26
მარტიდღის ზოგადი ასტროლოგიური პროგნოზი
24 დეკემბრიდან 2 იანვრის ჩათვლით გაიხსნება სავაჭრო ცენტრები, არ გაიხსნება ბაზრობები - ტრანსპორტის შეზღუდვა ძალაში რჩება. ამის შესახებ მთავრობის ადმინისტრაციაში გამართულ ბრიფინგზე მაია ცქიტიშვილმა განაცხადა.
"24 დეკემბრიდან 2 იანვრის ჩათვლით შეზღუდვების მოხსნა არ განხორციელდეს იმ მასშტაბით, რაც მანამდე იყო ჩაფიქრებული. კერძოდ, დიდ ქალაქებში მინიციპალური ტრანსპორტი კვლავ არ იფუნქციონირებს. ასევე ძალაში რჩება საქალაქთაშორისო ტრანსპორტის შეზღუდვა. ვერ გაიხსნება ბაზრობები. იმუშავებენ აგრარული ბაზრობები და იმუშავებენ იმ პირობით, რომ დაიცავენ უსაფრთხოების წესებს.
24 დეკემბრიდან 2 იანვრის ჩათვლით დიდ ქალაქებში დაშვებული იქნება სავაჭრო ცენტრების ფუნქციონირება. იმ შემთხვევაში თუ ისინი ყველა წესს დაიცავენ, რომელიც დადგენილია. ჩვენ ასევე მივიღეთ გადაწყვეტილება დამატებით რეგულაციებზე, რომელიც მეტად დაიცავს მომხმარებელს სავაჭრო ქსელებში ვიზიტისას.
კერძოდ, მაღაზიების სამუშაო საათები განისაზღვრება დილის 7:00 საათიდან საღამოს 7:00 საათამდე. მომხმარებლის დაშვება უნდა მოხდეს ნაკადების მკაცრი მართვით. ყოველ 20 კვადრატულ მეტრზე უნდა დაიშვას არაუმეტეს ერთი მომხმარებელი. დაცული უნდა იყოს სოციალური დისტანცია. ტანსაცმლის მაღაზიებში არ იმუშავებენ გასახდელები" - აღნიშნა ცქიტიშვილმა.
