მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მათი ადგილი ციხეშია... როგორ ეძინათ? ბოდიში მაინც მოეხადათ კაცურად!" - შატილში ავარიისას გარდაცვლილი მედეა დევსურაშვილის დედა დაკავებულებზე
14:41 / 24-02-2021
შატილის გზაზე მომხდარი ავტოსაგზაო შემთხვევის საქმეზე ორი პირის - „თრეველ ჯის“ დირექტორისა და ამავე კომპანიის მიერ დაქირავებული სამგზავრო მიკროავტობუსის მესაკუთრის დაკავებას გარდაცვლილი მედეა დევსურაშვილის დედა, ლიკა სიმონიშვილი ეხმიანება.
როგორც „ინტერპრესნიუსთან“ საუბარში სიმონიშვილი აცხადებს, მომხდარი ტრაგედია ორივე ბრალდებულის პასუხისმგებლობაა. მისივე თქმით, კომპანიის დირექტორმა მიკროავტობუსი შემოწმების გარეშე გაუშვა მთაში ტურზე, ავტომანქანის მფლობელმა კი მისი გაუმართაობის შესახებ იცოდა, თუმცა, ადამიანების სიცოცხლის ფასად გარისკა.
„მათი ადგილი ციხეშია - ახლა სადაც არიან იქ. ძალიან მწყდება გული, ახლა იმაზე ვფიქრობდი, მათი ახლობლები რა დღეში იქნებიან-მეთქი, მაგრამ ეს არ არის შემთხვევითი ამბავი. შალვა ბოლოთაშვილი თაღლითურად აკეთებდა ფულს, სხვისი სიცოცხლის რისკის ქვეშ დაყენების ფასად, თაღლითურად შოულობდა ფულს. ადამიანი ასე გაწირო სასიკვდილოდ, რადგან „კოკამ ერთხელ მოიტანა წყალი“, დაუშვებელია. სამწუხაროდ, ამჯერად აღარ „მოიტანა წყალი“ და სამწუხაროდ, ჩემი შვილები მოყვნენ ამ ამბავში. ასეთი რამ აუცილებლად კიდევ განმეორდებოდა. საქმეში რომ ჩავიხედე, „თრეველ ჯის“ გარშემო კომენტარებში ისეთი ამბები ტრიალდებდა, თურმე, წლებია, მათ ხალხი ებრძვის, უბრალოდ, არავინ შემოკვდომიათ ჩვენს ამბამდე, იქამდე ასე თუ ისე, „კოკას მოჰქონდა წყალი“. ამ კომპანიის მიმართ ხალხს ძირითადად, გაუმართავ მანქანაზე აქვს პრეტენზია, პასუხები არ გაინტერესებთ რა ჰქონდათ? მანქანაში რომ სხდებოდით, თვალები სად გქონდათო. ამხელა ამბავი მოხდა, ერთი შვილი მომიკლა, მეორე სიკვდილის პირას მიიყვანა, დირექტორს ერთი არ მოუკითხავს არც ცოცხალი, არც მკვდარი. კაცმა თავი დამნაშავედ საერთოდ არ იგრძნო! ასეთი რამე შეიძლება?! საერთოდ, ბალიშზე თავი როგორ ედო, როგორ ეძინა? ბოდიში მაინც მოეხადა, ბოდიში ეთქვა კაცურად, მწუხარებას ვიზიარებო, ეს მაინც რომ ეთქვა, ჩვენს კეთილგანწყობას ასე თუ ისე, მოიპოვებდა. მართლა არ მინდა არავის ციხეში ჩასმა, მაგრამ ამ ხალხის ადგილი ციხეშია, რომ ჩემსავით კიდევ არავინ გაამწარონ, ციხეში უნდა ისხდნენ. მანქანის მფლობელმა გოგინაშვილმა კიდევ ყველაზე კარგად იცოდა როგორი მანქანაც გააქირავა. ბოლოთაშვილმა ის დააშავა, რომ ისეთ ტურებს აწყობდა, რომელსაც არ აკონტროლებდა, არ ამოწმებდა, შეუმოწმებელ მანქანებს აგზავნიდა. გოგინაშვილმა ძალიან კარგად იცოდა, მისი მანქანა რა მდგომარეობაში იყო, ე.წ. რუჩნოი არ უმუშავებდა მანქანას და მთაში ტურზე გაუშვა. ძალიან კარგად იცონდნენ, რა რისკის ქვეშ დააყენეს 20 ადამიანის სიცოცხლე. 6 თვე ხომ ეძინათ კარგად, ბალიშზე ხომ ედოთ თავი კარგად? მათი ადგილი ციხეშია, ჩემი შვილი მიწას თუ არის ამოფარებული, ისინი ციხეში მაინც ისხდნენ, დიდი შეღავათია გარდაცვლილებთან შედარებით“, - განაცხადა სიმონიშვილმა.
ცნობისთვის, სამართალდამცავებმა შატილის გზაზე მომხდარი ავარიის საქმეზე შპს „თრეველ ჯის“ დირექტორი შალვა ბოლოთაშვილი და ამავე კომპანიის მიერ დაქირავებული სამგზავრო მიკროავტობუსის მესაკუთრე დააკავეს. გამოძიება საქართველოს სისხლის სამართლის კოდექსის 277-ე მუხლის 1-ლი და მე-3 ნაწილებით მიმდინარეობს, რაც გულისხმობს ტექნიკურად გაუმართავი ტრანსპორტის საექსპლუატაციოდ გაშვებას, რამაც ორი ან მეტი ადამიანის სიცოცხლის მოსპობა გამოიწვია.
შეგახსენებთ, რომ შატილის გზაზე ავტოკატასტროფა 23 აგვისტოს მოხდა, შედეგად 17 ადამიანი დაიღუპა, 3 კი გადარჩა. გადარჩენილებს შორის არის მედეა დევსურაშვილის და, ხატია დევსურაშვილი.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კი მაგრამ თუ დავუშვათ კომპანიის მეპატრონე პროფესიით ფილოლოგია, როგორ უნდა შეამოწმოს მანქანა გამართულია თუ არა? მართლა მაინტერესებს, როგორ ხდება, არცერთ ტურისტულ ოპერეატორს არავინ ავალდებულებს ჰქონდეს საკუთარი ტექდათვალიერების სადგური. პატრული უნდა იდგეს იმ დონეზე, რომ გაუმართავი მანქანები ეზოდან გამოსვლასაც ვერ ბედავდნენ.
გამართული ტრანსპორტით თუ გინდა ექსკურსიაზე წასვლა მაში ბევრად მეტი ფულის გადახდა მოგიწევს. იაფი მგზავრობა ყოველთვის გარკვეულ რისკს შეიცავს და ამიტომაც ღირს იაფი. ისე კი მთაში რომ მიდიხარ ეკსკურსიაზე და თანაც საშინელ ამინდში, იგულისხმება, რომ უკვე შეგუებული ხარ გარკვეულ რისკს. ამიტომ გასართობად რისკზე არ უნდა წახვიდე!