"ახლა პრაქტიკულად ყველა გაციება არის კოვიდი..." - პაატა იმნაძე
შეიძლება დღეს 10 ათასამდე ინფიცირებული გვყავდეს დღეში,- ამის შესახებ დაავადებათა კონტროლის და საზოგადოებრივი ჯანმრთელობის ეროვნული ცენტრის დირექტორის მოადგილემ, პაატა იმნაძემ დღევანდელ ბრიფინგზე განაცხადა.
მისი თქმით, ქვეყანაში შეზღუდვების დაწესების შემდეგ, ინფიცირებულების რიცხვი აღარ მოიმატებს.
"შეზღუდვების შემდეგ ნაკლებს კი არ დაველოდებით, ინფიცირებულების რიცხვი აღარ მოიმატებს“,-განაცხადა იმნაძემ.
მან დაადასტურა ინფორმაცია, რომ საქართველო კორონავირუსის გავრცელების თვალსაზრისით პიკში იმყოფება.
"ამ დაავადების ერთ-ერთი ვერაგულობა არის ის, რომ ახასიათებს, როგორც უსიმპტომო მიმდინარეობა, ასევე ძალიან მცირე სიმპტომატიკა შეიძლება გამოუვლინდეს ადამიანების დიდ ნაწილს, რომელიც საერთოდ არ მიაკითხავს სამედიცინო დაწესებულებას იმისთვის, რომ გამოიკვლიოს“,-განაცხადა იმნაძემ.
მისივე ინფორმაციით, ახლა პრაქტიკულად ყველა გაციება, არის კოვიდი.
"ყველა გაციებით მიმდინარე დაავადება, რაც არის რესპირატორული, მათი 90 პროცენტი არის კოვიდი. დარჩენილია თითო-ოროლა ძველი ვირუსი, დაფიქსირდა გაციების გამომწვევი ვირუსი და ცოტა რინოვირუსი, სურდოს რომ იწვევს. ესენი არის ძალიან უმნიშვნელო. ახლა პრაქტიკულად ყველა გაციება, არის კოვიდი", - განაცხადა იმნაძემ.
"მისთვის ახლა ბევრი ლაპარაკი არ შეიძლება" - კახი კავსაძემ კორონავირუსი დაამარცხა, როგორია მსახიობის ჯანმრთელობის მდგომარეობა?
საქართველოში კორონავირუსის 3837 ახალი შემთხვევა გამოვლინდა - მონაცემები რეგიონების მიხედვით
