ბათუმში ორსართულიანი სახლში აფეთქება მოხდა - როგორია დაშავებულების მდგომარეობა?
ბათუმში აფეთქების შედეგად დაშავებული მოქალაქე რეფერალურ ჰოსპიტალში მკურნალობს, ორმა დაშავებულმა კი კლინიკა უკვე დატოვა. როგორც რეფერალურ ჰოსპიტალში განაცხადეს, დაშავებული ქალის მდგომარეობა სტაბილურად მძიმეა, მას დამწვრობები აქვს მიღებული.
"გუშინ ცოლ-ქმარი შემოიყვანეს, ქმარი უკვე გაეწერა. ცოლის მდგომარეობა სტაბილურად მძიმეა. მას ძირათადად დამწვრობა აქვს მიღებული" , - განაცხადეს რეფერალურ ჰოსპიტალში.
რაც შეეხება მაშველ მეხანძრეს, მან დაზიანება ხანძრის ჩაქრობის დროს მიიღო, იგი შენობის მეორე სართულიდან ჩამოვარდა.
"ჯანმრთელობის ცენტრ "მედინაში" სასწრაფო სამედიცინო დახმარების ბრიგადის მიერ მიყვანილი იყო აფეთქების დროს დაშავებული ერთი მეხანძრე. პაციენტს კლინიკაში გაეწია შესაბამისი სამედიცინო დახმარება, ჩაუტრადა ყველა საჭირო ინსტრუმენტულ ლაბორატორიული კვლევა. აღენიშნებოდა გულ-მკერის ზედაპირული დაზიანება. მისი ჯანმრთელობის მდგომარეობა იყო სტაბილური, არ საჭიროებდა დამატებით ჩარევას, ამიტომ სამედიცინო დაწესებულებიდან გაეწერა რამდენიმე საათში",- განაცხადეს კლინიკა „მედინაში“.
ცნობისთვის, ბათუმის შემოერთებულ ტერიტორიაზე, სოფელ ახალსოფელში გვიან ღამით ორსართულიანი სახლის მეორე სართულზე აფეთქება მოხდა. მომხდარზე გამოძიება "სისხლის სამართლის კოდექსის" 240 -ე პრიმა მუხლით დაიწყო, რაც უსაფრთხოების წესების დარღვევას გულისხმობს.
საქართველოში კორონავირუსით კიდევ 22 პაციენტი გარდაიცვალა
საქართველოში კორონავირუსის 2058 ახალი შემთხვევა გამოვლინდა - როგორ ნაწილდება ინფიცირების მაჩვენებელი რეგიონების მიხედვით?
