მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პუტინი აცნობიერებს, რომ მის მემკვიდრეს შეუძლია მასავით მოიქცეს" - რატომ გახშირდა ლაპარაკი ვლადიმირ პუტინის შესაძლო გადადგომაზე?
11:31 / 25-11-2020
ბრიტანულ გაზეთ "ფაინენშელ თაიმსში" («Financial Times») გამოქვეყნებულია სტატია, სათაურით: "საუბარი ვლადიმირ პუტინის ვადამდელ გადადგომაზე, ნაადრევია“, რომელშიც რუსეთის პრეზიდენტის მმართველობის პერსპქეტივაა განხილული (ავტორი - ჰენნრი ფოი, გაზეთის მოსკოველი კორესპონდენტი).
როგორც პუბლიკაციაშია აღნიშნული, "ყოველი ავტორიტარული ლიდერის სამომავლო პერსპექტივა ხშირად ორი ვარიანტის სახით არის წარმოდგენილი: პირველი - სამოქალაქო ცხოვრებაზე გარანტირებული უსაფრთხო გადასვლით, რომელშიც საკანონმდებლო დაცვაც არის გათვალისწინებული ან მეორე - სამიდღემშიო მმართველობით. ვლადიმირ პუტინმა, რომელიც 2021 წლის იანვარში ხელისუფლებაში ყოფნის 21-ე წელიწადს აღნიშნავს, ისეთი სიტუაცია შექმნა, რომ მას აქვს შანსი პირველიც მიიღოს და მეორეც.
ბოლო ხანებში სულ უფრო გახშირდა ლაპარაკი, - კრემლის ბინადარი პოსტიდან მიდისო. ეს ყველაფერი ხდება იმ ფონზე, როცა სახელმწიფო სათათბირომ დაამტკიცა კანონი ყოფილი პრეზიდენტებისა და მათი ოჯახების იმუნიტეტის შესახებ გამოძიებასა და სასამართლო დევნასთან დაკავშირებით. თუმცა ამ კანონით გაჩენილ ხმებს, რომ ეს შესაძლოა ნიშნავდეს პუტინის პენსიაზე გასვლას, ანეიტრალებს სათათბიროს მიერ მიღებული მეორე კანონი, რომელიც 2024 წლის შემდეგაც, 68 წლის ვლადიმირ პუტინის მმართველობას ვადის კიდევ 12 წლით გაგრძელების საშუალებას იძლევა.
როგორც რუსი პოლიტოლოგი ტატიანა სტანოვაია მიიჩნევს, მიუხედავად იმისა, რომ ვლადიმირ პუტინი საკუთარი უსაფრთხოების საკანონმდებლო დონეზე დაცვის უზრუნველყოფას ესწრაფვის პრეზიდენტობის ვადის დასრულების შემდეგ, მაგრამ ამ ახალი კანონს არავითარი კავშირი არ აქვს მის პენსიაზე გასვლის გეგმებთან. "რისი თქმაც ჩვენ ახლა შეგვიძლია, ის არის, რომ იგი ყველაფერს აკეთებს, რათა ჩვენ არ ვიცოდეთ და ვერ მივხვდეთ იმას, თუ იგი როდის გადადგება“, - აღნიშნავს ტატიანა სტანოვაია.
ორი საკანონმდებლო აქტი, რომელიც ვლადიმირ პუტინის მიერ გაზაფხულზე წარმოდგენილ კონსტიტუციის ახალ რედაქციაშიც არის ჩადებული, ორმაგი შთაბეჭდილების განცდას იწვევს. რუსეთის ლიდერს მოსწონს ხოლმე ერთი და იგივე მოვალეობის ორ ადამიანზე განაწილება, რომლებსაც სხვადასხვა თანამდებობები უკავიათ. იგი ხშირად ახდენს ამოცანების დელეგირებას ერთმანეთის კონკურენტ სამინისტროებსა და უწყებებზე. მისი ასეთი მიდგომა უზრუნველყოფს მოქნილობას იმ შემთხვევისათვის, თუ ზოგიერთი პიროვნება ან რომელიმე ინიციატივა წარუმატებელი იქნება. გარდა ამისა, ამგვარი მიდგომა იმის გარანტიაც არის, რომ ქვეშევრდომები უფრო მეტად იქნებიან დაკავებულნი ერთმანეთთან ბრძოლით, ვიდრე "შეთქმულების მომზადებით“ უზენაესი მმართველის წინააღმდეგ“, - ნათქვამია სტატიაში.
"ორი კანონი, რომელიც ვლადიმირ პუტინს კრემლის მიღმა და კრემლში ყოფნის დროს იცავს, ზუსტად შეესაბამება მის ზემოთ ნახსენებ მიდგომებს. ანალიტიკოსების აზრით, ამჟამად, პირველთან შედარებით, მეორე ბერკეტით სარგებლობა უფრო ხელსაყრელია.
როგორც პრეზიდენტი, რომელმაც თავის ხელში სრულად მოიქცია პოლიტიკური ძალაუფლება, შემდეგ კი თავისი გეგმების შესაბამისად შექმნა კანონები, ვლადიმირ პუტინი აცნობიერებს, რომ მის ყოველ მემკვიდრეს შეუძლია იგივე გააკეთოს და ადვილად შეცვალოს მის მიერ მიღებული საკანონმდებლო გარანტიები. მას შეეძლო თავისი მემკვიდრე უფრო ადრე მოეძებნა, თუმცა არც დღესაა გვიან, თუ თვითონ მოისურვებს... ამასთან, მან იცის, რომ მისი არჩევანი შეიძლება შეცდომა აღმოჩნდეს“, - ამბობს ტატიანა სტანოვაია.
ვიდრე ვლადიმირ პუტინი არ იპოვის ამ თავსატეხის ამოხსნის წესს, ლაპარაკი მის გადადგომასა და პენსიის დანიშვნაზე ნაადრევია, მაგრამ ამ ეტაპზე სათადარიგო ვარიანტების არსებობა ზედმეტი მაინც არ იქნება“, - ასკვნის სტატიის ავტორი. წყარო
სიმონ კილაძე
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა უბედურებაა ეს"სამიდღემშიო"?ბრჭყალებში მაინც ჩაგესვათ.
მსოფლიოში მმართველობითი ორი ფორმა არსებობს ,ვერტიკალური პირამიდა,როგორც ჩვენია ,კენწეროში დიქტატორია უშუალო გარემოცვით, ქვემოთ ხალხის ვერტიკალურად იერარქიული მასა რანჟირებულ შრეებად დალაგებული ,სადაც ზედა შრე ბატონობს ქვედაზე ,აკონტროლებს და მისგან ანგარიშს იბარებს , თუ დიქტატორი გარემოცვიანად სწორ დირექტივებს იძლევა ,პირამიდა იძლევა პროდუქტს,რომელზეც მათ შეუზღუდავი ძალა და უფლებები გააჩნიათ ,ვიდრე აქვს ხალხს ,ერთეულები მუშაობენ და აგებენ პასუხს სისტემის ეფექტურობაზე და პასუხს აგებენ დიქტატორის და არა ხალხის წინაშე (მაგალითად სტალინი,ფრანკო,პინოჩეტი,ჰიტლერი,მუსოლინი , ) მაგრამ როგორც კი სწორ დირექტივებიანი დიქტატორი ბერდება ან მიდის და კენწეროში ვერცხლის მოყვარული ან პროფანი ექცევა ,პირამიდა წიბოებში ირღვევა,მაგალითად ხრუშჩოვი,ბრეჟნევი,კირილენკო,გორბაჩოვი,პუტინი,სააკაშვილი ,ივანიშვილი,შევარდნაძე !ანუ პირამიდის ბოლო რღვევაა ,ხშირად ისეთი, რომ ყველაზე მასიური სახალხო ფენა ნანგრევებში ექცევა და კენწერო ზემოდან ეცემა და ხალხი მათ პასუხს აგებინებს დიდი დაგვიანებით ,ხშირად დიქტატორის სიკვდილის ან მოკვლის შემდეგაც კი !მეორე ფორმაა პარალელური,ანუ ფერმერული,ამერიკული,აქ კენწერო არაა ,არც დიქტატორია,რეკომენდატორებია ბევრი,მაგალითად ტრამპმა ახლა რომ თქვას კალიფორნია,სახალხო პატრიოტულ ნაციონალიზაციას ვაცხადებ და რაც კერძოა, ფულიან, ბიზნეს, სახლკარიანად და ჯიპებიც სახელმწიფოს უნდა აჩუქოთო, აჩეხე ვაზი და სიმინდი და საზამთრო დათესეო,ხუმრობსო გაიფიქრებენ კალიფორნიელები და ვაზს გაფოთლიან ,არიან ფართო თანაბარ უფლება ძალიანი პარალელური შრეები ,ისინი მონაცვლეობენ და ურთიერთხახუნობენ რეკომენდაციებით ,რყევები ხახუნისას იხშობა ,აბსორბცია ხდება ,არასწორი რეკომენდაცია,რამდენი პროფანიც არ უნდა მოხვდეს იმ კონკრეტულ შრეში ლიდერად , შორს არ მიდის,ხახუნის ძალა მას იმ შრეშივე ანეიტრალებს,სწრაფად რეაგირებს სისტემა უსწორობაზე,ის მთელ სისტემას ვერ სერავს და ის არ ინგრევა ,ხანგძლივად და ექფექტურად იძლევა პროდუქტს ,რომელზეც უმეტესი უფლება ხალხსა აქვს ,ნაკლები ლიდერებს , რადგან მის გამომუშავებაში მრავალი ურთიერთანგარიშვალდებული პარალელური თანაბარუფლებამოვალეობიანი სახალხო ძალა მონაწილეობს და არც დასასჯელი არავინ ხდება,მოკლედ დემოკრატიაა !