მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნეტავ, გულის გულამდე გვეგრძნოს საკუთარი დაცემულობა და ცოდვების სიმრავლე -დღეს დიდმარხვა იწყება!
11:19 / 15-03-2021
15 მარტიდან „ბიბლიის განმარტებების“ მე-20 ტომს შეიძენს მკითხველი გაზეთ „კვირის პალიტრასთან“ ერთად. გთავაზობთ უკვე ტრადიციად ქცეულ ბლოგს, რომელსაც სპეციალურად ჩვენი საიტის მკითხველისთვის, „ბიბლიის განმარტებების“ პროექტის ავტორი და მთავარი რედაქტორი, თამარ მამაცაშვილი ამზადებს:
არსებობს ერთი საოცარი სიტყვა - "მაპატიე" და არსებობს სულიერი წარმატების აუცილებელი პირობა - სინანული...როგორ გვიჭირს ამ სიტყვის თქმა... როგორ გვიმძიმს თავის დამდაბლება...ვერც ერთი კაცი ვერ იხილავს სულიერ სიმაღლეებს გულწრფელი სინანულის გარეშე...მაგრამ სინანული მიუღწეველის გამო თავმოყვარეობის შელახვის განცდა კი არა, საკუთარი დაცემულობის გამო გულწრფელი ტირილია, დიდი შერიგების დასაწყისი...პეტრე მოციქულის სინანული ვისურვოთ... უფლის შეწევნით... შენდობას ვითხოვ...
***
როცა გვიჭირს საკუთარ თავში დაცემული ბუნების შეცნობა, სწორედ მაშინ ვდგავართ დაღუპვის გზაზე და არა მაშინ, როცა ჩვენ მიერ ჩადენილი საქციელების გამო სინანული გვიკარგავს მოსვენებას.ამიტომ ევედრებიან მორწმუნენი დიდი მარხვის განმავლობაში ეფრემ ასურის ლოცვაში უფალს, რომ მოანიჭოს საკუთარი ცოდვების განცდა.ინებოს ღმერთმა და მხოლოდ სიტყვებად არ დარჩენილიყოს ჩვენ მიერ მიტევების დღეს წარმოთქმული: "მაპატიე, თუ რამე განწყენინე".თუო? თუ კი არა, რა მოთვლის, რამდენი ბალღამით არის სავსე ჩვენი ფიქრი, აზრი, გონება, რამდენი ვერაგობა და ცბიერება მოდის ჩვენი ბაგეებიდან, რამდენი შური და ბოღმა დაბუდებულა ჩვენს გულებში.ნეტავ, გულის გულამდე გვეგრძნოს საკუთარი დაცემულობა და ცოდვების სიმრავლე -დიდმარხვა იწყება, მეგობრებო!
***
ორიოდე კვირის წინანდელი ამბავი დაილექა ჩემს მეხსიერებაში და თქვენც გაგიზიარებთ... წირვაზე ვიყავი. ამბიონზე გამობრძანებული მოძღვარი ბარძიმში მოხსენიებულთა სახელებს ხმამაღლა წარმოთქვამდა და ყველა გასუსული უსმენდა... გამოგიცდიათ ალბათ, როგორი ემოციით ელოდები უძლურებაში მყოფი ახლობლის სახელის გამოცხადებას წირვაზე - სულგანაბული, დიდი მოლოდინით... აი, წარმოთქვა... ახლა ეშველება... გამოჯანმრთელდება... აუცილებლად კარგად იქნება... ჰოდა ამ სიჩუმეში ამ ემოციით იდგა იმ დღესაც მთელი მრევლი და უცბად ტაძრის ერთი კუთხიდან მამაკაცის ყვირილი გაისმა: "ლილი და თამაზიც გამოაცხადეთ!" ჯერ დაბალ ხმაზე იყვირა. რომ მიხვდა, უკვე ასრულებდა მოძღვარი მოხსენიებას, უმატა და უმატა ხმას... ბოლოს განწირული ხმით დაიღრიალა: "ლილი და თამაზიც გამოაცხადეთ!!!" ყველა მას ვუყურებდით... დაიძაბა სიტუაცია... მოძღვარი, ჩემი მშვიდი და მადლიანი მოძღვარი, წამოწითლდა... წმინდა ბარძიმით ხელში ამბიონზე კრძალვით მდგარი... ჯერ ვერ გაერკვა, რა აყვირებდა კაცს, მერე სტიქაროსანმა უცბად აუხსნა, რაც უნდოდა და მოძღვარმაც დინჯად: "ლილი... თამაზი..." - ხმამაღლა და გარკვევით - მის გასაგონად... ამის თქმა იყო და ის კაცი, რომელიც მანამდე არავის გვინახავს ჩვენს ტაძარში, მუხლებზე დაეცა... ასე იყო წირვის ბოლომდე... მერე კი, როცა წამოდგა, სახე სულ ცრემლით ჰქონდა დაფარული... ერთი შეხედვით, რა იყო აქ დასამახსოვრებელი და მოსათხრობი, მაგრამ, იცით, ეს ჩვეულებრივი დღე არ იყო თითქოს... ამ ამბავმა სახარების ორი ეპიზოდი გამახსენა: ერთი მებაჟე ზაქეს ამბავია, მებაჟეები სძულდათ ისრაელელებს, რადგან ხარკს ორმაგად ახდევინებდნენ იმპერიის სასარგებლოდ და თავადაც მდიდრდებოდნენ. ზაქემ შეიტყო, რომ ქალაქში იესო მოდიოდა და ძალიან უნდოდა მისი დანახვა, მაგრამ რადგან ტანდაბალი იყო, იცოდა, ხალხმრავლობაში ვერ შეძლებდა ამას და ხეზე აძვრა, რომ იქიდან მაინც შეეხედა. იესომ კი ხეზე მყოფ ზაქეს ახედა და უთხრა, რომ მის სახლში სტუმრობა სურდა. ზაქეს მხოლოდ დანახვა უნდოდა უფლისა, ის კი ყველასგან მოძულებულ კაცს სახლში ესტუმრა.
მეორე ამბავი დავრდომილის განკურნებაა - ისევ ხალხმრავლობა, ისევ ძნელად გასაკვლევი გზა უფლამდე... საკაცეზე დასვენებული დავრდომილი მოჰყავდათ ახლობლებს უფალთან, რათა განეკურნა. ხალხმრავლობის გამო ვერ შეძლეს მასთან მიახლოება და დავრდომილი ჭერიდან ჩაუშვეს იესოსთან. მათი რწმენა გახდა წინაპირობა იმისა, რომ იესომ განკურნა დავრდომილი... აი, ეს ორი ეპიზოდი და ის, ჩვენს ტაძარში მომხდარი, ამბავი მინდა რომ კავშირში იყოს ერთმანეთთან. იმ კაცის თავგანწირული სურვილი აეხდინოს და ცრემლები დაეშროს ღვთის მოწყალებას... თუმცა მან წირვაზე ქცევის წესები დაარღვია, ან იქნებ საერთოდაც არ იცოდა, როგორ იხსენიებენ ბარძიმში... მას ყველა ჩვენგანზე მეტად სწყუროდა უფლის შეწევნა...
ცრემლით დასველებული გული უნდა ამოიღო საგულედან ალბათ - გულწრფელი სურვილით, ვედრებით აღვსილი გული უნდა გაუწოდო უფალს და ის აუცილებლად შეისმენს შენს თხოვნას... ღმერთმა მოიხსენოს უძლურებაში მყოფნი ლილი და თამაზი... უფალმა გისმინოთ თქვენც, ჩემო მეგობრებო, ვინც ახლა განსაცდელში ხართ... სიმშვიდე და სიხარული გვქონდეს!
***
როცა მოსემ მონობაში მყოფი თავისი ხალხი ეგვიპტიდან გამოიყვანა, ასე მიმართა მათ: გახსოვდეთ ეს დღე, რა დღესაც გამოხვედით ეგვიპტიდან, მონობის სახლიდან... დღეს გამოდიხართ - გაზაფხულის თვეში!
გაზაფხულის ბუნიობას მოჰყვება აღდგომის დღესასწაულიც.
ამ "გაზაფხულის თვეში" ინებოს უფალმა ჩვენი განახლება, ჩვენი გამოყვანა ცოდვის მონობიდან, ჩვენი აღდგინება დაცემული მდგომარეობიდან და თავისუფლება!
აი, ამ გაზაფხულს ვნატრობ მე პირადად: გულში სიწმინდე, სიხარული, ბედნიერება, სულში პეპლები, მადლი უფლისა, თავისუფლება ჩვენი დამონებული ხალხისა - მოგვიტანე გაზაფხულო!
15 მარტიდან - გაზეთ „კვირის პალიტრასთან“ ერთად, „ბიბლია განმარტებებით“, მე-20 ტომი! არ გამოგრჩეთ!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
