"სახლში დალეწეს ყველაფერი, შემდეგ ჩხუბი მეჩეთთან გაგრძელდა" - ადგილობრივები ხელვაჩაურში მომხდარი მკვლელობის დეტალებს ყვებიან
ხელვაჩაურში, ე.წ ოცნების ქალაქში გუშინ გვიან ღამით მკვლელობა მოხდა.
ადგილობრივების ინფორმაციით, მოკლულია 44 წლის მამაკაცი, რომელსაც სასიკვდილო ჭრილობა ცივი იარაღით ყელის არეში მიაყენეს.
როგორც "ოცნების ქალაქში" მცხოვრებლები აცხადებენ, მეორე მამაკაცი მუცლის არეში მძიმედ დაჭრეს, რომელიც კლინიკაშია გადაყვანილი.
მეზობლების თქმით, ინციდენტი სახლში დაიწყო და მოგვიანებით იქვე მდებარე მეჩეთთან გაგრძელდა.
მათივე ინფორმაციით, გარდაცვლილი მამაკაცი სახლში მარტო იმყოფებოდა. მომხდარს სიტყვიერი და ფიზიკური დაპირისპირება უძღოდა.
"ინციდენტი სახლში დაიწყო და იქვე მდებარე მეჩეთთან გაგრძელდა, სადაც მკვლელობა მოხდა. სახლში დალეწეს ყველაფერი და სისხლიც ჩანს სააბაზანოსთან. გარდაცვლილს კისრის არეში მიაყენეს სასიკვდილო ჭრილობა, ხოლო მეორე მამაკაცი მუცლის არეში მძიმედ დაჭრეს. ინცინდენტის გამო, შემთხვევის ადგილზე საყოფაცხოვრებო ნივთები დამტვრეულია. გარდაცვლილი 44 წლის მამაკაცია", - აცხადებენ ე.წ. ოცნების ქალაქში მცხოვრებლები.
შემთხვევის ადგილზე სამართალდამცველები მუშაობდნენ. ჯერჯერობით უცნობია, რა მუხლით მიმდინარეობს გამოძიება.
"მიშოს ამბავით შეძრული ვარ... პერსპექტიული ფეხბურთელი და დადებითი პიროვნება იყო" - რას ამბობენ მოკლულ ახალგაზრდაზე "საბურთალოს" გუნდში?
"არ მჯერა მიშო..." - ძმის მიერ მოკლული ფეხბურთელი გიორგი შაქარაშვილის მეგობარი იყო
