"მეეჭვება, მას მიეცეს საშუალება  საკუთარი გუნდი დამოუკიდებლად ჩამოაყალიბოს" - "ოცნებამ" პარლამენტს პრემიერობის კანდიდატად გიორგი გახარია წარუდგინა

პოლიტიკურმა გაერთიანებამ - "ქართული ოცნება - დემოკრატიული საქართველო“ საქართველოს პარლამენტს ქვეყნის პრემიერ-მინისტრობის კანდიდატად გიორგი გახარიას კანდიდატურა წარუდგინა.

შესაბამის წერილს, რომელიც 12 დეკემბრით თარიღდება, ხელს პარტიის თავმჯდომარე, ბიძინა ივანიშვილი აწერს.

"თუ გახარიას მიეცემა საშუალება დამოუკიდებლად მიიღოს გადაწყვეტილებები და საკუთარი გუნდი ჩამოაყალიბოს, კარგი იქნება, თუმცა ეჭვი მეპარება. როგორც წესი, გახარიას ამას არავინ ეკითხება", - განაცხადა ესპერტმა გია ხუხაშვილმა გაზეთ "კვირის პალიტრასთან". იხილეთ სტატია სრულად