მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ "ლოკდაუნის" მერე ერთი დოლარი ეღირება 10 ლარი, ასეთ გადაწყვეტილებას აზრი არ აქვს - ასეთ ჩაკეტვას მოყვება ქვეყნის გარდაცვალება" - გენეტიკის ეროვნული ლაბორატორიის ხელმძღვანელი
12:45 / 25-11-2020
გენეტიკის ეროვნული ლაბორატორიის ხელმძღვანელი გიორგი ჩალაძე მიიჩნევს, რომ საქართველოში შექმნილი ეპიდემიოლოგიური ვითარების გათვალისწინებით ერთადერთი გამოსავალი ქვეყნის ჩაკეტვაა. როგორც მან „პალიტრანიუსის“ გადაცემაში „ნიუსრუმში“ განმარტა, შეზღუდვების შესახებ მთავრობამ ეპიდემიოლოგებთან, სპეციალისტებთან და ეროვნულ ბანკთან ერთად უნდა იმსჯელოს.
„გამოსავალი არის ჩაკეტვა. ეს უნდა გადაწყვიტოს არა ერთმა ადამიანმა, არამედ უნდა დასხდნენ ფინანსისტები, ეკონომისტები, ექიმები, ინფექციონისტები, ბიზნესმენები, ბანკის წარმომადგენლები, ეროვნული ბანკი უნდა დაჯდეს ჩვენთან ერთად და თქვას, რისი საშუალება აქვს ქართულ ლარს. თუ ჩვენ „ლოკდაუნის“ მერე გამოვალთ ქალაქში და ერთი დოლარი ეღირება 10 ლარი, მაშინ ასეთ „ლოკდაუნს“ აზრი არ აქვს. ასეთ ჩაკეტვას მოყვება ქვეყნის გარდაცვალება, არათუ ადამიანების. ამიტომ, ყველა ერთად უნდა მოვემზადოთ და არა ისე, რომ ვინმემ ტელევიზორით გვითხრას, რა მოგვივა. გვითხრან, ხვალ ზეგ, მაზეგ რას გეგმავენ. ეს არ უნდა იყოს სიუპრიზი, ძალით ადამიანებისთვს ცხვირში შეტენილი გადაწყვეტილება, არამედ მათთან ერთად მიღებული მძიმე, არაპოპულარული გადაწყვეტილება, რის შემდეგაც ადამიანები გადარჩებიან“, - განაცხადა გიორგი ჩალაძემ.
მისი განმარტებით, საქართველოს მთავრობა დაეყრდნო არასწორ გადაწყვეტილებებს, ხოლო არაპროფესიონალებმა არასწორი პროგნოზები გააკეთეს, რომლის შედეგები ქვეყანაში უკვე დადგა.
როგორც გიორგი ჩალაძემ აღნიშნა, არასწორ გადაწყვეტილებებზე პასუხი უნდა აგოს დაავადებათა კონტროლის ეროვნულმა ცენტრმა, ხოლო მინისტრმა და მთავრობის სხვა წევრებმა პასუხი უნდა აგონ თავისი კომპეტენციის ფარგლებში, პოლიტიკიდან გამომდინარე, რაც მისი თქმით, ძალიან მძიმე პასუხისმგებლობაა.
„კოვიდი თავიდან ბოლომდე პოლიტიკაა. ფული, რომელიც სახელმწიფომ სესხად თუ დახმარების სახით მიიღო, მხოლოდ და მხოლოდ პოლიტიკას და ქრთამს მოხმარდა, კორუფციას და პოლიტიკას. ეს ფული ჯანდაცვაში არ წასულა. ჩვენ თუ ჯანდაცვის გაძლიერება გვინდოდა, მთელი წელი გვქონდა. შეგვეძლო მოვმზადებულიყავით, მინიმუმ საინფორმაციო მომზადება მაინც დაგვეწყო. დღეს მინისტრი არ უნდა გამოდიოს და არ უნდა ფიქრობდეს, რა ფიცრებიც მიაწოდეს, სანდოა თუ არა. ეკა ტიკარაძე დღეს ვერ ენდობა მასთან მიტანილ ციფრებს. იცით რატომ? იმიტომ, რომ თავისივე სამინისტროში ადამიანები მის წინააღმდეგ არიან. ვისი გავლენის ქვეშ არიან? დაავადებათა კონტროლის ეროვნული ცენტრის. ეს არის ფაქტები, სინამდვილე. ამ ადამიანის მცდარმა, ძველმა კავშირებმა მიიყვანა სისტემა ამ პერიოდამდე“,-განაცხადა გიორგი ჩალაძემ.
მისი შეფასებით, ამირან გამყრელიძემ დაავადებათა კონტროლის ეროვნული ცენტრი მძიმე შედეგებამდე მიიყვანა.
„ამირან გამყრელიძემ დღემდე ვერ გადახარშა როგორ მოხსნეს მინისტრობიდან და როგორ გადაიყვანეს თავშესაფრის სახით დაავადებათა კონტროლის ეროვნულ ცენტრში. მინისტრობის მოკლე პერიოდში როგორი უარყოფითი შედეგებიც დადო სამინისტროში, წარმოდგენა არ აქვს, როგორ იმართება ჯანდაცვის სისტემა და იგივე შედეგებამდე მიიყვანა დაავადებათა კონტროლი. ის არის დღეს არაფორმალური მინისტრი“, - განაცხადა გიორგი ჩალაძემ.
მისი თქმით, ვირუსის გავრცელების ოპოზიციისთვის გადაბრალება „უკიდეგანოდ სამარცხვინო განცხადებაა“.
გიორგი ჩალაძე მიიჩნევს, რომ ქვეყანაში ეპიდვითარება არასწორი გადაწყვეტილებების და მოუმზადებელი სისტემის გამო გართულდა.
„ეს უმართავი, მოუმზადებელი სისტემის, ჩაფლავებული მენეჯმენტის, არასწორი გადაწყვეტილებების, მოპარული ფულის და დიდი კორუფციის ბრალია, რომელიც საქართველოს ჯანდაცვის სისტემაში ყვავის“, - განაცხადა გიორგი ჩალაძემ.
00:00 / 00:00
მკითხველის კომენტარები /
26 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ანუ ადამიანების გარდაცვალება ჯობია? ამბობთ?
დედას ქონდა კოვიდი, ფბზე ვნახე მკურნალში ხალხი წერდა წყ ზეჟანგზე როგორც ყველაფრის წამალზე, ვცადე და 2 დღეში სრულად გამოჯანმრთელდა! 74წლისაა! დაგუგლეთ, პერეკისი 3%