტიკური ქირურგის, ვახტანგ ხუციძის (წოპეს) შვილიშვილია. ელენეს და გიორგის ერთი საერთო შვილი, მიხეილ-დავით ალასანია ჰყავთ, რომელიც თავის ბიძაშვილებთან ერთად მამის ქორწილს დაესწრო. ამერიკაში იმყოფებიან ლიკა ევგენიძისა და ნიკა ალასანიას საერთო შვილებიც - ალექსანდრე და ანა სოფია.
მიშას რძალს და დედას გემოვნება არ გააჩნიათ. ერთი ნამეტანი აკუნტრუშებული კაბითაა და მეორე ნამეტანი ჩაფართხუნებულით :))))))))))
გაოგნებული ვარ-როგორ ასვენებთ ამ პარაზიტების ოჯახს ამდენი მოკლული და გაუბედურებული ადამიანების ცოდვები?! ღმერთის საერთოდ არ ეშინიათ???!!!