გიგი უგულავას ქალიშვილი ფილმის გადასაღებად ფულს აგროვებს - "დახმარება მთხოვა - შენს "ფრენდებში" გაავრცელეო"
პოლიტიკოს გიგი უგულავას ქალიშვილი ტასო უგულავა ფილმის გადასაღებად ფულს აგროვებს.
ამის შესახებ ინფორმაციას სოციალურ ქსელში გიგი უგულავა ავრცელებს. მისი თქმით, ფილმი სიყვარულზეა.
"ჩემი ტასო მოკლე ფილმს იღებს. ფილმი სიყვარულზეა. კაცმა რომ თქვას აბა სხვა რაზე უნდა იყოს. ფულსაც აგროვებს გადასაღებად. მეც მთხოვა დახმარება - შენს ფრენდებში გაავრცელეო.
ჰოდა ჯერ ნახეთ, მოუსმინეთ და თუ მოგეწონათ დაეხმარეთ. მე ვერ გირჩევთ, ძალიან, ძალიან სუბიექტური ვარ" - წერს უგულავა.
ცნობისთვის, გიგი უგულავას პირველი ქორწინებიდან ორი ქალიშვილი ჰყავს. ტასო და თინა უგულავები. გოგონები მამის მიმართ განსაკუთრებული სიყვარულით გამოირჩევიან. ტასო უგულავა 2000 წელს დაიბადა და საზოგადოების ყურადღების ცენტრში პირველად მაშინ მოხვდა, როცა სერიალში "ჩემი ცოლის დაქალები" ითამაშა. ტასო კინოხელოვნებით არის გატაცებული და პროფესიაც ამ მიმართულებით შეარჩია.
ჰიპ-ჰოპის ქართველი არტისტი Kazzy Jazz გარდაიცვალა - "არც კოვიდი ჰქონია და არც აცრილი იყო, ძილში დაემართა თრომბი"
"ცოტათი ფეხზე ადგომაც დავიწყე" - რას წერს თინა ხიდაშელი
