მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვაქცინის შემოტანის კომპონენტში უარყოფითი გარღვევა დაგვემართა, მაგრამ არ შეიძლება, არაფრად ჩავაგდოთ ყველა დანარჩენ კომპონენტში წარმატება" - რას ამბობს ცერცვაძე პროცესში კერძო სექტორის ჩართვაზე
22:52 / 08-03-2021
კერძო სექტორს კომპანიებთან რაღაც მიმოწერები აქვთ და ამას მიიჩნევენ ვაქცინის შემოტანის საკმარის საფუძვლად - ასეთი მიმოწერა სახელმწიფოს აქვს 30 სუბიექტთან მაინც, აქედან რეალიზდება ერთი, ორი ან სამი
უარყოფითი გარღვევა დაგვემართა ერთ კომპონენტში, მარტო ვაქცინის შემოტანის კომპონენტში, ცუდია და ამას ყველა აღიარებს, მაგრამ არ შეიძლება თქმა, რომ რახან ერთ კომპონენტში ვართ წარუმატებელი, არაფრად არ უნდა ჩავაგდოთ ყველა დანარჩენ კომპონენტში წარმატება, - ამის შესახებ ინფექციური საავადმყოფოს დირექტორმა თენგიზ ცერცვაძემ „პალიტრანიუსის“ გადაცემა „დღის ნიუსრუმში“ განაცხადა.
მისი განმარტებით, პანდემიასთან ბრძოლა ვაქცინაციის გარდა სხვა უამრავ კომპონენტს მოიცავს, მათ შორის, ეპიდსიტუაციის კონტროლს, კონტაქტების კვლევას, ლოკალურ და გაფართოებულ შეზღუდვებს, მკურნალობას, ჰოსპიტალური სექტორის მომზადებასა და მობილიზებას, საწოლფონდის მობილიზებას, ონლაინ კლინიკებს, ბინაზე მომსახურების გაუჯობესებას, კოვიდსასტუმროებს, მკურნალობის უმაღლესი საერთაშორისო სტანდარტების შესაბამისი მეთოდების დანერგვასა და ინოვაციურ მიდგომებს. ინფექციონისტი მიიჩნევს, რომ საქართველო ყველა ამ კომპონენტში მოწინავე იყო და მხოლოდ ვაქცინის შემოტანის ნაწილში ჩამორჩა სხვა ქვეყნებს.
ჟურნალისტის კითხვაზე, უნდა აგოს თუ არა ვინმემ პასუხი ვაქცინის შემოტანის დაგვიანებაზე, ცერცვაძემ განაცხადა, რომ შესაძლოა, ვაქცინის შემოტანის დაგვიანება ბევრ ობიექტურ მიზეზზე იყო დამოკიდებული, რაც ამ კითხვაზე პასუხის გაცემას შეუძლებელს ხდის.
„მე არ ვიცი ბევრი რამე, მე არ ვიცი, რატომ და როგორ დაგვიანდა ვაქცინის შემოტანა, შესაძლოა, ეს მართლაც ობიექტური მიზეზებით იყო განპირობებული, სადაც ჩვენი ხელისუფლება ვერაფერს იზამდა. შეიძლება იყო რაღაც მომენტები, სადაც შეიძლებოდა უფრო ეფექტიანი ჩარევა და საქმიანობა, ამიტომ მე ვერ გეტყვით, ვინმემ ამაზე პასუხი უნდა აგოს თუ არა, მაგრამ საქართველო არ არის ერთადერთი ქვეყანა, სულ მსოფლიოში მთელი მოსახლეობის 4,5%-ია დღეს აცრილი, 300 მილიონი ადამიანია აცრილი 7 მილიარდიდან. ახლა ასე თუ მივუდგებით საკითხს, ყველამ, ვინც ვაქცინა ვერ შემოიტანა, უნდა აგოს პასუხი, მაგრამ ეს რთული პროცესია. ძალიან ბევრ რამეზეა დამოკიდებული: ბიუროკრატიაზე, ვაქცინების დეფიციტზე საერთაშორისო ბაზარზე და რამდენად აქ არის ხელისუფლების პასუხისმგებლობა და თუ არის რომელი რგოლის, ჩემთვის ამის თქმა შეუძლებელია. მე ვიცი, რომ ხელისუფლება, როგორც პრემიერის აპარატი, ისე ჯანდაცვის სამინისტრო, ყველაფერს აკეთებდა რაც მათ შესაძლებლობებში იყო, რამდენად ეს ყველაფერი საკმარისი გამოდგა თუ არ გამოდგა, ეს არ ვიცი,“ - განაცხადა ცერცვაძემ.
მან, ამასთანავე, აღნიშნა, რომ პასუხისმგებლობის საკითხი მაშინ უნდა დადგეს, თუ ქვეყანა ვაქცინას მიიღებს, თუმცა მის ათვისებას ვერ შეძლებს.
„რამდენადაც მე ვიცი, მხოლოდ ისრაელი ახერხებს მასობრივად მოსახლეობის აცრას, ყველა დანარჩენ ქვეყანას რაოდენობაში უჭირს. მდიდარ და განვითარებულ ქვეყნებს ვაქცინა აქვთ და ათვისებას იმ ტემპით, რა ტემპითაც მათ სურდათ, ვერ ახერხებენ. ეს პრობლემაა ყველასთვის და პრობლემა იქნება საქართველოსთვისაც, მაგრამ აქ უნდა დავირაზმოთ და კოორდინირებულად უნდა იმოქმედოს მთავრობამ, ჯანდაცვის სამინისტრომ, სამედიცინო სექტორმა, კლინიკურმა სექტორმა და მოსახლეობამ. აქ თუ ვერ შევძელით, ეს იქნება ჩვენი პასუხისმგებლობა და არა ის, რომ ვერ შემოვიტანეთ. როცა შემოვიტანთ და მისი ათვისება ვერ შევძელით, ეს უკვე არ გვეპატიება,“ - განაცხადა ცერცვაძემ.
ინფექციონისტის განცხადებით, საქართველოში ვაქცინის შემოსვლის დაგვიანების მიუხედავად, რეალისტურია, რომ წლის ბოლომდე მოსახლეობის 60%-ის ვაქცინაციის გეგმა შესრულდეს.
როგორც თენგიზ ცერცვაძემ აღნიშნა, ჯანდაცვის სისტემის კოორდინირებული და ეფექტური მუშაობის შემთხვევაში, შესაძლებელია, რომ ვაქცინაციის დაწყების ერთ თვიანი დაგვიანების აღმოფხვრა მოხდეს.
„დიახ, ვაქცინაციის დაწყებამ დაიგვიანა. უნდა შემოსულიყო თებერვლის ბოლოს და 22 მარტის კვირაში ველოდებით. ბუნებრივია, ის, რაც ამ ერთი თვის განმავლობაში უნდა გაკეთებულიყო, უნდა გადანაწილდეს დანარჩენ 9 თვეზე. დიდი იმედი გვაქვს, რომ ამ 1-თვიან ჩამორჩენას აღმოვფხვრით. გეგმა გათვლილია წლის ბოლომდე და 1 თვის ჩამორჩენის აღმოფხვრა დანარჩენი 9 თვის განმავლობაში რეალურია. გააჩნია, როგორ კოორდინირებულად, მონდომებით და ეფექტიანად იმუშავებს ჯანდაცვის სისტემა ამ კუთხით“, - განაცხადა ცერცვაძემ.
ცნობისთვის, საქართველოს „ფაიზერის“ ვაქცინის შემოსვლა, სავარაუდოდ 22 მარტის კვირაში მოხდება. ჯანდაცვის მინისტრის მოადგილის, თამარ გაბუნიას ინფორმაციით, მარტის ბოლოსთვის ქვეყანაში შესაძლოა „ასტრაზენეკას“ ვაქცინაც შემოვიდეს.
ინფექციური საავადმყოფოს დირექტორმა კერძო სექტორის ჩართულობის თემაზეც ისაუბრა. მისივე თქმით, მსოფლიოს მთავარი მწარმოებლები და აღიარებული ვაქცინის მწარმოებლები კერძო სექტორს ვაქცინებს არ აძლევენ. ვინაიდან ვაქცინები არ არის საკმარისი.
„იცით, როგორ არის რეალური საქმე? კერძო კომპანიები ან ცალკეული პირები მოლაპარაკებას ცალკეულ კომპანიებთან აწარმოებენ, რაღაც მიმოწერა აქვთ და ამ მიმოწერას მიიჩნევენ საკმარის საფუძვლად, რომ მათ შეუძლიათ ვაქცინის შემოტანა. ასეთი მიმოწერა სახელმწიფოს აქვს 30 სუბიექტთან მაინც, აქედან რეალიზდება ერთი, ორი ან სამი. კერძო სექტორის წარმომადგენლები როცა ამბობენ, ჩვენ გვაქვს მიმოწერა, დაპირება და სახელმწიფო არ გვაძლევს ვაქცინის შემოტანის ნებას, არის ტყუილი.
დღეს არის სიტუაცია - მსოფლიოს მთავარი მწარმოებლები და აღიარებული ვაქცინის მწარმოებლები კერძო სექტორს ვაქცინებს არ აძლევენ. ვინაიდან ვაქცინები არ არის საკმარისი. მათ მთავრობებისგან აქვთ დავალება თუ თვითონ გადაწყვიტეს ასე არ ვიცი, მაგრამ სანამ ასეთი დეფიციტური სიტუაცია იქნება, ვაქცინები გაანაწილონ მკაცრად, სახელმწიფო მოთხოვნების მიხედვით, სახელმწიფო გარანტიების ქვეშ. კერძო სექტორს ისინი პირდებიან, მოლაპრაკებაში შედიან, მაგრამ ჯერჯერობით, კერძო სექტორს ვაქცინას არ აძლევენ. კი მაქვს მოლაპარაკება, შეპირება, მაგრამ დღევანდელი მდგომარეობით მომწოდებლები მხოლოდ სახელმწიფოსთან ურთიერთობას აღიარებენ“, - განაცხადა ცერცვაძემ.
მისივე თქმით, როცა გაივლის ეს პერიოდი და მწვავე უკმარისობა აღარ იქნება, ვაქცინების ბაზარი კერძო მომწოდებლებისთვისაც გაიხსნება.
„მათაც ექნებათ სრული შესაძლებლობა შემოიტანონ და სახელმწიფო მხოლოდ მიესალმება. დღეს კერძო მომწოდებელმა ძალიან რომ მოინდომოს, სახელმწიფოს გარეშე ვერ შემოიტანს და სახელმწიფომ თუ შემოიტანა, მაშინ რაღად უნდა კერძო მომწოდებელი?! მომწოდებლები „ფაიზერი“, „მოდერნა“ და „ასტრაზენეკა“ მაინც სახელმწიფოს ელაპრაკებიან, კერძო პირებთან კი სარეზერვო მოლაპარაკებას აწარმოებენ“, - განაცხადა თენგიზ ცერცვაძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კიდევ ხალხს ატყუებს, ნოემბერ-დეკემბერში რაც მოხდა, არც ერთ ქვეყანაში არ მომხდარა, საქართველო პირველი იყო მსოფლიოში ინფიცირებულების რაოდენობით. 3000 კაცის სიკვდილზე ვინ აგებს პასუხს? სად წაიღეთ გადმორიცხული მილიონები? არ შეგრჩებათ.