მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დათოს მშობლები, მეუღლე და შვილები თბილისში ცხოვრობენ" - ვინ იყო უკრაინაში მოკლული ქართველი ლეგიონერი?
09:26 / 19-04-2021
უკრაინაში, დონბასში მიმდინარე სამხედრო კონფლიქტს ქართველი ლეგიონერის სიცოცხლე შეეწირა. ამის შესახებ ინფორმაცია უკრაინულმა მედიამ გაავრცელა.
მათივე ინფორმაციით, ოპერატიულ-ტაქტიკურ ჯგუფ "აღმოსავლეთის“ პასუხისმგებლობის არეალში, რუსეთის ფედერაციის შეიარაღებულმა ფორმირებებმა კიდევ ერთხელ დაარღვიეს ცეცხლის შეწყვეტის რეჟიმი და უკრაინელი ჯარისკაცების პოზიციებს ყუმბარმტყორცნებიდან ცეცხლი გაუხსნეს.
"მტრის მიერ ცეცხლის გახსნის შედეგად 128-ე ცალკეული სამთო თავდასხმის ბრიგადის მებრძოლი, უფროსი ჯარისკაცი დავით შარტავა დაიღუპა,“ - ვკითხულობთ ინფორმაციაში.
მოგეხსენებათ, რამდენიმე კვირაა რეგიონში ვითარება ძალიან დაძაბულია. უკრაინის ხელისუფლება აცხადებს, რომ სეპარატისტები ცეცხლის შეწყვეტის შეთანხმებას სისტემატურად არღვევენ. ისიც ყველასთვის ცნობილია, რომ უკრაინელ ჯარისკაცებთან ერთად იქ ქართველი ლეგიონერებიც იბრძვიან.
სამწუხაროდ, 18 აპრილს უკრაინაში ქართველი ჯარისკაცი, დავით შარტავა დაიღუპა. შემთხვევა უკრაინის აღმოსავლეთ ფრონტზე მოხდა. დათო შეტაკებების დროს ადგილზე გარდაიცვალა, გუშინ მათი პოზიციები ლულისქვეშა ყუმბარტყორცნებით დაბომბეს.
"სამწუხაროდ, დღეს ბრძოლაში დაეცა ჩვენი უსაყვარლესი მეგობარი და მებრძოლი დათო შარტავა, ბოლო რამდენიმე თვე მივლენილი იყო ერთ-ერთ ბრიგადაში, დათო ჯარისკაცის გარდა ჩემი მეგობარი იყო. ვუსამძიმრებ ოჯახს და მეგობრებს", - წერს სოციალურ ქსელში ქართველი ლეგიონის ხელმძღვანელი მამუკა მამულაშვილი.
დათო შარტავა 2017 წლიდან იბრძოდა უკრაინის სუვერენიტეტისა და ტერიტორიული მთლიანობის დასაცავად. "იგი ორი შვილის მამაა, მისი მშობლები, მეუღლე და შვილები თბილისში ცხოვრობენ. ეს შოკისმომგვრელი ამბავი ოჯახმა წუხელ შეიტყო, ჯერ გონზეც არ მოსულან", - უთხრა ambebi.ge-ს ოჯახის ახლობელმა.
ვიზიარებთ ოჯახის მწუხარებას და თანაგრძნობას ვუცხადებთ დათო შარტავას ახლობლებსა და მეგობრებს.
მკითხველის კომენტარები /
99 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძალიან სამწუხაროა! ჩემი აზრით, უკრაინა ამ სამხედრო მოქმედებების შედეგად იმაზე მეტ ტერიტორიას დაკარგავს ვიდრე ახლა აქვს. ისევე როგორც ჩვენთან 2008 წელს,დავკარგეთ ახალგორი,კოდორი და ასობით სოფელი! რუსეთი დღეს ვერ აკონტროლებს მთლიანად ადმინისტრაციულ საზღვარს დონეცკის და ლუგანსკის ოლქებისას და ამის შემდეგ მთლიანად გააკონტროლებს!
ღმერთმა ნათელში ამყოფოს მისი სული, ასევე დავამატებ 2008 ში და არც ადრე არ უბრძოლია არცერთ უკრაინელს, ყოველ შემთხვევაში საჯაროდ ამაზე არ ყოფილა ინფორმაცია და ჩვენ რატო ვიკლავთ თავს სხვის ომში ვერ ვხვდები.