მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მეწყერი დინამიკაშია მოსული, რომელიც დღეში 5 სმ სიჩქარით მოძრაობს" - მაჭავარიანის ქუჩასა და მიმდებარედ, ნალექის დროს სამშენებლო სამუშაოები გაჩერდება
16:52 / 23-03-2021
დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის დირექტორის თეა გოდოლაძის განცხადებით, მაჭავარიანის ქუჩასა და მიმდებარე ფერდობზე მეწყერი დინამიკაშია მოსული, რომელიც დღეში 5 სმ სიჩქარით მოძრაობს.
გოდოლაძის განმარტებით, მეწყრის სიღრმე დაახლოებით 18 მეტრს შეადგენს. მან ჟურნალისტებს კვლევის პირველადი შედეგები გააცნო და აღნიშნა, რომ სიღრმე და სიჩქარე აეროფოტოგადაღებით გაზომეს. მან კიდევ ერთხელ გაუსვა ხაზი იმას, რომ აღნიშნულ ტერიტორიაზე სამშენებლო პროცესი არ უნდა გაიმართოს.
გოდოლაძის თქმით, ასევე აუცილებელია მთლიანად მოხდეს მეწყრის კანის შეფასება, რადგან ამაზეა დამოკიდებული, როგორი სცენარი განვითარდება.
„ახლა ის ნელა მოძრაობს. ანუ, სისტემა დაძრულია და მოძრაობს 5 სანტიმეტრით დღეში. ეს ჩვენთვისაც საკმაოდ დიდი ციფრია. ეს არ არის ცოტა და აუცილებელია ამაზე ყურადღება გავამახვილოთ. როდესაც ჩვენ ბუნებრივ საფრთხეს ვზომავთ, ყოველთვის განვიხილავთ არა შესაძლო საფრთხეს, არამედ უარეს საფრთხეს. ანუ, უნდა მოვემზადოთ უარესი სცენარებისთვის. ყველა სცენარი გვინდა გავითვალისწინოთ იმისათვის, რომ პასუხისმგებელი ვიყოთ მოსახლეობასთან და ქვეყანასთან. შესაბამისად, რიცხობრივად გამოსახული სიდიდე არის ძალიან მნიშვნელოვანი, ეს არის 5 სანტიმეტრი დღეში. დღეს, ჩვენ გადავდივართ უკვე აჩქარების გაზომვაზე, იქნებ დავდოთ პირველი შედეგები. ეკოლოგებთან გვქონდა ინტენსიური კონსულტაცია, გაგვიწიეს გარკვეული კონსულტაციები, როგორ ვმართოთ ეს პროცესი ისე, რომ ნაკლებად დავზარალდეთ. აუცილებელია აჩქარება ყოველდღიურად გაიზომოს“, - განაცხადა თეა გოდოლაძემ.
თეა გოდოლაძის თქმით, ამერიკელი კოლეგებისგანაც მიიღეს რეკომენდაცია, რომ ტერიტორიაზე მოძრაობა არ უნდა იყოს.
„ყველას ვეუბნებით, რომ გაჩერდით, არ იმოძრაონ, მანქანებმა ნაკლებად იმოძრაონ და ტერიტორია ქვემოთ საერთოდ უნდა მოსუფთავდეს. ეს არის პირველი რეკომენდაცია, რაც ახლა ჩვენმა ამერიკელმა კოლეგებმა მოგვცეს. ქვემოთა ნაწილი საერთოდ უნდა მოსუფთავდეს, რადგანაც მოძრავი მასის უცაბედი დაძვრა რომ დაიწყოს, აუცილებელია წინა ნაწილი ყოველთვის თავისუფალი იყოს. იქ, ახლა ისეთი მდგომარეობაა, ნებისმიერი ვიბრაცია არის პრობლემა... ფაქტობრივად, ეს არის ადამიანის მიერ შექმნილი პრობლემა. ქრესტომათიაა, რომ მეწყერზე არავითარი სამშენებლო სამუშაოები არ უნდა განვითარდეს. ოთხ დღეში 25 სანტიმეტრი არის გაწეული, აღარაფრის დრო არ არის, აქ ვართ, გავდივართ ველზე. ვთხოვთ გერმანელ კოლეგებს, რომ თანამშრომლობისთვის მზად ვართ. ველით“, - განაცხადა გოდოლაძემ.
ამასთან, თეა გოდოლაძის განცხადებით, მეწყრის მონიტორინგისთვის ლიმიტირებული რესურსი გააჩნიათ.
„გვაქვს ამ აპარატურის ნაწილი, მაგრამ ეს არ გვაძლევს სრული სურათის დანახვის საშუალებას. შესაბამისად, რაც შეგვიძლია ყველაფერს ვაკეთებთ. პირველი, რაც გავაკეთეთ ხუთშაბათისა და გუშინდელი ნამუშევრის შედარებითი ანალიზია, რომელიც პირველადი შეფასებების საშუალებას გვაძლევს“, - განაცხადა თეა გოდოლაძემ.
თბილისის მერის მოადგილის, ირაკლი ბენდელიანის განცხადებით, ნუცუბიძისა და ვაშლიჯვრის მიმდებარე ფერდობზე მეწყრულ პროცესებთან დაკავშირებით, მაჭავარიანის ქუჩაზე და მის მიმდებარედ ნალექის დროს სამშენებლო სამუშაოები გაჩერდება.
როგორც ბენდელიანმა მერიაში გამართულ ბრიფინგზე განაცხადა, აღნიშნულ ტერიტორიტორიაზე სამშენებლო სამუშაოების გაჩერება-აღდგენა კონკრეტული შემთხვევის და ნალექის მოცულობის გათვალისწინებით მოხდება.
„გვქონდა გარემოს ეროვნულ სააგენტოსთან კომუნიკაცია და მივიღეთ გადაწყვეტილება, რომ ნალექის შემთხვევაში მაჭავარიანის ქუჩასა და მიმდებარე ტერიტორიაზე სრულად გაჩერდება სამშენებლო სამუშაოები.
გააჩნია, რა მოცულობის ნალექი მოვა და რა პერიოდის განმავლობაში იქნება. თუ მუდმივი წვიმები იქნება, ეს გადაწყვეტილება ისე არ უნდა აქნეს აღქმული, რომ წვიმა გადაიღებს და სამშენებლო სამუშაოები განხორციელდება. გადაწყვეტილების მიღება მოხდება კონკრეტული შემთხვევის გათვალისწინებით", - განაცხადა ირაკლი ბენდელიანმა.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაგ სიჩქარით ქალაქში ვერ იმოძრავებ მანქანით "პიკის" საათებში. დროზე უნდა მიიღონ გადაწყვეტილება თორე ჩამოვა ეგ მთა მტკვარში
ეს ქალი ძაან აქტიურობს, რუსებს აქვთ ასეთი გამოთქმა, ჰიპერაქტიური მანდილოსნების მიმართ: МОЖЕТ ЕЙ, ЧТО- ТО НУЖНО ?! ეს, ხუმრობით რათქმაუნდა.