მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გახარიას მისიაა, რომ შიგნიდან დაშალოს "ოცნება", ქვეყნის გარედან წაქეზებულიც არის" - გუბაზ სანიკიძე
11:58 / 30-06-2021
ოპოზიციონერმა დეპუტატმა გუბაზ სანიკიძემ "პალიტრანიუსის" გადაცემა "ნიუსრუმში" გიორგი გახარიას პოლიტიკური მისიისა და მიზნების შესახებ ისაუბრა. სანიკიძის მოსაზრებით, პარტია "საქართველოსთვის" ლიდერის ამოცანა "ქართული ოცნების" შიგნიდან დაშლაა, რაშიც მას უცხოეთის მხარდაჭერაც აქვს.
""ოცნების" ამომრჩეველის დიდი ნაწილი სიმპატიას გამოხატავს გახარიას მიმართ. ეს საკმაოდ სერიოზულად აშფოთებს "ქართულ ოცნებას" და ბიძინა ივანიშვილსაც. ეპისტოლე, რომელიც მან გამოაგზავნა, ეს იყო გემზე ამბოხების ჩასახშობად. "ოცნების" იმ ნაწილმა, რომელიც არ გაყვა გახარიას, გაიხსენა ბიძინას დანაქადნები - 2 წლის წინ მან თქვა, რომ ნამდვილ ოპოზიციას მე შევუწყობ ხელსო. ჩათვალეს, რომ სწორედ ამას აკეთებს. მით უფრო, რომ გახარიამ კრინტი არ დაძრა ბიძინაზე ცუდი, იფიქრეს, რომ გაყიდულები ვართ.
პოლიტიკა ისეთი რამეა, რომ ხელისუფლებისგან მართული ოპოზიცია დიდი მზეგრძელობით არ გამოირჩევა საქართველოში. გახარიას მოუწევს დამოუკიდებელი თამაში და უფრო მეტიც, რატომღაც მგონია, რომ ქვეყნის გარედან წაქეზებულიც არის, რათა სიტუაცია შეიცვალოს. გამბედაობაზე მეტად გარანტიები აქვს, მაგრამ არ ვიცი ვისგან. ეჭვები მაქვს, მაგრამ თავს შევიკავებ.
საქართველოში ყველა ხელისუფლება შეიცვალა შიდა ამბოხით. ძალიან სამწუხარო ფაქტი იყო, როდესაც ზვიად გამსახურიდია სისხლიანი ამბოხით დაამხეს. აჯანყების მეთაური იყო ქვეყნის მეორე კაცი, თენგიზ სიგუა, ყოფილი პრემიერ-მინისტრი. შემდეგ შევარდნაძე შიგნიდან "ააფეთქა" ჟვანია სააკაშვილის ტანდემმა. ჟვანია მეორე კაცი იყო გავლენით, სააკაშვილი ამომავალი ვარსკვლავი. სააკაშვილის ხელისუფლება საბოლოოდ გაბზარა და მერე გასკდა კიდეც ოქრუაშვილის კაზუსით. მართალია მაშინვე არა, რადგან ოპოზიციას ლიდერის პრობლემა ჰქონდა, მაგრამ დაღმასვლა დაიწყო მაშინ "ნაცმოძრაობამ" და მერე ბიძინაც გამოჩნდა და ეს ყველაფერი დასრულდა ისე, როგორც დასრულდა. ოქრუაშვილი იყო მეორე პირი "ნაციონალურ მოძრაობაში" და, მითუმეტეს, სააკაშვილის ხელისუფლებაში.
ახლაც, როგორც ჩანს, გახარიას მისია ქვეყნისა და ერის წინაშე მდგომარეობას იმაში, რომ მან შიგნიდან უნდა გაბზაროს "ქართული ოცნება"...
გახარია არ არის შეკრული სააკაშვილთან... მე რატომრაც მგონია, რომ "ქართული ოცნების" ელექტორალური ბაზა ძალიან ცოტა ხანში, ალბათ არჩევნების მერე, ბიძინაზე იტყვის უარს და გადავა გახარიას მხარეს. არა მარტო კობახიძეზე, ბიძინაზე იტყვის უარს, იმიტომ რომ ბოლო გამოკითხვებით, საპარლამენტო არჩევნებამდე, რეიტინგებში გახარია ბიძინას უსწრებდა. ამიტომ ეს არის დინასტიური, შიდა გადატრიალება, რაც ხდებოდა ყოველთვის.
დანამდვილებით ვიცი, "ოცნების" შიგნიდან მაქვს ინფორმაცია, რომ როცა გახარიამ გააკეთა პრეზენტაცია და ღერი ცუდი არა თქვა ბიძინაზე, "ოცნებაში" დაიწყო პანიკა, განსაკუთრებით მაჟორიტარებში, რომლებსაც ფული აქვთ გადახდილი დეპუტატობისთვის, რომ 4 წელი არ შეაწუხონ და ოლიმპოზე განცხრომით იყვნენ. მათ დაიწყეს ეჭვიანობა, რომ შეგვატოვა კობახიძეს და თვითონ გახარიაზე აპირებს გადათამაშებასო. ეს იყო აგრესიული ეჭვიანობა. გვარებიც ვიცი იმ დეპუტატების, უბრალოდ, არ დავასახელებ. თუ გადაგდებას გვიპირებსო, მაშინ ჩვენ დავასწროთ და უმრავლესობა დავუშალოთო. ბიძინა იძულებული გახდა გამოსულიყო და ეთქვა, რომ ბიჭებო, თქვენ უფრო მიყვარხართ, ვიდრე გახარიაო, რომ არ დაშლოდა უმრავლესობა. მერე შეიძლება დაშალოს, მაგრამ ახლა არ აწყობდა. ცოტა ხანში რომ გამოვიდეს და თქვას, გახარია შვილივით მიყვარს და ჩემი ოჯახის წევრიაო, დაუშლის ვინმე?! მძიმედ აქვთ საქმე ბიჭებს და გოგოებს".
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გუბაზი თავისი არშინით ზომავს.
ბატონო გუბაზ გვარის გამო შეგიყვანეს პოლიტიკაში, თავი დაანებე მაგ საქმეს და კომბალს მოკიდე ხელი ამით უფრო მეტ სარგებელს მოუტან ხალხსაც და თქვენს თავსაც;
პატივისცემით,