"თავს კარგად გრძნობს, ყველაფერი დადებითად მიდის" - კახი კავსაძის ჯანმრთელობის მდგომარეობა დამაკმაყოფილებელია

კახი კავსაძის ძმის იმერი კავსაძის განცხადებით, კორონავირუსით ინიფიცირებული კახი კავსაძე, რომელიც თსსუ-ს პირველ საუნივერსიტეტო კლინიკაში მკურნალობს, თავს კარგად გრძნობს. როგორც მან „ინტერპრესნიუსს“ განუცხადა, ამ დროისთვის კახი კავსაძის ჯანმრთელობის მდგომარეობა დამაკმაყოფილებელია.

“ამ დროისთვის კარგი მდგომარეობაა, უკეთესად არის, თავს კარგად გრძნობს, ყველაფერი დადებითად მიდის და ყველაფერი კარგად იქნება“,-აცხადებს იმერი კავსაძე.

შეგახსენებთ, რომ მსახიობი კახი კავსაძე თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში 28 ნოემბერს გადაიყვანეს. მას კორონავირუსი დაუდასტურდა.