მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მელიას დაპატიმრების გადაწყვეტილება შეცდომა იყო... არ ვფიქრობ, რომ ვინმე საქართველოს წინააღმდეგ სადამსჯელო მოქმედებას აპირებს" - კურტ ვოლკერი
14:44 / 01-03-2021
ნიკა მელიას დაპატიმრების გადაწყვეტილება შეცდომა იყო - ის, რომ ვიღაცის დაპატიმრება შეგიძლია, არ ნიშნავს, რომ ასე უნდა მოიქცე, - ამის შესახებ ამერიკელმა დიპლომატმა და ნატო-ში ყოფილმა წარმომადგენლმა კურტ ვოლკერმა "ინტერპესნიუსს“ განუცხადა.
მან ისაუბრა საქართველოში ბოლო დროს განვითარებული მოვლენების შესახებ და აღნიშნა, რომ "ნაციონალური მოძრაობის“ თავმჯდომარის, ნიკა მელიას დაპატიმრებამ პოლარიზაცია კიდევ უფრო გაამწვავა.
"ვფიქრობ, რომ რასაც ახლა საქართველოში ვხედავთ, ისაა, რომ დემოკრატიული ინსტიტუტები კარგად ვერ მუშაობს - ოპოზიცია პარლამენტში არაა, მთავრობამ ოპოზიციის ლიდერი დააკავა. ვფიქრობ, ეს საფრთხეს უქმნის დემოკრატიას და ზიანს აყენებს საქართველოს იმიჯს საზღვარგარეთ. ამიტომ, ჩემი აზრით, ორივე მხარემ უნდა ითანამშრომლოს, რომ წინსვლა შესაძლებელი გახდეს - ეს საქართველოში კრიტიკული პერიოდია და ორივე მხარემ უნდა იფიქროს მთლიანად ქვეყნის ინტერესებზე, უფრო მეტადაც, ვიდრე საკუთარზე.
ჩემი აზრით, შეცდომა იყო ნიკა მელიას დაპატიმრების გადაწყვეტილება, რადგან ამან კიდევ უფრო გაამწვავა პოლარიზაცია. მხოლოდ იმის გამო, რომ შეგიძლია, ვინმე დააპატიმრო, არ ნიშნავს, რომ ასე უნდა მოიქცე. ვფიქრობ, რომ უკვე პოლარიზებული გარემო ამან კიდევ უფრო გააღრმავა. წინსვლის გზაა, თუ მხარეები თავად მოილაპარაკებენ პაკეტზე, გამოსავალზე, სადაც ყველას ცოტ-ცოტა მოუწევს კომპრომისზე წასვლა“, - აღნიშნა ვოლკერმა.
მისი თქმით, შესაძლოა, მსგავსი პაკეტი რამდენიმე კომპონენტს მოიცავდეს.
"წარმომიდგენია, რომ ეს შეიძლება მოიცავდეს მელიას შეწყალებას, შეთანხმებას არჩევნების ახალ თარიღზე გარკვეულ მომენტში, (არ არის აუცილებელი მაინცდამაინც ვადამდელი არჩევნების ჩატარება); შეიძლება, მოიცავდეს ოპოზიციის პარლამენტში შესვლას - ეს თავად პარტიებმა უნდა მოიფიქრონ, როგორი პაკეტი იქნება სამართლიანი. გარდა ამისა, ჩემი აზრით, არჩევნებში მომხდარი დარღვევების გამოძიება მნიშვნელოვანია და ეს მხოლოდ იმ შემთხვევაში მოხდება, თუ ოპოზიცია და მთავრობა ამის შესასწავლად ერთად იმუშავებს ერთობლივ კომისიაში და განსაზღვრავს, რამდენად ჰქონდა ამას მნიშვნელოვანი გავლენა არჩევნების შედეგებზე“, - განაცხადა ვოლკერმა.
"ინტერპრესნიუსის“ კითხვაზე, რას ფიქრობს შესაძლო სანქციების, თუნდაც ე.წ. ინდივიდუალური სანქციების დაწესებაზე, კურტ ვოლკერმა უპასუხა, რომ არ ჰგონია, საქართველოს წინააღმდეგ სადამსჯელო მოქმედებების განხორციელება სურდეს ვინმეს.
"არ ვფიქრობ, რომ ვინმე საქართველოს წინააღმდეგ სადამსჯელო მოქმედებას აპირებს, ეს გასაკვირი იქნებოდა. მაგრამ ვფიქრობ, რომ ეს ყველაფერი ხელს უშლის, ხალხს ჰქონდეს რწმენა, რომ საქართველო წარმატებულია, როგორც დემოკრატია. შესაბამისად, როდესაც საქართველოს მისწრაფებებზე ფიქრობთ, ევროკავშირში გაწევრიანებისკენ, ნატო-ში გაწევრიანებისკენ, იმისკენ, რომ მას ძლიერი, სტაბილური საზოგადოება ჰყავდეს რუსეთის აგრესიის წინააღმდეგ, ქვეყანა სუსტდება. ვფიქრობ, ეს არის ის ზიანი, რაც მთავრობასა და ოპოზიციას შორის დაპირისპირებას მოაქვს, რაც ქვეყანას და მის შესაძლებლობებსა და გარე ურთიერთობებს ასუსტებს.
ასე რომ, არა მგონია, ვინმეს სურდეს, საქართველოს წინააღმდეგ სადამსჯელო ზომების მიიღოს. ჩვენ გვინდა ვნახოთ, რომ საქართველო თავის დემოკრატიას უბრუნდება და წარმატებული იქნება. ეს თავად მხარეებზეა დამოკიდებული და არა მგონია, ამას სანქციების დაწესებამ მიაღწიოს - ამის მიღწევა მხოლოდ საქართველოს ხალხს შეუძლია“, - აღნიშნა კურტ ვოლკერმა "ინტერპრესნიუსთან“ საუბრისას.
მკითხველის კომენტარები /
53 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რათ უნდა დასჯა, დასჯილი არაა თქვენ რო არჩევთ ქვეყნის ამბებს და თქვენს დაკრულზე რო ცეკვავენ
რატომ იყო შეცდომა?გამოდის ,ვიასაც როგორ მოუნდება ისე უნდა შევარდეს შტურმით პარლამენტში თუ რას გვთავაზობ ვერ გავიგე,ერთი თქვენს ქვეყანაში გაებედა ასეთი რამ მაინტერესებს რას იზავდით.ამიტომ ცოტა თავი შეიკავეთ იმაზე რაზეც თვითონ არ დაუშვებდით თქვენს ქვეყანაში.დიახაც დასაჭერი იყო და დაიჭირეს,უფრო ადრე უნდა დაეჭირათ.