თემა, რო­მე­ლიც სა­ქარ­თვე­ლო­ში დრო­დად­რო აქ­ტუ­ა­ლუ­რი ხდე­ბა, აშშ-ის სა­ხელ­მწი­ფო მდივ­ნის, მაიკ პომ­პე­ოს ქვე­ყა­ნა­ში ჩა­მოს­ვლამ­დე უსაფრ­თხო­ე­ბი­სა და სა­გა­რეო პო­ლი­ტი­კის ქარ­თველ­მა ექ­სპერ­ტებ­მა კვლავ წინ წა­მოს­წი­ეს - მათ ღია წე­რილ­ში პომ­პე­ოს სა­ქარ­თვე­ლო­ში აშშ-ის ჯა­რის გან­თავ­სე­ბის თხოვ­ნით მი­მარ­თეს

• რამ­დე­ნად რე­ა­ლუ­რია ამე­რი­კუ­ლი მუდ­მი­ვი სამ­ხედ­რო ყოფ­ნა სა­ქარ­თვე­ლო­ში და რას შეც­ვლი­და ეს ჩვე­ნი ქვეყ­ნის­თვის?

ამ კი­თხვებ­ზე AMBEBI.GE-ს თა­ვად წე­რი­ლის ავ­ტო­რებ­მა უპა­სუ­ხეს.

ფლეტ­ჩე­რის სა­მარ­თლი­სა და დიპ­ლო­მა­ტი­ის სკო­ლის ციფ­რუ­ლი დიპ­ლო­მა­ტი­ის პრაქ­ტი­კო­სის, ზვი­ად აძინ­ბა­ი­ას თქმით, ნე­ბის­მი­ე­რი გო­ნივ­რუ­ლი, პრაგ­მა­ტუ­ლი ინი­ცი­ა­ტი­ვა, რო­მე­ლიც აშშ-ში ამე­რი­კის მო­კავ­ში­რე­ე­ბის­გან მი­დის, რე­ა­ლის­ტუ­რია. რას შეც­ვლი­და აშშ-ის მუდ­მი­ვი ყოფ­ნა სა­ქარ­თვე­ლო­ში? აძინ­ბა­ია აღ­ნიშ­ნავს, რომ ეს სა­ქარ­თვე­ლოს რო­გორც ახლო, ასე­ვე შორ­სმი­მა­ვალ პერ­სპექ­ტი­ვა­ში პრაქ­ტი­კულ სი­კე­თე­ებს მო­უ­ტანს.

"ეს წე­რი­ლი ახლა იმი­ტომ და­ი­წე­რა, რომ უკვე დიდი ხა­ნია, დროა, რომ შე­ერ­თე­ბუ­ლი შტა­ტე­ბის სამ­ხედ­რო ყოფ­ნის შე­სა­ხებ სა­ქარ­თვე­ლომ გა­ა­კე­თოს არა მხო­ლოდ ოფი­ცი­ა­ლუ­რი გა­ნა­ცხა­დი, არა­მედ აწარ­მო­ოს აქ­ტი­უ­რი მუ­შა­ო­ბა რო­გორც სა­მო­ქა­ლა­ქო დო­ნე­ზე, ასე­ვე, ოფი­ცი­ა­ლურ დიპ­ლო­მა­ტი­ურ დო­ნე­ზე. ჩვენ შემ­თხვე­ვა­ში ეს იყო სა­მო­ქა­ლა­ქო დიპ­ლო­მა­ტი­ის ინი­ცი­ა­ტი­ვა. არ აქვს მნიშ­ვნე­ლო­ბა, რო­მე­ლი ად­მი­ნის­ტრა­ცია იქ­ნე­ბა ვა­შინგტონ­ში, სა­ქარ­თვე­ლომ აუ­ცი­ლებ­ლად უნდა ეძი­ოს ყვე­ლა გზა, რომ სა­კუ­თა­რი უსაფრ­თხო­ე­ბა უზ­რუნ­ველ­ჰყოს, გა­ზარ­დოს და გა­ამ­ყა­როს - ზუს­ტად ამ პა­თოსს ემ­ყა­რე­ბო­და წე­რი­ლი, რო­მე­ლიც ვა­შინგტონ­ში ძა­ლი­ან ბევ­რმა სა­მო­ქა­ლა­ქო დიპ­ლო­მატ­მა, ყო­ფილ­მა მა­ღა­ლი რან­გის დიპ­ლო­მატ­მა და მოქ­მედ­მა პო­ლი­ტი­კის, უსაფრ­თხო­ე­ბის წარ­მო­მად­გენ­ლებ­მა გა­აგ­ზავ­ნეს. რა თქმა უნდა, წე­რი­ლი არ არის ერ­თა­დერ­თი ფაქ­ტო­რი, რი­თაც სამ­ხედ­რო ყოფ­ნის გაძ­ლი­ე­რე­ბა ხდე­ბა ამა თუ იმ ქვე­ყა­ნა­ში, მაგ­რამ ეს არის სიგ­ნა­ლი, კარ­გი სა­შუ­ა­ლე­ბა, რომ რო­გორც სა­ჯა­რო დე­ბა­ტი სა­ქარ­თვე­ლო­ში, ასე­ვე პო­ლი­ტი­კუ­რი დე­ბა­ტე­ბი, ძი­რი­თა­დად ვა­შინგტონ­ში და სხვა­გა­ნაც გაძ­ლი­ერ­დეს, გა­აქ­ტი­ურ­დეს და სა­ბო­ლოო ჯამ­ში, მი­ვი­დეს იმ დო­ნემ­დე, რა­საც ამ მი­მარ­თუ­ლე­ბით პო­ლი­ტი­კის შექ­მნა ჰქვია. რამ­დე­ნად რე­ა­ლუ­რი და რე­ა­ლის­ტუ­რია? ნე­ბის­მი­ე­რი გო­ნივ­რუ­ლი, პრაგ­მა­ტუ­ლი ინი­ცი­ა­ტი­ვა, რო­მე­ლიც ამე­რი­კის მო­კავ­ში­რე­ე­ბის­გან მო­დის ამე­რი­კა­ში, აბ­სო­ლუ­ტუ­რად რე­ა­ლის­ტუ­რია. შე­სა­ბა­მი­სად, ამას სა­ქარ­თვე­ლოს მხრი­დან ბევ­რი მუ­შა­ო­ბა უნდა.

ასევე დაგაინტერესებთ

12:24 / 18-11-2020

მაიკ პომპეოს ოფიციალური შეხვედრების პარალელურად, ოპოზიციური პარტიების ლიდერები და მხარდამჭერები რუსთაველის გამზირზე მსვლელობას მართავენ

ეს სა­ქარ­თვე­ლოს რო­გორც ახლო, ასე­ვე შორ­სმი­მა­ვალ პერ­სპექ­ტი­ვა­ში პრაქ­ტი­კულ სი­კე­თე­ებს მო­უ­ტანს. სა­ქარ­თვე­ლოს უსაფრ­თხო­ე­ბა სა­ქარ­თვე­ლოს ეკო­ნო­მი­კუ­რი გან­ვი­თა­რე­ბის, პო­ლი­ტი­კუ­რი სტა­ბი­ლუ­რო­ბის გა­რან­ტია. სამ­წუ­ხა­როდ, არც ეკო­ნო­მი­კუ­რად გან­ვი­თა­რე­ბუ­ლი და არც პო­ლი­ტი­კუ­რად სტა­ბი­ლუ­რი ვართ იმ დო­ნე­ზე, რა დო­ნე­ზეც უნდა ვი­ყოთ. ამი­ტომ, ამას სჭირ­დე­ბა მო­კავ­ში­რის სამ­ხედ­რო ყოფ­ნა, რათა ოკუ­პან­ტის სამ­ხედ­რო ყოფ­ნა არა მხო­ლოდ და­ა­ბა­ლან­სოს, არა­მედ, უკან წა­ა­ღე­ბი­ნოს მათ სა­ო­კუ­პა­ციო ძა­ლე­ბის პო­ლი­ტი­კა. თუ სა­ქარ­თვე­ლო­ში აშშ-ის სამ­ხედ­რო ყოფ­ნა იქ­ნე­ბა, ეს არა მხო­ლოდ გაზ­რდის სა­ქარ­თვე­ლოს უსაფრ­თხო­ე­ბას და აშშ-ის ინ­ტე­რე­სებს, არა­მედ, და­აჩ­ქა­რებს სა­ქარ­თვე­ლოს ნატო-ში ინ­ტეგ­რა­ცი­ას და თქვენ და მე ვი­ცხოვ­რებთ უფრო მშვიდ ქვე­ყა­ნა­ში".

ეკო­ნო­მი­კუ­რი პო­ლი­ტი­კის კვლე­ვის ცენ­ტრის მკვლე­ვა­რი შოთა ღვი­ნე­რია მი­უ­თი­თებს, რომ რუ­სეთს ახლა უკვე რე­გი­ონ­ში, სა­მი­ვე ქვე­ყა­ნა­ში ჰყავს სამ­ხედ­რო ძა­ლე­ბი, რუ­სე­თის კი­დევ უფრო გაძ­ლი­ე­რე­ბა კი ცუ­დად აი­სა­ხე­ბა ქვეყ­ნის უსაფრ­თხო­ე­ბა­ზე, ეროვ­ნულ მიზ­ნებ­სა და ამო­ცა­ნებ­ზე, ამე­რი­კის რე­გი­ონ­ში ყოფ­ნის შე­ნარ­ჩუ­ნე­ბა კი ამ კონ­ტექ­სტში მნიშ­ვნე­ლო­ვა­ნია და რა თქმა უნდა, სა­ქარ­თვე­ლო ამის­თვის ერ­თა­დერ­თი მყა­რი და­საყ­რდე­ნი შე­იძ­ლე­ბა იყოს.

"ჩვენ ვნა­ხეთ, რომ იმ ფონ­ზე, რაც ზო­გა­დად, მსოფ­ლი­ო­ში ხდე­ბა, გან­სა­კუთ­რე­ბით, პან­დე­მი­ის კრი­ზი­სის ფონ­ზე, მა­შინ, რო­დე­საც და­სავ­ლე­თის ზო­გა­დად და კონ­კრე­ტუ­ლად აშშ-ის ყუ­რა­დღე­ბა არის ახლა უფრო შიდა პრობ­ლე­მებ­ზე მი­პყრო­ბი­ლი და ყვე­ლა გა­დარ­თუ­ლია იმა­ზე, თუ რო­გორ უპა­სუ­ხონ ამ გლო­ბა­ლუ­რი პან­დე­მი­ას, რო­გორ მო­ნა­ხონ გა­მო­სა­ვა­ლი ამ ურ­თუ­ლე­სი მდგო­მა­რე­ო­ბი­დან, რუ­სეთ­მა ეს დრო გა­მო­ი­ყე­ნა იმის­თვის, რომ რე­გი­ონ­ში თა­ვი­სი ვიწ­რო მიზ­ნე­ბი გა­ნე­ხორ­ცი­ე­ლე­ბი­ნა. მან შეძ­ლო ის, რომ კავ­კა­სი­ის სა­მი­ვე ქვე­ყა­ნა­ში უკვე ჰყავს სამ­ხედ­რო შე­ი­ა­რა­ღე­ბუ­ლი ძა­ლე­ბი და ამ სამ­ხედ­რო ყოფ­ნის სა­ფუძ­ველ­ზე ახორ­ცი­ე­ლებს ძა­ლი­ან დიდ ზე­წო­ლას მთლი­ა­ნად რე­გი­ონ­სა და რე­გი­ო­ნის ქვეყ­ნებ­ზე. სომ­ხე­თი­სა და აზერ­ბა­ი­ჯა­ნის სა­ზო­გა­დო­ე­ბებ­ზე და მთავ­რო­ბებ­ზე ზე­მოქ­მე­დე­ბის­თვის რუ­სეთ­მა გა­ა­ორ­მა­გა თა­ვი­სი ბერ­კე­ტე­ბი და რა თქმა უნდა, ეს სა­ქარ­თვე­ლო­საც ეხე­ბა - რაც უფრო ძლი­ე­რი იქ­ნე­ბა რე­გი­ონ­ში რუ­სე­თი, ეს პირ­და­პირპრო­პორ­ცი­უ­ლად ცუ­დად აი­სა­ხე­ბა სა­ქარ­თვე­ლოს უსაფრ­თხო­ე­ბა­ზე, ეროვ­ნულ მიზ­ნებ­სა და ამო­ცა­ნებ­ზე.

სა­ხელ­მწი­ფო მდივ­ნის ვი­ზი­ტი შედ­გა, შე­იძ­ლე­ბა ით­ქვას, აბ­სო­ლუ­ტუ­რად სპონ­ტა­ნუ­რად (მის ტურ­ნეს სა­ქარ­თვე­ლო­ში ჩა­მოს­ვლა ბოლო მო­მენ­ტში და­ე­მა­ტა), ისიც მკა­ფი­ოდ გა­მოჩ­ნდა, რომ ამ ვი­ზიტს რა­ღაც კონ­კრე­ტუ­ლი მი­ზა­ნი და ამო­ცა­ნა არ ჰქო­ნია. ის ჩა­მო­ვი­და აქ, რათა კი­დევ ერთხელ და­ე­დას­ტუ­რე­ბი­ნა ის, რომ აშშ არის არა რო­მე­ლი­მე პო­ლი­ტი­კუ­რი ძა­ლის პარტნი­ო­რი ან მხარ­დამ­ჭე­რი სა­ქარ­თვე­ლო­ში, არა­მედ მხარს უჭერს ზო­გა­დად სა­ქარ­თვე­ლოს, ქარ­თველ ხალ­ხსა და სა­ქარ­თვე­ლოს სა­ხელ­მწი­ფოს ეროვ­ნულ ინ­ტე­რე­სებს. აქე­დან გა­მომ­დი­ნა­რე, მკა­ფი­ოდ გა­მოჩ­ნდა, აშშ კარ­გად ხვდე­ბა იმას, რომ ამ რე­გი­ონ­ში ამ­ჟა­მად მიმ­დი­ნა­რე ძა­ლი­ან მკა­ფიო ცვლი­ლე­ბე­ბის, ბა­ლან­სის ცვლი­სა და ინ­ტე­რეს­თა გა­დაჯ­გუ­ფე­ბის პე­რი­ოდ­ში აუ­ცი­ლე­ბე­ლია, აქ აშშ იყოს ჩარ­თუ­ლი, შე­ი­ნარ­ჩუ­ნოს რე­გი­ონ­ში თა­ვი­სი გავ­ლე­ნე­ბი და ინ­ტე­რე­სე­ბი. რა თქმა უნდა, ერ­თა­დერ­თი მყა­რი და­საყ­რდე­ნი რე­გი­ონ­ში მათ­თვის შე­იძ­ლე­ბა სა­ქარ­თვე­ლო იყოს. აქე­დან გა­მომ­დი­ნა­რე, კარ­გი­ცაა და ცუ­დიც ის, რაც რე­გი­ონ­ში მოხ­და: ცუდი იმი­ტომ, რომ გა­ი­ზარ­და რუ­სე­თის გავ­ლე­ნა, კარ­გი იმი­ტომ, რომ ამე­რი­კამ კი­დევ უფრო მკა­ფი­ოდ და­ი­ნა­ხა, რომ სა­ქარ­თვე­ლო ერ­თა­დერ­თი სა­შუ­ა­ლე­ბაა მის­თვის, ამ რე­გი­ონ­ში თა­ვი­სი ინ­ტე­რე­სე­ბის გა­სა­ტა­რებ­ლად რა­ღაც და­საყ­რდე­ნი ჰქონ­დეს.

ამ პი­რო­ბებ­ში, რო­გორ­შიც ჩვენ პომ­პე­ოს დავ­ხვდით, რა თქმა უნდა, რა­ი­მე კონ­კრე­ტულ შე­დე­გებ­ზე ზედ­მე­ტია ლა­პა­რა­კი. ეს გა­მო­რი­ცხუ­ლია, მა­შინ, როცა ამომ­რჩევ­ლე­ბის ნა­ხე­ვა­რი და სრუ­ლი­ად ოპო­ზი­ცია არ აღი­ა­რებს ჩა­ტა­რე­ბუ­ლი არ­ჩევ­ნე­ბის შე­დე­გებს, აქ რა­ღაც სტრა­ტე­გი­ულ გა­და­წყვე­ტი­ლე­ბებ­ზე და დიდი, ახა­ლი ინი­ცი­ა­ტი­ვე­ბის გახ­მა­უ­რე­ბა­ზე ლა­პა­რა­კი ვერ იქ­ნე­ბო­და. ის ჩა­მო­ვი­და, და­ა­ფიქ­სი­რა მხარ­და­ჭე­რა ქვეყ­ნის მი­მართ, და­ა­ფიქ­სი­რა ის, რომ სა­ქარ­თვე­ლო რჩე­ბა ძა­ლი­ან მნიშ­ვნე­ლო­ვან პარტნი­ო­რად ამე­რი­კის­თვის და კი­დევ უფრო მნიშ­ვნე­ლო­ვა­ნი როლი ეკის­რე­ბა ახლა სა­ქარ­თვე­ლოს რე­გი­ონ­ში, რო­გორც ამე­რი­კის პარტნი­ორს... და­ნარ­ჩე­ნი ალ­ბათ შე­საძ­ლე­ბე­ლი გახ­დე­ბა მას შემ­დეგ, რაც ჩვენ თვი­თონ შევ­ძლებთ, რომ ჩვე­ნი პო­ლი­ტი­კუ­რი კრი­ზი­სი და აბ­სო­ლუ­ტუ­რად არე­ულ-და­რე­უ­ლი ვი­თა­რე­ბა რო­გორ­ღაც და­ვა­ლა­გოთ, ამას ჩვენ­თვის ვე­რა­ვინ გა­ა­კე­თებს, ეს ჩვე­ნი საქ­მეა. როცა ქვე­ყა­ნა უკვე მზად იქ­ნე­ბა იმის­თვის, რომ რა­ღაც ლე­გი­ტი­მუ­რი ეროვ­ნუ­ლი ინ­ტე­რე­სე­ბით წარ­დგეს თა­ვი­სი პარტნი­ო­რის წი­ნა­შე, მა­შინ ალ­ბათ, რა­ღაც უფრო სე­რი­ო­ზუ­ლი სა­უ­ბა­რი იქ­ნე­ბა აშშ-სთან“, - აცხა­დებს ღვი­ნე­რია.

მისი თქმით­ვე, ეს ბაზა თუკი გან­თავ­სდე­ბა სა­ქარ­თვე­ლო­ში, მისი ერ­თა­დერ­თი ფუნ­ქცია იქ­ნე­ბა ის, რომ სა­ქარ­თვე­ლოს არა­ო­კუ­პი­რე­ბუ­ლი ნა­წი­ლი და­ცუ­ლი იყოს.

"რუ­სუ­ლი პრო­პა­გან­და ცდი­ლობს, ამე­რი­კუ­ლი ბაზა სა­ქარ­თვე­ლო­ში წარ­მო­ა­ჩი­ნოს, რო­გორც რა­ღაც ნე­გა­ტი­უ­რი ან გა­მა­ღი­ზი­ა­ნე­ბე­ლი, ან საფრ­თხის­შემ­ცვე­ლი ფაქ­ტო­რი რუ­სე­თის ფე­დე­რა­ცი­ის­თვის. რა თქმა უნდა, ეს ასე არ არის და ეს ბაზა თუკი გან­თავ­სდე­ბა სა­ქარ­თვე­ლო­ში, მისი ერ­თა­დერ­თი ფუნ­ქცია იქ­ნე­ბა ის, რომ სა­ქარ­თვე­ლოს არა­ო­კუ­პი­რე­ბუ­ლი ნა­წი­ლი და­ცუ­ლი იყოს და რუ­სეთ­მა ვე­ღარ შეძ­ლოს, და­მა­ტე­ბით კი­დევ ისე­თი მნიშ­ვნე­ლო­ვა­ნი უსაფრ­თხო­ე­ბის პრობ­ლე­მე­ბი შეგ­ვიქ­მნას, რო­გორ­საც მუდ­მი­ვად, ყო­ველ­დღი­ურ რე­ჟიმ­ში გვიქ­მნის ამ ბორ­დე­რი­ზა­ცი­ით, ხალ­ხის გა­ტა­ცე­ბით, რა­ღაც ახალ-ახა­ლი და­მუქ­რე­ბე­ბით, სხვა­დას­ხვა რე­გი­ონ­ში სი­ტუ­ა­ცი­ის არე­ვით და ა.შ. ანუ ამე­რი­კის სამ­ხედ­რო ყოფ­ნა სა­ქარ­თვე­ლო­ში იქ­ნე­ბა გა­რან­ტია იმის, რომ აშშ სე­რი­ო­ზუ­ლად ეკი­დე­ბა სა­ქარ­თვე­ლოს უსაფრ­თხო­ე­ბას და არ და­უშ­ვებს იმას, რომ რუ­სეთ­მა გა­ნაგ­რძოს ჩვე­ნი ეროვ­ნუ­ლი უსაფრ­თხო­ე­ბის და­ზი­ა­ნე­ბა; არ და­უშ­ვებს, რომ რუ­სეთ­მა რა­ღაც კონ­კრე­ტუ­ლი მძაფ­რი მკა­ფიო ნა­ბი­ჯე­ბი გა­დად­გას იმის­თვის, რომ კი­დევ უფრო გა­უ­ა­რეს­დეს ჩვე­ნი უსაფრ­თხო­ე­ბა. აქე­დან გა­მომ­დი­ნა­რე, ეს აბ­სო­ლუ­ტუ­რად თავ­დაც­ვი­თი, პრე­ვენ­ცი­უ­ლი ხა­სი­ა­თის აქ­ტია, რო­მე­ლიც მი­მარ­თუ­ლია საფრ­თხე­ე­ბის შე­ჩე­რე­ბის­კენ და არა - ვი­ღა­ცის გა­ღი­ზი­ა­ნე­ბის­კენ, პრო­ვო­ცი­რე­ბის­კენ ან ახა­ლი საფრ­თხე­ე­ბის წარ­მოქ­მნის­კენ. ასე­ვე, ნატო-ში გა­წევ­რე­ბის მი­მარ­თუ­ლე­ბით ეს ერთ-ერთი უმ­თავ­რე­სი და ყვე­ლა­ზე მნიშ­ვნე­ლო­ვა­ნი ნა­ბი­ჯი იქ­ნე­ბა. მო­გეხ­სე­ნე­ბათ, ნატო-ში არი­ან ქვეყ­ნე­ბი, რომ­ლე­ბიც არ არი­ან დარ­წმუ­ნე­ბუ­ლი იმა­ში, რომ სა­ქარ­თვე­ლო საკ­მა­რი­სად სტა­ბი­ლუ­რი და და­ცუ­ლია იმის­თვის, რომ ევ­რო­ატ­ლან­ტი­კუ­რი სივ­რცის უსაფრ­თხო­ე­ბა­ში მის­მა ალი­ან­სში მიწ­ვე­ვამ რა­ი­მე და­დე­ბი­თი როლი ითა­მა­შოს. რო­დე­საც ეს პრობ­ლე­მა უკვე გა­დაჭ­რი­ლი იქ­ნე­ბა იქი­დან გა­მომ­დი­ნა­რე, რომ აშშ-ის სამ­ხედ­რო ყოფ­ნა მარ­თლაც ძა­ლი­ან მტკი­ცე უსაფრ­თხო­ე­ბის გა­რან­ტი­აა, ნატო-ს სხვა წევ­რი სა­ხელ­მწი­ფო­ე­ბის­თვი­საც ბევ­რად უფრო ად­ვი­ლი გახ­დე­ბა სა­ქარ­თვე­ლოს­თან მი­მარ­თე­ბა­ში პო­ლი­ტი­კუ­რი გა­და­წყვე­ტი­ლე­ბის მი­ღე­ბა.

ამე­რი­კუ­ლი ბა­ზე­ბის აქ გან­თავ­სე­ბა კარ­გი იქ­ნე­ბა ასე­ვე ინ­ვეს­ტი­ცი­ე­ბის­თვის, რად­გან რუ­სე­თის შე­მოჭ­რის, თბი­ლი­სის ოკუ­პა­ცი­ის და ომის და­წყე­ბის საფრ­თხე რომ აღარ იქ­ნე­ბა, ეს ინ­ვეს­ტი­ცი­ებ­საც წა­ა­ხა­ლი­სებს - თუ ვი­ღაც სა­ქარ­თვე­ლო­ში სტრა­ტე­გი­უ­ლი ინ­ვეს­ტი­ცი­ის ჩა­დე­ბას აპი­რებს, რა თქმა უნდა, ამის პირ­ვე­ლი შე­მა­ფერ­ხე­ბე­ლი ისაა, რომ ხვალ რომ რუ­სე­თი შე­მო­ვარ­დეს კი­დევ, ისე­ვე, რო­გორც 2008-ში შე­მო­ვარ­და, ამ­ხე­ლა ფული შე­იძ­ლე­ბა, ჰა­ერ­ში გა­მო­ე­კი­დოს. აქე­დან გა­მომ­დი­ნა­რე, ქვეყ­ნის გან­ვი­თა­რე­ბის ყვე­ლა მი­მარ­თუ­ლე­ბა უსაფრ­თხო­ე­ბა­ზეა და­მო­კი­დე­ბუ­ლი - უსაფრ­თხო­ე­ბა ყვე­ლა­ფე­რი არაა, თუმ­ცა უსაფრ­თხო­ე­ბის გა­რე­შე ყვე­ლა­ფე­რი არა­ფე­რია. ამის გა­რე­შე ვერც ერთი მი­მარ­თუ­ლე­ბა ქვე­ყა­ნა­ში ვერ გან­ვი­თარ­დე­ბა“, - აღ­ნიშ­ნავს ღვი­ნე­რია.

ასეა თუ ისე, ექ­სპერ­ტე­ბი აღ­ნიშ­ნა­ვენ, რომ იქ­ნე­ბა ეს ამე­რი­კუ­ლი ბა­ზე­ბი სა­ქარ­თვე­ლო­ში, ნატო-ში გა­წევ­რე­ბის სა­კი­თხი თუ ორი­ვე, ამით სა­ქარ­თვე­ლოს ჩრდი­ლო­ე­ლი მე­ზობ­ლის­გან უფრო მეტი საფრ­თხე არ შე­იძ­ლე­ბა, და­ე­მუქ­როს - ალ­ბათ სწო­რედ ესაა ერთ-ერთი ის სა­კი­თხი, რა­ზეც სამ­წუ­ხა­როდ, ქვე­ყა­ნა­ში აზ­რთა სხვა­დას­ხვა­ო­ბაა, რაც სა­გა­რეო მი­მარ­თუ­ლე­ბით მნიშ­ვნე­ლო­ვა­ნი შე­მა­ფარ­ხე­ბე­ლი ფაქ­ტო­რია.

"უფრო მეტი საფრ­თხე რა შე­იძ­ლე­ბა, ვიდ­რე ახ­ლაა? ჩვე­ნი ტე­რი­ტო­რი­ე­ბი არის წა­გ­ლე­ჯი­ლი, ჩვენს მო­ქა­ლა­ქე­ებს იტა­ცე­ბენ, თქვენ და მე ვერ ვბრუნ­დე­ბით სახ­ლში. უფრო მეტ საფრ­თხეს რაში ვხე­დავთ, ვერ გა­ვი­გე, ამ საფრ­თხე­ე­ბის აღ­მო­სა­ფხვრე­ლად კეთ­დე­ბა ეს ყვე­ლა­ფე­რი, სხვა­ნა­ი­რად ჩვე­ნი შეჭ­მა უნდა რუ­სეთს“, - ამ­ბობს ამ სა­კი­თხზე ზვი­ად აძინ­ბა­ია.