მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ანჯელინა ჯოლიმ აუქციონზე ჩერჩილის ნახატი რეკორდულ ფასად გაყიდა - რა ღირს მეორე მსოფლიო ომის დროს შექმნილი უნიკალური ტილო
17:22 / 02-03-2021
უინსტონ ჩერჩილის ნახატი, რომლის მფლობელიც წლების განმავლობაში ჰოლივუდის ვარსკვლავი, ანჯელინა ჯოლი იყო, კრისტის აუქციონზე 8,2 მილიონ გირვანქა სტერლინგად გაიყიდა.
როგორც BBC წერს, ეს ჩერჩილის ნახატებში გადახდილი რეკორდული ფასია და აქამდე დიდი ბრიტანეთის ყოფილი პრემიერ-მინისტრის შემოქმედებაში გადახდილი ყველაზე მეტი თანხა 1,8 მილიონი გირვანქა სტერლინგი იყო.
კრისტის აუქციონის წარმომადგენელმა ამ ნახატს ჩერჩილის შემოქმედებაში ყველაზე მნიშვნელოვანი ნამუშევარი უწოდა.
#AuctionUpdate A new #WorldAuctionRecord for Sir Winston Churchill with 'Tower of the Koutoubia Mosque' (1943) selling for £8,285,000. This is the only painting created by Churchill during the Second World War: https://t.co/JCBvGaFShW pic.twitter.com/iZMumvmwp2
— Christie's (@ChristiesInc) March 1, 2021
- ნახატის შექმნის ისტორია:
ჩერჩილმა "Tower of the Koutoubia Mosque" მაროკოში, მარაკეშში ყოფნისას დახატა. 1943 წელს, იანვარში კასაბლანკას კონფერენცია გაიმართა, სადაც ჩერჩილი და აშშ-ის მაშინდელი პრეზიდენტი, ფრანკლინ დელანო რუზველტი ნაცისტური გერმანიის დასამარცხებელი სტრატეგიის შემდგომ ეტაპზე შეთანხმდნენ. შეთანხმების შემდეგ კი პირველმა პირებმა მარაკეშში გაისეირნეს. ყოველივე კი ბრიტანეთის პრემიერისთვის შთაგონების წყარო გახდა. მან მარაკეშის ერთ-ერთი სცენა დახატა და ნამუშევარი რუზველტს აჩუქა.
"ეს არის ჩერჩილის ერთადერთი ნამუშევარი, რომელიც ომის დროს დახატა და უდავოდ საუკეთესოა მის მხატვრულ შემოქმედებაში, არა მხოლოდ დახვეწილი საშემსრულებლო ოსტატობის გამო, არამედ უფრო მეტად იმის გამო, რომ ნახატი ხაზს უსვამს ორი ქვეყნის პირველ პირებს შორის მეგობრულ ურთიერთობას, ის თავისი თემატიკის გამოა უნიკალური.
რუზველტისთვის მიძღვნილი ასეთი საჩუქარი ხაზს უსვამს იმ ფაქტს, რომ ჩერჩილი დიდ ყურადღებას უთმობდა აშშ-ის პრეზიდენტს და რომ ისინი ერთმანეთს უმნიშვნელოვანეს მოკავშირეებად მიიჩნევდნენ მეორე მსოფლიო ომის შედეგების წარმართვაში“, - ამბობს ბრიტანელი ხელოვნებათმცოდნე ნიკ ორჩარდი.
ნახატი ანჯელინა ჯოლის პირად კოლექციაში 2011 წელს აღმოჩნდა. კრისტის აუქციონის მესვეურთა ცნობით, მსახიობმა ის სწორედ ამ პერიოდში შეიძინა, თუმცა ვინ იყო მისი მფლობელი მანამდე და რა თანხა გადაიხადა ანჯელინამ ნამუშევარში, უცნობია. ასევე უცნობია ისიც, თუ ვინ იყიდა ნამუშევარი.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჰმ, საინტერესო ამბავია... ჩერჩილი - მრავალმხრივი ნიჭით დაჯილდოებული ადამიანი!.. ისე, ეგ რომ ჩემი ნახატი იყოს, $100 არ გადაიხდიდნენ მასში... მიკვირს, მხატვრობის დარგშიც არ მიანიჭეს ნობელის პრემია!.. (ხომ გახსოვთ, ჩერჩილი ნობელიანტია ლიტერატურის დარში! - ლევ ტოლსტოის არაფრით არ მიანიჭეს ეგ პრემია და ჩერჩილს მიანიჭეს! - ეტყობა, ეგ უკეთესი მწერალია:))
ჩეჩილს როგორ უნდა ჩახედო თვალებში???