27
მარტიდღის ზოგადი ასტროლოგიური პროგნოზი
გიორგი ჯანაშია წარმოადგენს სახელმწიფოს იარაღს მიხეილ კალანდიას მიმართ პოლიტიკური დაკვეთის განსახორციელებლად. როდესაც ეს მდგომარეობა საღად შეაფასა ამ "იარაღმა", სახელმწიფოსაგან მოითხოვა შეთანხმებულზე ადრე თავისუფლების მინიჭება, წინააღმდეგ შემთხვევაში დაემუქრა ნამდვილი, ცხადი ამბების ნიუსებით , - ამის შესახებ დავით სარალიძის მკვლელობაში მსჯავრდებული მიხეილ კალანდიას ადვოკატმა ზურაბ თოდუამ განაცხადა.
მისივე თქმით, უბადრუკ მდგომარეობაში აღმოჩენილმა სახელმწიფომ მიხეილ კალანდია მოგონილი დანაშაულით საკმაოდ ხანგრძლივი დროით გამოამწყვდია ციხეში, ხოლო იგივე დანაშაულის ჩამდენი პირის მიმართ კი 3 წლიანი პატიმრობა იკმარა.
"ჯანაშიას უზენაესი სასამართლოს 2019 წლის 24 დეკემბრის განაჩენით მიესაჯა 4 წლით რეალური სასჯელი და 4 წელი პირობითი მსჯავრი. ამ მოცემულობით, იგი რეალური სასჯელის მოხდისაგან უნდა გათავისუფლებულიყო 2021 წლის 2 დეკემბერს. დიდი ალბათობით, იგი გათავისუფლდა ე/წ უდოს კომისიით, ანუ ვადაზე ერთი წლით ადრე.
ჩემი აზრით:
1. ეს გადაწყვეტილება არის ზაფხულში ჩემ მიერ გახმაურებული პირველი უშედეგო მცდელობის მეორე ეტაპი, რომელიც ამჟამად ძალიან უხმაუროდ ჩაატარეს.
2. ეს გადაწყვეტილება, კიდევ უფრო დიდი ალბათობით არის, ჯანაშიას ულტიმატუმის შედეგი, რომ ვადაზე ადრე გაეშვათ, რადგანაც მან მისცა პროკურატურას პოლიტიკური დაკვეთის ხორცშესასხმელად ყველაზე ღირებული ჩვენება მიხეილ კალანდიას საქმეზე.
3. ჯანაშიას ულტიმატუმის შესრულებიდან მეორე დღეს, 29 დეკემბერს, უზენაესი სასამართლოს სამმა არაუფლებამოსილმა მოსამართლემ (სამოქალაქო საქმის მოსამართლეები არიან სამივე) ლევან მიქაბერიძემ, ვლადიმერ კაკაბაძემ და მზია თოდუამ უარი განაცხადეს ჩემი საკასაციო საჩივრის განხილვაზე იმ მოტივით, რომ თურმე საკასაციო საჩივრის მთავარი მოთხოვნა უსაფუძვლო ყოფილა, რადგანაც მიხეილ კალანდია ფარდულში გიორგი ჯანაშიას დასახმარებლად კი არ შევიდა, არამედ იგი ეხმარებოდა ჯანაშიას წინასწარი განზრახვით, პირთა ჯგუფთან ერთად მკვლელობის განზრახვის სისრულეში მოსაყვანად. ფაქტობრივად, უზენაესმა სასამართლომ სწორედ ამ არგუმენტზე დაყრდნობით თქვა უარი საკასაციო საჩივრის განხილვაზე.
4. ჯანაშიას ვადაზე ადრე გათავისუფლება და მეორე დღეს საკასაციო საჩივრის დაუშვებლად ცნობა პირდაპირ კავშირშია ერთმანეთთან, რამეთუ არსებობდა დიდი ალბათობა, რომ ჯანაშია ამ ეტაპზე მაინც იტყოდა იმის შესახებ თუ ვისი გეგმითა და დარიგებით მისცა მან „ოქროს ჩვენება“ მის დასახმარებლად გაწეული მეგობრის წინააღმდეგ.
5. აი სწორედ ამ „ოქროს ჩვენების“ გამო, იგი კარნახობდა პირობებს პროკურატურას", - განაცხადა თოდუამ.
მისივე თქმით, სახელმწიფო, რომელმაც „დაიჯერა“ გიორგი ჯანაშიას ზღაპარი წინასწარი განზრახვით პირთა ჯგუფთან ერთად სარალიძის მკვლელობის შესახებ, გააზრებული და გონიერი ქმედება ესაჭიროებოდა.
"კერძოდ, თუ ნამდვილად ასეთი უმძიმესი და საშინელი დანაშაული ჩაიდინა გიორგი ჯანაშიამ, რატომ დაუშვა გონიერმა სახელმწიფომ ასეთი საშიში, დაუნდობელი დანაშაულის ჩამდენი პირის თავისუფლება 3 წელიწადში. პასუხი ერთადერთი და ცალსახაა - გიორგი ჯანაშია წარმოადგენს სახელმწიფოს იარაღს მიხეილ კალანდიას მიმართ პოლიტიკური დაკვეთის განსახორციელებლად. როდესაც ეს მდგომარეობა საღად შეაფასა ამ იარაღმა, სახელმწიფოსაგან მოითხოვა შეთანხმებულზე ადრე თავისუფლების მინიჭება, წინააღმდეგ შემთხვევაში დაემუქრა ნამდვილი, ცხადი ამბების ნიუსებით.
ულტიმატუმი სახელმწიფომ ამჟამად საღად შეაფასა და დააკმაყოფილა იგი. სხვაგვარი ახსნა ამ ქმედებას არ შეიძლება გააჩნდეს. მეტად უბადრუკ მდგომარეობაში აღმოჩენილმა სახელმწიფომ მიხეილ კალანდია მოგონილი დანაშაულით საკმაოდ ხანგრძლივი დროით გამოამწყვდია ციხეში, ხოლო იგივე დანაშაულის ჩამდენი პირის მიმართ კი 3- წლიანი პატიმრობა იკმარა. ამ მიზნის განსახორციელებლად კი კვალიფიციური უფლებამოსილი მოსამართლეც კი ვერ იპოვა და უზენაესი სასამართლოს სახელით გადაწყვეტილება მიაღებინა ისეთ მოსამართლეებს, რომლებსაც სისხლის სამართლის საქმე ნანახიც კი არ აქვთ, ხოლო პატიმარი მხოლოდ ტელევიზიით ექნებათ ნანახი", - ნათქვამია ზურაბ თოდუას მიერ გავრცელებულ განცხადებაში.
ცნობისთვის, დავით სარალიძის განზრახ ჯგუფურად მკვლელობაში მსჯავრდებულმა გიორგი ჯანაშიამ პენიტენციური დაწესებულება დატოვა.
მკვლელს იცავს და კიდევ ხმას იღებს.