მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩვენი თანამშრომლები თბილისში არდადეგებს ატარებენ" - რას ამბობენ ნავალნის ანტიკორუფციულ ორგანიზაციაში rbc.ru-ს ინფორმაციაზე?
08:05 / 08-05-2021
რუსული მედიის ცნობით, რუსეთში ყველაზე რეიტინგული ოპოზიციური ლიდერის, ალექსანდრ ნავალნის ანტიკორუფციული ფონდის ორმოცამდე თანამშრომელი პუტინის რეჟიმს გამოექცა და საქართველოში ჩამოვიდა, საიდანაც თავიანთი საქმიანობის გაგრძელებას აპირებენ.
ასევე, იგეგმება მათი კუთვნილი სტუდიის მოსკოვიდან თბილისში გადმოტანა და გამოძიების მასალების აქედან გავრცელება. ინფორმაცია ინტერნეტ-გამოცემა rbc.ru-ზე დაყრდნობით სხვადასხვა რუსულმა წყარომ გაავრცელა.
თუმცა, რამდენიმე საათში ნავალნის ანტიკორუფციული ორგანიზაცია ФБК-ის ხელმძღვანელობამ კიდევ ერთი ინფორმაცია გაავრცელა, სადაც აღნიშნა, რომ ეს იყო დეზინფორმაცია.
ფონდის დირექტორის ივან ჟდანოვის ცნობით, საქართველოში ნამდვილად იმყოფება ორგანიზაციის რამდენიმე თანამშრომელი, ოღონდ დასასვენებლად და არა, სამუშაო ვიზიტით.
"ახლა მათ არდადეგები აქვთ. შესაბამისად, საქართველოში ნამდვილად იმყოფება ФБК-ს რამდენიმე თანამშრომელი დასასვენებლად, მაგრამ ჩვენ თანამშრომლების პირად ცხოვრებას არ ვაკონტროლებთ, მათ სრული უფლება აქვთ, სადაც სურთ იქ დაისვენონ," - აცხადებს ჟდანოვი.
თანამშრომლების საქართველოში გადასვლასთან დაკავშირებით ინფორმაცია გამოცემა rbc.ru-მ საკუთარ წყაროზე დაყრდნობით გაავრცელა და აღნიშნა, რომ ФБК-ს რამდენიმე წარმომადგენელი საქართველოში უკვე გადავიდა, მათ შორის გეორგი ალბუროვი, რუსლან შავედინოვი და რამდენიმე ტექნიკური პერსონალი.
გამოცემის წყაროს ცნობით, საქართველოში ჩამოსული გუნდი აპირებდა თბილისში სტუდია Навальный LIVE გაეხსნა, სამუშაოდ საჭირო ყველაზე მნიშვნელოვანი ინფრასტრუქტურა მოსკოვიდან ჩაეტანათ, დანარჩენი კი ადგილზე ეყიდათ, რათა პირდაპირი ეთერები ჰქონოდათ.
"ცნობისთვის, აპრილის შუა რიცხვებში, მოსკოვის პროკურატურამ ნავალნის შტაბის საქმიანობა შეამოწმა და დაასკვნა, რომ მათი საქმიანობის მიზნებიდან გამომდინარე იგეგმებოდა კონსტიტუციური სისტემის შეცვლის წინაპირობები, მათ შორის "ფერადი რევოლუციის" სცენარი... 29 აპრილს ნავალნის თანამოაზრე ლეონიდ ვოლკოვმა შტაბის დაშლის შესახებაც განაცხადა..." - წერს გამოცემა.
echo.msk.ru-ს ცნობით, აპრილის ბოლოს, მოსკოვის საქალაქო სასამართლომ ორგანიზაცია ФБК-სა და ფონდს, რომელიც, ადამიანთა უფლებების დაცვის მიმართულებით მუშაობდა (ასევე მიჩნეულია უცხოეთის აგენტად და ექსტრემისტულ ორგანიზაციად) სასამართლო პროცესის დასრულებამდე საქმიანობა აუკრძალა, რადგან აღნიშნული ორგანიზაციები ექსტრემისტულად არის მიჩნეული. მაისის დასაწყისში იურისტთა გუნდის Команды 29 -ის თანამშრომლებმა, რომლებიც ФБК -ს ინტერესებს იცავდნენ, გადაწყვეტილება გაასაჩივრეს. ასევე ცნობილი გახდა, რომ ნავალნის, ვოლკოვისა და ჟდანოვის წინააღმდეგ, კიდევ ერთი სისხლის სამართლის საქმე აღიძრა. დანაშაული დამტკიცების შემთხვევაში, თავისუფლების 4 წლამდე აღკვეთით ისჯება..." - წერს გამოცემა.
გავრცელებული ინფორმაციის ფეიკნიუსობა არ დაიჯერა რუსი ინტერნეტმომხმარებლების ნაწილმა. მათი მოსაზრებით, ნავალნისა და მისი მხარდამჭერების რეიტინგი პუტინის გუნდს აიძულებს, თავის მართლების რეჟიმში იყვნენ, შესაბამისად, მათი სხვადასხვა გზებით მოგუდვას ნამდვილად არ ითაკილებდნენ...
"ისეთი დეტალები ჰქონიათ გათვლილი, რომ ეს არ ჰგავს ცრუ განგაშს, დიდი ალბათობით, ვიღაცამ ჩაუშვა, რაც ძალზე სამწუხაროა, რადგან კრემლის რეჟიმი უკვე მათ აღარსად გაუშვებს, რადგან სასამართლო პროცესი ჯერ არ დასრულებულა და კანონიც მათ მხარეს არის. არც თანამშრომლების დასასვენებლად წასვლის ვერსიის მჯერა, ახლა ამ გამწვავებულ ვითარებაში, მაისის დასაწყისში, არდადეგების მოწყობა ლოგიკას მოკლებულია, ამის დეფიციტი კი ამ გუნდს ნამდვილად არ აქვს... ახლა არსებობს მხოლოდ ერთი გამოსავალი - საზოგადოება კიდევ უფრო უნდა გააქტიურდეს და პუტინის რეჟიმს ამ საქმის ბოლომდე მიყვანის საშუალება არ უნდა მისცეს..." - წერს ინტერნეტმომხმარებელი პავკა კორჩაგინი.
"დასანანია, რომ საქმე ბოლომდე ვერ მიიყვანეს. ახლა მხოლოდ ერთი ვარიანტია, ვინც პუტინის კლანჭებს გადაურჩა, უნდა გააგრძელოს საქმე, რომლის გაკეთებასაც აპირებდნენ... სასამართლოს ძალით უნდა იბრძოლონ რეჟიმის წინააღმდეგ... რისკი ორივე შემთხვევში დიდია, მაგრამ დასაკარგი არაფერი აქვთ, არც მათ და არც ჩვენ..." - მიაჩნია ელენ ბარდინეცს.
მკითხველის კომენტარები /
61 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ ხროვამ რატომ არ ატეხა ერთი ამბავი ამათ ვიზიტზე?თუ რაკი პუტინის ოპოზიციაა იმიტომ?ეს ის ნავალნი არ არის რომელიც გაიძახოდა რომ ყველა ქართველი გასაყრელია რუსეთიდან?აფსუს,რა ცუდია ჩვენს ქვეყანაში ამდენი დალტონიკი რომ არსებობს.
ნაცების ხროვა! სად ხართ? ჩამოგივიდათ თქვენნაირი საქართველს მტრები?!