მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შეზღუდვების შემსუბუქება ძალიან სარისკოა" - რას ურჩევენ ეპიდემიოლოგები ხელისუფლებას
10:34 / 21-12-2020
დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, შეზღუდვების შემსუბუქება ძალიან სარისკოა.
როგორც მან "კვირის პალიტრასთან“ ინტერვიუში აღნიშნა, თუ შეზღუდვები შემსუბუქდება, ეს უნდა იყოს უმნიშვნელო, მინიმალური შემსუბუქება მკაცრი კონტროლის თანხლებით.
მისივე თქმით, თუ მოქალაქეები და ბიზნესმენები ვერ მიხვდებიან, რომ ეს ყველაფერი თვითონ უნდა აკონტროლონ, სახელმწიფოს ისევ მოუწევს ზომების გამკაცრება.
"მობილობა ტელეფონებით იზომება. ამას "გუგლი" ანგარიშობს - ტელეფონი ხომ ყველას უდევს ჯიბეში. ახლა მთავარია, დიდმა ჯგუფებმა შორს არ იარონ, უცხო ადამიანები ერთმანეთს იშვიათად შეხვდნენ. ამ ეტაპისთვის, მობილობა ჯერჯერობით გაზრდილი არ არის. გაზაფხულზე შეზღუდვებისას 70%-ით შემცირდა მობილობა, ახლა - 40%-ზე ოდნავ მეტით, რაც საკმარისი არ არის. ამიტომ ვფიქრობთ, რომ შეზღუდვების შემსუბუქება ძალიან სარისკოა. კიდევ დავაკვირდებით... ჯერ არის დრო, ადამიანები მიხვდნენ, რომ პირბადეების გამოყენება და დისტანციის დაცვა უმნიშვნელოვანესია. რაც მეტი ადამიანი გაიკეთებს პირბადეს ყველგან და დაიცავს დისტანციას, მით ნაკლები იქნება შეზღუდვების დაწესების აუცილებლობა. ახლა ყველაფერი დამოკიდებულია ჩვენს ქცევაზე, თუ გავიკეთებთ პირბადეს, დავიცავთ დისტანციას, თუ ბიზნესი თავის სამოქმედო არეალში დაიცავს წესებს და გააკონტროლებს სიტუაციას, შემსუბუქება შესაძლებელი იქნება. თუ არა, მაშინ გამკაცრებული შეზღუდვების შედეგები ბიზნესმაც და ადამიანებმაც საკუთარ თავს დააბრალონ. თუ ადამიანები წესებს არ იცავენ, სახელმწიფო იძულებული ხდება, შეზღუდვები დააწესოს. ამასთან, გეტყვით, რომ ჩვენთან გარკვეული შეზღუდვები ვაქცინის შემოსვლის შემდეგაც გაგრძელდება. იმედი ნუ გვექნება, რომ ვაქცინის გამოჩენისთანავე ძველ ცხოვრებას დავუბრუნდებით, თუმცა შეზღუდვა იქნება შედარებით ნაკლები", - განაცხადა იმნაძემ. წაიკითხეთ ინტერვიუ სრულად
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სარისკო რომაა ეს ყველამ იცის. არავითარი შემსუბუქება, მკაცრად იყოს დაცული ყველა რეგულაცია. ძალიან დიდი გამოწვევის წინაშეა მსოფლიო. ჩვენ რა გვექეიფება? თუ არ ვირბენთ ერთმანეთთან ახალი წელი ისე არ მოვა? ეს წელი მოვითმინოთ, ამდენი ადამიანის სიცოცხლე შეიწირა კორონამ. ჩვენ ნამდვილად არ უნდა გვექეიფებოდეს. ამ გასაჭირმა ადამიანები უნდა ჩააფიქროს და ცოტა უნდა გადავაფასოთ ჩვენი ცხოვრების დეტალები. უნდა ვიფიქროთ გაჭივრებულ ადამიანებზე და მეტი ქველმოქმედების გაკეთებისთვის ვისწრაფოდ. უნდა შევცვალოთ ცხოვრებისეული მიდგომები . დარჩით სახლში!!!!!
ნამდვილად არ უნდა მოიხსნას შეზღუდვები.ჯერ კიდევ არა აქვთ ზოგიერთებს შეგნებული,რომ დიდი სიფრთხილეა საჭირო.მესმის ძალიან კარგად, სავაჭრო ცენტრის მეპატრონეების,არანაკლებად უჭირს მოსახლეობასაც,მაგრამ იქნებ ყველამ ერთად ცოტაც გავიჭირვოთ,ერთი ადამიანის სიცოცხლეც ძვირფასია ჩვენთვის.გვეყო ამდენი ადამიანის დაკარგვა.ნუ გადავაყოლებთ ამ ახალ წელს ჩვენი მოქალაქეების სიცოცხლეს. პირადად მე ბევრი ახლობელი დავკარგე და სხვანაირად შევიგრძენი შიში,ამ ვერაგი ვირუსის.ბოდიშს გიხდით ,თუ ვინმეს არ ესიამოვნება ჩემი კომენტარი და სრულიად საქართველოს მოსახლეობას ვუსურვებ,ბედნიერი ახალი წელი შემოსულიყოს ყველა ოჯახში.