რა ვიცით ნიკოტინის შესახებ? (R)

ელექტონული სიგარეტების ან სხვა თამბაქოს ელექტრონული მოწყობილობების გრძელვადიანი მოხმარების შედეგები ჯერ კიდევ არ არის კარგად შესწავლილი. 2019 წლის სექტემბერში, აშშ-ს ჯანდაცვის სისტემის წარმომადგენლებმა აქტიურად დაიწყეს თამბაქოს ალტერნატიული მოწყობილობებისა და სასუნთქ გზების დაავადებების განვითარების პროცესში მათი ზეგავლენის კვლევა. აღსანიშნავია, რომ მოწევასთან დაკავშირებული დაავადებების გამომწვევ მიზეზად თამბაქოს კვამლში არსებულ ნივთიერებები სახელდება, ხოლო ნიკოტინი, მეცნიერული ფაქტების თანახმად, მოწევასთან დაკავშირებული დაავადებების გამომწვევ მიზეზს არ წარმოადგენს.

ნიკოტინი ქიმიური ნივთიერებაა, რომელიც სხვადასხვა მცენარეში გვხვდება, მათ შორის: წითელი წიწაკა, ბადრიჯანი, პომიდორი და კარტოფილი. მართალია, ნიკოტინი თავისთავად არ იწვევს კიბოს და არ მონაწილეობს მოწევასთან დაკავშირებული დაავადებების განვითარების პროცესში, მაგრამ ის იწვევს დამოკიდებულებას.

ფაქტები ნიკოტინის შესახებ:

• ნიკოტინის მოხმარებისთვის თავის დანებება ისეთივე რთულია, როგორიც ჰეროინისთვის, წერს ამერიკის კიბოს საზოგადოება.
• ნიკოტინის მოხმარებამ შესაძლებელია უარყოფითი გავლენა იქონიოს გულზე, ჰორმონებსა და გასტროენტერალურ სისტემებზე.
• ზოგი კვლევა აჩვენებს, რომ ნიკოტინმა შესაძლოა დადებითი ზეგავლენა მოახდინოს მახსოვრობასა და კონცენტრაციის უნარზე.
• ჯანმოს მონაცემებით, მსოფლიოში თამბაქოს მომხმარებელთა რიცხვი ერთ მილიარდზე მეტია.

ნიკოტინის ზეგავლენა ორგანიზმზე

ნიკოტინს აქვს დამამშვიდებელი და მასტიმულირებელი ეფექტი. როდესაც მწეველის ორგანიზმში ნიკოტინი ხვდება, ის იწვევს თირკმელზედა ჯირკვლის სტიმულირებას, რაც ადრენალინის გამოყოფას უწყობს ხელს.

ადრენალინის მომატებული დონე კი იწვევს გლუკოზის გამოყოფას, ტაქიკარდიას, სუნთქვის სიხშირისა და წნევის მომატებას.

ასევე, ნიკოტინი ხელს უწყობს დოფამინის (ბედნიერების ჰორმონის) გამოყოფას და ასტიმულირებს ტვინის ლიმბური სისტემის უბნებს.

American Heart Association-ის განცხადებით, ნიკოტინის მოხმარების შედეგად ჩნდება თამბაქოზე დამოკიდებულება, რაც ადამიანის ორგანიზმზე უარყოფით ზეგავლენას ახდენს და რიგ შემთხვევებში ფატალურ შედეგებს იწვევს.

ნიკოტინის მოხმარების გვერდითი ეფექტი

ნიკოტინის მოხმარების შედეგად შეიძლება განვითარდეს სხვადასხვა გვერდითი მოვლენა. გაზრდილმა სისხლის წნევამ შეიძლება გამოიწვიოს თრომბების წარმოქმნის რისკი, ათეროსკლეროზი, ასევე, ძილის რეჟიმის დარღვევა, თავბრუსხვევა, პირის ღრუს სიმშრალე, გულძმარვა.

უდავოა, რომ მწეველთა მხრიდან საუკეთესო გადაწყვეტილებას მოწევისა და ნიკოტინის მოხმარებისთვის თავის დანებება წარმოადგენს. თუმცა, იმ ზრდასრულ მწეველთათვის, რომლებიც ვერ ან არ ანებებენ თავს მოწევას, არსებობს ნიკოტინის მიღების ალტერნატიული გზები, მათ შორის: ნიკოტინის შემცველი საღეჭი რეზინები, ნიკოტინის პლასტერები, თამბაქოს უკვამლო მოწყობილობები და ელექტრონული სიგარეტები. მართალია, თამბაქოს ალტერნატიული მოწყობილობა არ არის სრულიად უსაფრთხო, თუმცა ტრადიციული სიგარეტის მოხმარებასთან შედარებით უკეთეს არჩევანს წარმოადგენს, რადგან ხელს უწყობს მოწევის შედეგად ორგანიზმზე განხორციელებული ზიანის შემცირებას.

R