მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლეგენდარული ძიუდოისტი, ოლიმპიური ჩემპიონი დავით ხახალეიშვილი 49 წლის ასაკში გარდაიცვალა
15:08 / 11-01-2021
ქართველი ძიუდოისტი, ოლიმპიური ჩემპიონი დავით ხახალეიშვილი გარდაიცვალა. ინფორმაციას ამის შესახებ ძიუდოს ეროვნული ფედერაცია ავრცელებს. ხახალეიშვილი 49 წლის იყო.
"ლეგენდარული ქართველი ძიუდოისტი, ოლიმპიური ჩემპიონი დავით ხახალეიშვილი მძიმე ავადმყოფობის შემდეგ 49 წლის ასაკში გარდაიცვალა", - ნათქვამია ფედერაციის მიერ გამოქვეყნებულ ინფორმაციაში.
2020 წლის ოქტომბერში ხახალეიშვილს დაუდგინდა გულის მძიმე დაავადება - დილატაციური კარდიომიოპათია რთული ფორმით. წლის ბოლოს, დეკემბერში კი მინსკში გულის გადანერგვის ოპერაცია გაუკეთეს, რომელმაც კარგად ჩაიარა და როგორც ბელარუსი ექიმები აცხადებდნენ, მდგომარეობა ყოველმხრივ სტაბილური იყო, ორგანიზმმა ახალი გულიც მიიღო.
ხახალეიშვილი მინსკის კლინიკაში 27 ნოემბერს მოათავსეს და ოპერაცია თითქოს იმავე დღეს უნდა გაკეთებულიყო, მოძიებული იყო დონორიც, მაგრამ 3 დეკემბრამდე გადაიდო, რადგან ექიმები პაციენტზე დაკვირვებას აგრძელებდნენ. 27 ნოემბრის შემდეგ, ოპერაცია 2 დეკემბერსაც დაინიშნა, მაგრამ ექიმებმა არჩიეს, ერთი დღე კიდევ დაეცადათ - ამჯერად დონორის გულზე დასაკვირვებლად. საბოლოოდ ოპერაცია 3 დეკემბერს ღამით დაიწყო და 11 საათი გაგრძელდა.
დავით ხახალეიშვილი 1992 წლის ბარსელონის ოლიმპიური თამაშების ჩემპიონი, ასევე მსოფლიოს 2-გზის ვერცხლის (1991, 1993) და 2-გზის ბრინჯაოს (1993, 1995) პრიზიორი, ევროპის ჩემპიონი (1993, 1996) და ბრინჯაოს პრიზიორი გახლდათ.
ის იყო ასევე სსრკ ხალხთა X სპარტაკიადის (1991), საბჭოთა კავშირისა (1991) და დსთ-ის ჩემპიონი (1992) ძიუდოში. მონაწილეობდა 1996 წლის ატლანტის ოლიმპიურ თამაშებშიც, თუმცა აწონაზე დააგვიანა და ტურნირიდან მოიხსნა.
მიღებული აქვს ბრწყინვალების საპრეზიდენტო ორდენი 2018 წელს, ასევე საქართველოს ეროვნული ოლიმპიური კომიტეტის ორდენი 2003 წელს.
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძალიან მეწყინა, ჩვენი თაობის გამოჩენილი სპორტმენი იყო
gmertma natelshi amyofos misi suli. madloba yvelafristvis