მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მოქალაქეებმა, პარტიის ლიდერებმა უნდა გადადგან ნაბიჯები არსებული პოლიტიკური კრიზისის განსამუხტად" - აშშ-ის საელჩო
10:58 / 21-02-2021
"მოქალაქეებმა, არჩეულმა მოხელეებმა და პარტიის ლიდერებმა ნებისმიერ მხარეს, უნდა გადადგან ნაბიჯები არსებული პოლიტიკური კრიზისის განსამუხტად, მშვიდობიანად იმუშაონ დემოკრატიულ ინსტიტუტებში და შეინარჩუნონ საქართველო ევროატლანტიკური ინტეგრაციის გზაზე", - ამის შესახებ საქართველოში ამერიკის შეერთებული შტატების საელჩოს განცხადებაშია ნათქვამი.
აშშ-ის საელჩო საქართველოს ქვეყნის პირველი კონსტიტუციის იუბილეს ულოცავს და აღნიშნავს, რომ ქართველმა ხალხმა უნდა იამაყოს ამ კონსტიტუციით, რომელიც მთელ მსოფლიოში ერთ-ერთი ყველაზე პროგრესული იყო იმ დროისთვის, როდესაც ის იქმნებოდა.
ამასთან, მილოცვაში, რომელსაც აშშ-ის საელჩო აქვეყნებს ნათქვამია, რომ ახლა, ვიდრე ოდესმე, მნიშვნელოვანია, რომ ქართველი ხალხი გაერთიანდეს პირველ კონსტიტუციაში განმტკიცებული მთავარი ღირებულებების ირგვლივ.
"გილოცავთ ქვეყნის პირველი კონსტიტუციის იუბილეს!
საქართველოს პირველი კონსტიტუცია მნიშვნელოვანი ნაბიჯი იყო საუკუნოვანი მტკიცე ძალისხმევისა დასავლეთის დემოკრატიული ქვეყნების საზოგადოებაში გაწევრიანებისკენ.
თქვენ მართლაც უნდა იამაყოთ ამ კონსტიტუციით, რომელიც მთელ მსოფლიოში ერთ-ერთი ყველაზე პროგრესული იყო იმ დროისთვის, როდესაც ის იქმნებოდა.
იგი აღიარებდა სახელმწიფოს თავისუფლებასა და განუყოფლობას, იცავდა ძირითად სამოქალაქო და ადამიანის უფლებებს და ადგენდა ყველა ადამიანის თანასწორობას კანონის წინაშე.
იგი ითვალისწინებდა გენდერულ თანასწორობას, იცავდა უმცირესობებს, უზრუნველყოფდა რწმენის, გამოხატვისა და მშვიდობიანი შეკრების თავისუფლებას.
სამწუხაროდ, რამდენიმე დღის შემდეგ, საქართველოში წითელი არმიის შემოჭრის შედეგად, ქართველმა ხალხმა დაკარგა ამ თავისუფლებებით სარგებლობის შესაძლებლობა მომდევნო 70 წელზე მეტი ხნის განმავლობაში.
მიუხედავად ამისა, საქართველოს პირველ კონსტიტუციაში გამოხატული ღირებულებები ისეთივე მნიშვნელოვანია 2021 წელს, როგორც - 1921 წელს და ამ ღირებულებებს აფასებს და იზიარებს ამერიკელი და ქართველი ხალხი.
დემოკრატიული პროცესი ხშირად გადის გამოცდას, თუმცა, ჩვენი, ამერიკის შეერთებული შტატების ბოლო პერიოდის გამოწვევები ადასტურებს იმას, თუ რაოდენ სიცოცხლისუნარიანია დემოკრატია და რამდენად ერთგული უნდა დავრჩეთ უფრო სრულყოფილი სახელმწიფოს შექმნისა, როგორც ეს ჩვენს კონსტიტუციაშია აღწერილი.
ახლა, ვიდრე ოდესმე, მნიშვნელოვანია, რომ ქართველი ხალხი გაერთიანდეს თქვენს პირველ კონსტიტუციაში განმტკიცებული მთავარი ღირებულებების ირგვლივ.
მოქალაქეებმა, არჩეულმა მოხელეებმა და პარტიის ლიდერებმა ნებისმიერ მხარეს, უნდა გადადგან ნაბიჯები არსებული პოლიტიკური კრიზისის განსამუხტად, მშვიდობიანად იმუშაონ დემოკრატიულ ინსტიტუტებში და შეინარჩუნონ საქართველო ევროატლანტიკური ინტეგრაციის გზაზე.
ზუსტად ისე, როგორც 1921 წელს, არსებობენ ისინი, ვისაც სურთ საქართველო ამ ძალისხმევის წინაშე დამარცხებული იხილონ, ვინც საქართველოს დემოკრატიის წარმატებას საფრთხედ აღიქვამს.
ქართველმა ხალხმა ძალიან დიდი შრომა გასწია ქვეყანაში პირველი დემოკრატიის დასამყარებლად, ბევრი იბრძოლა მის დასაბრუნებლად 30 წლის წინ და უამრავი სისხლი, ოფლი და ცრემლი დაღვარა მის აღსადგენად. დემოკრატიისთვის შრომა რთულია და ის არასოდეს მთავრდება, სწორედ ამიტომ, ამერიკის შეერთებული შტატები გააგრძელებს ქართველი ხალხის გვერდით დგომასა და მხარდაჭერას ამ მნიშვნელოვან ძალისხმევაში ერთად წინსვლისთვის.
თქვენ უნდა იამაყოთ ამ დღით და ყველაფრით, რაც ქართველმა ხალხმა შექმნა ბოლო 100 წლის განმავლობაში.
მოგიწოდებთ, გამოიყენოთ ეს შესაძლებლობა და განაახლოთ ერთგულება უფრო სრულყოფილი დემოკრატიის მშენებლობის მიმართ, თქვენი თითოეული თანამოქალაქის სახელით.
გილოცავთ, კიდევ ერთხელ, ამ მნიშვნელოვან იუბილეს", - ნათქვამია განცხადებაში.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არაფერ შუაშია ქვეყნის სიყვარული, უკანასკნელ ნაძირალასაც კი უყვარს თავისი ქვეყანა ! შუაში ის არასწორი სისტემაა , ჩვენ რომ ასი წელია გვაქვს, ქვეყნის განვითარების და ხალხის კეთილდღეობის მუხრუჭი ანაქრონისტული და არაადექვატური სახელმწიფოს ფუნქციაა, ის როგორც საბჭოთა დროს რეპრესიულ საექსპროპრიაციოა რომელსაც ერთი მუჭა სატრაპებისა მასაზე ანხორციელებს,ის დიქტატურის ფორმისაა, ეს დიქტატურა იყო და არის კანონებით გაფორმებული, ადრე დაუფარავად ერქვა პროლეტარიატის დიქტატურა , ახლა დაფარულია დემოკრატიის შირმით , არა ქვია დიქტატურა, მაგრამ არის სამოხელეო სამართალდამაცავ მაკონტროლებელ პარტოკრატიული პლუტოკრატიის ოლიგარქიული დიქტატურა , კანონის ბწკართა შორის კითხვის უნარი ვისაც შერჩა , ამას კითხულობს იქ კანონებში, ეს ძევს ჩვენს ფარატინა კონსტიტუციაში, ფარატინა იმიტომ კი არ არის, რომ კობახიძემ წერა , მიშამ დაამახინჯა და გულუამ შობა და ეგენი ტანწერწეტებია , არა, სამივე ერთი ძალის ფუნქციონერია , აი ყოფილი დიქტატურის , ვითომ რომ პროლეტარიატის იყო, სინამდვილეში კი ბოლშევიკებისა გახდათ ! ახლა ეს დიქტატურა ნაცქოცმოქკავშირის და მისი სატელიტებისაა, ბოლშევიკთა ბადიშების ! კონსტიტუცია , რომელშიც არა სწერია, რომ ამომრჩეველს რეფერენდუმისა და პლებისციტის მოთხოვნის უფლება აქვს და იქ კითხვის დასმის , ანუ ხელისუფლების გამოკითხვის , კანონის რევიზიის და გამოწვევის, დეპუტატის, ან მათი ჯგუფის, ხელახალი არჩევნების , მთავრობის ვოტუმის და მისი დათხოვნის , ვადამდელი პარლამენტის დაშლის , ის არაა კონსტიტუცია , ის რეჟიმის შინაგანაწესია ! ხოლო მიშა კობახიძე და გულუა ვატერანი, მოწიფული და ახალგაზრდა კომკავშირლებია !