მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ცუდო გოგო, ამბობენ, რომ საზოგადოებრივ წესრიგს არღვევ, ვამაყობ შენით!" - ნავალნის მიმართვა ცოლს და სასამართლო პროცესი დაკავებების ფონზე
16:48 / 02-02-2021
მოსკოვის საქალაქო სასამართლოში ოპოზიციონერი პოლიტიკოსის ალექსეი ნავალნის პირობითი სასჯელის პატიმრობით შეცვლის საკითხთან დაკავშირებული სხდომა მიმდინარეობს.
რუსული მედიის ინფორმაციით, ნავალნის ინტერესებს ადვოკატები ვადიმ კობზევი და ოლგა მიხაილოვა იცავენ. სასამართლოს დარბაზში ალექსეი ნავალნის მეუღლე იულია ნავალნაია და მედიის წარმომადგენელი იმყოფებიან.
სასამართლოს სხდომის დაწყებამდე ნავალნიმ თავის მეუღლეს, იულია ნავალნაიას მიმართა: "ამბობენ, რომ საზოგადოებრივ წესრიგს გამუდმებით არღვევ. ცუდო გოგო, ვამაყობ შენით!“- ციტირებს რუსული მედია ნავალნის სიტყვებს.
სასამართლოს შენობის მიმდებარე ტერიტორიაზე უსაფრთხოების ზომები გამკაცრებულია. სააგენტო Reuters-ის ინფორმაციით, სასამართლოს შენობის გარეთ სამართალდამცავებმა ნავალნის 60-მდე მხარდამჭერი დააკავეს.
მოსკოვის საქალაქო სასამართლოში ფედერალური სასჯელაღსრულების სამსახურის ბრალდებები უნდა განიხილონ, რომლის თანახმადაც ალექსეი ნავალნიმ გაფლანგვის საქმეზე 2014 წელს მისჯილი პირობითი სასჯელი დაარღვია.
ცნობისთვის, 2014 წლის დეკემბერში ალექსეი ნავალნი მოსკოვის სასამართლომ 30 მილიონი რუსული რუბლის გაფლანგვასთან დაკავშირებული "ივ-როშესა“ და 16 მილიონი რუბლის გაფლანგვასთან დაკავშირებული "კიროვლეს“ საქმეებზე დამნაშავედ ცნო და პირობითი სასჯელი მიუსაჯა. 2017 წლის აგვისტოში კი გამოსაცდელი ვადა 2020 წლის 29 დეკემბრამდე გაუგრძელეს. "ნოვიჩოკის“ ნერვული აგენტით მოწამვლის გამო ბერლინის საავადმყოფოში გადაყვანილი ნავალნი 17 იანვარს, რამდენიმე თვიანი მკურნალობის შემდეგ, რუსეთში დაბრუნდა. ის მოსკოვის აეროპორტშივე დააკავეს და 30-დღიანი წინასწარი პატიმრობა მიუსაჯეს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნავალნი ისე აგინებს პუტინს, როგორც ნათელაშვილი შადრევან მეფეს, მერე დიდი მოურავის ტახტი რომ დაუთმო და ბოლოს პოზიციებიც !