მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"22 მარტს შემოვა "ფაიზერი", შემდეგ 80 ათასი ისევ "ასტრაზენეკა", გამზადებულია მილიონიანი ხელშეკრულება "ნოვაქსზე" - ცერცვაძე ვაქცინაციის მომდევნო ეტაპებზე
15:31 / 18-03-2021
ინფექციური საავადმყოფოს დირექტორის, თენგიზ ცერცვაძის ინფორმაციით, საქართველოში „ფაიზერის“ ვაქცინა 22 მარტს შემოვა.
მისივე განცხადებით, საქართველო მიიღებს კიდევ ერთ ძალიან კარგ ვაქცინა „ნოვოვაქსს“, რომლის გაყიდვაც მსოფლიოში ივნისში დაიწყება და საქართველო მისი პირველი მომხმარებელი გახდება. ცერცვაძემ არ გამორიცხა, რომ საერთაშორისო აღიარების მოპოვებისა და ეფექტურობის დადასტურების შემთხვევაში, ქვეყანაში ჩინური ვაქცინაც შემოვიდეს.
„ახლა, 22 მარტს შემოვა „ფაიზერის“ პარტია, შემდეგ შემოვა 80 ათასი ისევ „ასტრაზენეკა“, შემდეგ ორმხრივი შეთანხმებით შემოვა ისევ „ასტრაზენეკა“, როგორც ვიცი, ოღონდ უკვე სახელმწიფოებს შორის შეთანხმებით და არა საერთაშორისო ინსტრუმენტებით. ასევე, შესაძლოა, თუმცა ჯერ არ არის გადაწყვეტილი, საერთაშორისო აღიარებისა და ეფექტურობის დამტკიცების შემთხვევაში, შემოიტანონ ჩინური ვაქცინაც და რაც ყველაზე მთავარია, პრაქტიკულად გამზადებულია მილიონიანი ხელშეკრულება ერთ-ერთ ყველაზე კარგ ვაქცინასთან - ეს არის „ნოვოვაქსი“, რომელიც ჯერ არ გაყიდულა მსოფლიოში და რომლის გაყიდვაც დაიწყება ივნისში და პირველი მომხმარებელი მისი იქნება საქართველო და როგორც ამბობენ და მჯერა, რადგან გავეცანი დოკუმენტაციას, ეს იქნება მსოფლიოში ყველაზე უკეთესი ვაქცინა, რომელიც დამზადებული იქნება განსხვავებული ტექნოლოგიით,“ - განაცხადა ცერცვაძემ.
მისივე თქმით, საქართველოში ვაქცინაცია ნელი ტემპით მიდის, რადგან თუ ჩვენ გვსურს, რომ წლის ბოლოსთვის მოსახლეობის 60-65% აიცრას, მაშინ ერთ დღეში 3000 ადამიანის ვაქცინაცია უნდა მოხდეს.
„ვაქცინაცია ნელი ტემპით მიდის, მაგრამ მაინც მიდის. დღეისთვის მესამე თუ მეოთხე დღეა და უკვე აიცრა 3 ათასზე მეტი ადამიანი, მაგრამ ეს ძალიან ცოტაა, დღეში უნდა ავცრათ ჩვენ 3 ათასი ადამიანი, რომ წლის ბოლომდე მივაღწიოთ 60-65% მოსახლეობის აცრას. სულ დარეგისტრირებულია 5 ათასი ექიმი, რაც ძალიან ცოტაა, ამიტომ ჩვენ მივმართავთ და მე პირადად მივმართავ, რომ ვაქცინა არის უსაფრთხო“, - განაცხადა ცერცვაძემ.
როგორც ცერცვაძემ აღნიშნა, ვაქცინის ქვეყანაში შემოტანისთანავე, „აღვირახსნილი, საკუთარი ქვეყნის სიძულვილით გაჟღენთილი და ქვეყნის საწინააღმდეგოდ მიმართული ყოვლად უსაფუძვლო კამპანია“ მიმდინარეობს.
„დაგვიანებით მოხდა ვაქცინის პირველი შემოტანა, რამდენიმე კვირით, მაგრამ წყვეტა არ იქნება. ახლა ყველაფერი დამოკიდებულია ქართველ ხალხზე, ჯანდაცვის სისტემაზე, ქვეყნის ხელმძღვანელობაზე, რამდენად მოახერხებენ საზოგადოებრივი აზრის და ხალხის მობილიზებას ასაცრელად. რატომ არის ასეთი დაბალი აქტივობა - თავიდან საყვედურები იყო იმაზე, რატომ არ შემოგვაქვს ვაქცინა, როგორც კი შემოვიტანეთ ვაქცინა, აქტიური ანტივაქსერული კამპანია გააჩაღეს. არ მინდა კონკრეტული პირების და ტელევიზიების დასახელება, ვინც ამბობს, რომ „ეს არის ცუდი ვაქცინა“, „ქართველ ადამიანებზე მთავრობა ატარებს ექსპერიმენტებს“, „არ გაიკეთოთ ეს ვაქცინა, მას აქვს უამრავი გვერდითი მოვლენები“, „შეიძლება გამოიწვიოს სასიკვდილო შემთხვევები“, „13-მა ქვეყანამ შეაჩერა ამ ვაქცინის გამოყენება და საქართველომ მაშინ დაიწყო, როცა სხვებმა შეაჩერეს ამ ვაქცინის გამოყენება“ და ა.შ. ეს იყო აღვირახსნილი, საკუთარი ქვეყნის სიძულვილით გაჟღენთილი და ქვეყნის საწინააღმდეგოდ მიმართული ყოვლად უსაფუძვლო კამპანია. ამ კამპანიამ იმოქმედა. ამას დაემატა ამბიცია დაუკმაყოფილებელი ექიმების და ვაი-ექსპერტების გამონათქვამები, რომ „მე არ გავიკეთებ ვაქცინას და მოგიწოდებთ, თქვენც არ გაიკეთოთ“. ყველაფერმა ამან განაპირობა ის, რომ დღეს დაბალი აქტივობა გვაქვს. პარადოქსია, ჯერ გვსაყვედურობდნენ, რომ არ არის ვაქცინა და ამიტომ ვერ იხსნება ეკონომიკა, ახლა ვაქცინა გვაქვს, გვექნება საკმარისი რაოდენობით და არ ჩქარობენ მის გაკეთებას“, - განაცხადა ცერცვაძემ.
მისივე თქმით, პოლიტიკური ასპექტი აქვს იმას, რომ რადგან „ასტრაზენეკა“ ბრიტანული ვაქცინაა, ევროკავშირის ქვეყნებში მისი გავცელებისთვის ხელის შეშლა უნდოდათ.
„უკვე ხმამაღლა ამბობენ, რომ ცოტა პოლიტიკური ასპექტი აქვს ამას, ბრიტანეთსა და ევროკავშირს შორის. რადგან ეს ბრიტანული ვაქცინაა იყო მცდელობები, რომ თითქოს ამ ვაქცინის ევროკავშირში გავრცელებისთვის ხელი შეეშალათ. ეს მცდელობები ჩავარდა, ევროპის მთელმა რიგმა ქვეყნებმა დამატებითი, დიდი პარტიები შეიძინეს „ასტრაზენეკასი“, ამიტომ ჩვენ ბრძოლა მოგვიწევს, რომ საქართველომ „ასტრაზენეკას“ ვაქცინა იშოვოს და შემოიტანოს. ყველანაირი ჭორი საფუძველს მოკლებულია. როცა დაითვალეს 17 მილიონი ადამიანიდან რომ არ გაეკეთებინათ ეს ვაქცინა, გარდაიცვლებოდა შეუდარებლად მეტი, ვიდრე 4 თუ 5 გარდაცვლილი, რომელიც ვაქცინასთან არ არის დაკავშირებული“, - განაცხადა ცერცვაძემ.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კი მაგრამ, ამდენი ვაქცინის შემოტანას რომ აპირებთ, ჯერ რაც შემოიტანეთ აითვისეთ მთლიანად? არიქა ვაქცინა გვიფუჭდებაო და ვის არ მიმართეთ დასახმარებლად, რომ ხალხზე ზემოქმედება მოეხდინათ, მაგრამ ამაოდ!
ალბათ გადაიყრება ამდენი ვაქცინა და შესაბამისად ფულიც ,,, ჯერ ისიც ვერ აითვისეთ რაც ჩამოვიდა,,,, რა ლოგიკაა იქნებ ვინმემ ახსნას, არ დაგავიწყდეთ დაძალების უფლება არავის აქვს, ჩვენ ხომ დემოკრატიულ და თავისყუფალ საქართველოში ვცხოვრობთ,,,,,