სა­ქარ­თვე­ლო­ში ბოლო 24 სა­ა­თის გან­მავ­ლო­ბა­ში კო­რო­ნა­ვირუ­სი 3697 ადა­მი­ანს და­უ­დას­ტურ­და, გარ­დაც­ვლილ­თა რი­ცხვი კი დღე-ღა­მე­ში 38-ია. დღეს­დღე­ო­ბით, ქვე­ყა­ნა­ში სულ გა­მოვ­ლე­ნი­ლი Covid 19-ის და­დას­ტუ­რე­ბუ­ლი შემ­თხვე­ვე­ბის სა­ერ­თო რა­ო­დე­ნო­ბა 93 092-ს შე­ად­გენს, რაც მცი­რე­რი­ცხო­ვა­ნი ერის­თვის კა­ტას­ტრო­ფუ­ლი მაჩ­ვე­ნე­ბე­ლია. და­ინ­ფი­ცი­რე­ბულ­თა შო­რის 5000-მდე მედ­პერ­სო­ნა­ლია, რაც კი­დევ უფრო ამ­წვა­ვებს სი­ტუ­ა­ცი­ას.

ჩვენ­და სამ­წუ­ხა­როდ, სა­ქარ­თვე­ლომ კო­ვი­დინ­ფი­ცი­რე­ბუ­ლე­ბის რი­ცხვით ჩი­ნეთ­საც კი გა­და­უს­წრო, სა­დაც ჯამ­ში კო­რო­ნა­ვირუ­სის 88 669 შემ­თხვე­ვაა და­დას­ტუ­რე­ბუ­ლი. იმა­ში, რომ ამ სა­ში­ნელ გა­მოწ­ვე­ვას თავს ვერ ვარ­თმევთ, გარ­კვე­ულ­წი­ლად, ყვე­ლას თა­ვი­სი წილი პა­სუ­ხის­მგებ­ლო­ბა აქვს - ხე­ლი­სუფ­ლე­ბა იქ­ნე­ბა, ოპო­ზი­ცია, ჯან­დაც­ვის სის­ტე­მა თუ სა­ზო­გა­დო­ე­ბა. ფაქ­ტი კი ისაა, რომ სი­ტუ­ა­ცია ხე­ლი­დან გაქ­ცე­უ­ლია, ჭირს კრი­ზი­სის მარ­თვა, უხი­ლა­ვი მტე­რი კი თა­ვი­სას შვრე­ბა და არ გვინ­დობს.

პო­ლი­ტო­ლოგ გია ხუ­ხაშ­ვი­ლის აზ­რით, შექ­მნილ ვი­თა­რე­ბა­ზე, ყვე­ლა შემ­თხვე­ვა­ში, ხე­ლი­სუფ­ლე­ბაა პა­სუ­ხის­მგე­ბე­ლი, რო­მე­ლიც მიხ­ვდა, რომ არ შე­უძ­ლია კრი­ზი­სის მარ­თვა, თვა­ლე­ბი და­ხუ­ჭა, სი­რაქ­ლე­მას პო­ზა­ში ჩად­გა და ცდი­ლობს ხე­ლე­ბი და­ი­ბა­ნოს.

"ვფიქ­რობ, რომ კა­ნონ­შიც წე­რია და კონ­სტი­ტუ­ცი­ი­თაც გან­სა­ზღვრუ­ლია, რომ ჩვენ ხე­ლი­სუფ­ლე­ბას ვქი­რა­ობთ იმი­ტომ, რომ და­იც­ვას თა­ვი­სი მო­ქა­ლა­ქე­ე­ბის ძი­რი­თა­დი ფუნ­და­მენ­ტუ­რი უფ­ლე­ბე­ბი - სი­ცო­ცხლის უფ­ლე­ბა, ჯან­მრთე­ლო­ბის უფ­ლე­ბა, კე­თილ­დღე­ო­ბა და ა.შ. ასე რომ, ამ შემ­თხვე­ვა­ში, ბუ­ნებ­რი­ვია, ვისი პა­სუ­ხის­მგებ­ლო­ბაა შექ­მნი­ლი სი­ტუ­ა­ცია. ვინ და რა რისკ-ფაქ­ტო­რე­ბი ზე­მოქ­მე­დებს ამ ყვე­ლა­ფერ­ზე, ეს ცალ­კე სა­კი­თხია, თუმ­ცა წილი სხვა ფაქ­ტო­რე­ბი­სა, შე­იძ­ლე­ბა ით­ქვას მი­ნი­მა­ლუ­რია, მათ შო­რის - ოპო­ზი­ცი­ის. ოპო­ზი­ცი­ის ქმე­დე­ბებ­ზეც, თქვენ წარ­მო­იდ­გი­ნეთ, სა­ბო­ლოო ჯამ­ში, მა­ინც ხე­ლი­სუფ­ლე­ბაა პა­სუ­ხის­მგე­ბე­ლი. ოპო­ზი­ცი­ის პა­სუ­ხის­მგებ­ლო­ბა სხვა ტი­პის პა­სუ­ხის­მგებ­ლო­ბაა. ხე­ლი­სუფ­ლე­ბა თუ თვლის, რომ რა­ღაც ექ­სტრე­მა­ლუ­რი ღო­ნის­ძი­ე­ბე­ბი უნდა გა­ა­ტა­როს, მან უნდა გა­ა­ტა­როს და უზ­რუნ­ველ­ყოს ამ ღო­ნის­ძი­ე­ბე­ბის გა­ტა­რე­ბა. ცეს­კოს­თან რომ მი­ვიდ­ნენ, ხომ მი­ას­ხეს წყა­ლი? მაგ­რამ თვი­თონ ხე­ლი­სუფ­ლე­ბა არ თვლის ასე, არ აცხა­დებს “ლო­ქ­და­უნს” და ამ­ბობს, რომ ცხოვ­რე­ბა მშვე­ნი­ე­რია. ანუ ხე­ლი­სუფ­ლე­ბის გან­წყო­ბა­შიც და მოქ­მე­დე­ბა­შიც არ იგ­რძნო­ბა ის, რომ ვი­თა­რე­ბა არის ექ­სტრე­მა­ლუ­რი. შე­სა­ბა­მი­სად, ასეთ ვი­თა­რე­ბა­ში რა უნდა მო­თხო­ვო ოპო­ზი­ცი­ას?

ასევე დაგაინტერესებთ

10:28 / 18-11-2020

კორონავირუსის გამოსავლენი ხელსაწყო, რომლის გამოყენებაც სახლი პირობებშია შესაძლებელი - აშშ-მა მისი გამოყენება დაუშვა

12:04 / 18-11-2020

საქართველომ კორონავირუსით ინფიცირებულთა საერთო რაოდენობით ჩინეთს გადაასწრო - როგორია კორონავირუსის ბოლოდროინდელი სტატისტიკა გლობალური მასშტაბით

ვფიქ­რობ, ხე­ლი­სუფ­ლე­ბა მიხ­ვდა, რომ არ შე­უძ­ლია ამ ყვე­ლაფ­რის მარ­თვა და უბ­რა­ლოდ, თვა­ლე­ბი და­ხუ­ჭა, სი­რაქ­ლე­მას პო­ზა­ში ჩად­გა და ცდი­ლობს ხე­ლე­ბი და­ი­ბა­ნოს. მას უხა­რის­ხო მცდე­ლო­ბე­ბიც აქვს, რომ ყვე­ლა­ფე­რი ოპო­ზი­ცი­ას და­აბ­რა­ლოს, სა­ერ­თო გლო­ბა­ლურ პრობ­ლე­მა­ზე ჩა­მო­წე­როს და ა.შ. ხე­ლი­სუფ­ლე­ბა გვი­მა­ლავს მარ­ტივ სტა­ტის­ტი­კას, რომ მი­ლი­ონ მო­სახ­ლე­ზე გა­და­ან­გა­რი­შე­ბით, ჩვენ დღეს ჩემ­პი­ო­ნე­ბი ვართ - ასე­თი რა­ო­დე­ნო­ბის ინ­ფი­ცი­რე­ბა და ასე­თი შე­მაშ­ფო­თე­ბე­ლი სტა­ტის­ტი­კა, რაც დღეს სა­ქარ­თვე­ლო­შია, მი­უ­ხე­და­ვად იმი­სა, რომ ევ­რო­პა­ში საკ­მა­ოდ მძი­მე მდგო­მა­რე­ო­ბაა, პრაქ­ტი­კუ­ლად, არ­სად არის. იქ ბევ­რგან “ლო­ქ­და­უ­ნია”, მათ შო­რის რე­გი­ო­ნუ­ლი ჩა­კეტვის მე­ქა­ნიზ­მე­ბია, ჩვენ­თან ამას არ იყე­ნე­ბენ.

დღემ­დე არ ვი­ცით, რა რე­სურ­სი გვაქვს ჯან­დაც­ვის სის­ტე­მა­ში, საკ­მა­ოდ პრობ­ლე­მა­ტუ­რად მუ­შა­ობს იგი­ვე ცხე­ლი ხაზი, მათ შო­რის, და­ა­ვა­დე­ბუ­ლებ­საც უწევთ რიგ­ში დგო­მა იმი­სათ­ვის, რომ ელე­მენ­ტა­რუ­ლად, ტეს­ტი აი­ღონ, მკურ­ნა­ლო­ბა­ზე სა­ერ­თოდ ლა­პა­რა­კი არ არის. ხე­ლი­სუფ­ლე­ბას და ჯან­დაც­ვის სის­ტე­მას ძა­ლი­ან უჭირთ, ვერ მარ­თა­ვენ სი­ტუ­ა­ცი­ას. ხე­ლი­სუფ­ლე­ბამ, რო­გორც კარ­გმა კრი­ზის-მე­ნე­ჯერ­მა, მთა­ვა­რი დი­ვი­დენ­დი პირ­ველ ტალ­ღას­თან და­კავ­ში­რე­ბით მო­ი­პო­ვა. ახლა ამ მი­მარ­თუ­ლე­ბით კა­ტას­ტრო­ფულ შე­დე­გებს აჩ­ვე­ნე­ბენ.

პან­დე­მია კი­დევ უფრო თუ გავ­რცელ­და, ეკო­ნო­მი­კაც უკან მოგ­ვრჩე­ბა. კო­ლაფ­სი თუ დად­გა, ის დად­გე­ბა ეკო­ნო­მი­კა­შიც. ასე რომ, სი­სუ­ლე­ლეა ის არ­გუ­მენ­ტი, რომ ეკო­ნო­მი­კა ვერ გა­უძ­ლებს და ჩა­მო­ინ­გრე­ვა. შენ თუ თვლი, რომ ადა­მი­ა­ნე­ბის სი­ცო­ცხლის უზ­რუნ­ველ­სა­ყო­ფად რა­ღაც ზო­მე­ბის გა­ტა­რე­ბა გჭირ­დე­ბა, მაგ­რამ არ ატა­რებ და ეკო­ნო­მი­კუ­რი ინ­ტე­რე­სე­ბი­დან გა­მო­დი­ხარ, სა­ბო­ლოო ჯამ­ში, აღარც ცო­ცხა­ლი ადა­მი­ა­ნე­ბი გე­ყო­ლე­ბა და აღარც ეკო­ნო­მი­კა გექ­ნე­ბა.

ეს არის აბ­სო­ლუ­ტუ­რად მცდა­რი და და­ნა­შა­უ­ლებ­რი­ვი ლო­გი­კა, სი­მარ­თლე გი­თხრათ, ამას კა­ტე­გო­რი­უ­ლად არ ვი­ზი­ა­რებ. ჩვენ სის­ტე­მურ "ლო­ქ­და­უნ­ზე" ხომ არ ვლა­პა­რა­კობთ? აქ ლო­კა­ლურ ჩა­კეტვებ­ზეა სა­უ­ბა­რი, არაა აუ­ცი­ლე­ბე­ლი მთე­ლი ქვე­ყა­ნა გა­ა­ჩე­რო ერ­თბა­შად, არა­მედ შე­და­რე­ბით მძი­მე ზო­ნე­ბი. მა­გა­ლი­თად, რა­ჭის ჩა­კეტ­ვას ხომ არა­ვინ გთხოვს, მაგ­რამ სა­დაც სტა­ტის­ტი­კა მძი­მე გაქვს, იქ რა­ღაც პე­რი­ო­დი უნდა ჩა­კე­ტო, ანუ რე­გი­ო­ნუ­ლი პრინ­ცი­პით იმოქ­მე­დო და ეს ახლა კი არა, მა­შინ უნდა გა­ე­კე­თე­ბი­ნათ, როცა აჭა­რა­ში და­ი­წყო პრო­ცე­სი. გე­ოგ­რა­ფი­უ­ლად რომ შევ­ხე­დოთ, იქი­დან წა­მო­ვი­და ეს ყვე­ლა­ფე­რი. აჭა­რა რომ სა­თა­ნა­დო დო­ნე­ზე ჩა­ე­კე­ტათ 15 სექ­ტემ­ბრის­თვის, რო­დე­საც ტუ­რის­ტუ­ლი სე­ზო­ნი პრაქ­ტი­კუ­ლად მი­ნავ­ლე­ბუ­ლი და დას­რუ­ლე­ბუ­ლი იყო, შე­იძ­ლე­ბა ასე­თი მძი­მე შე­დე­გი არ მიგ­ვე­ღო. მისი იზო­ლი­რე­ბა უნდა მომ­ხდა­რი­ყო და­ნარ­ჩე­ნი სა­ქარ­თვე­ლო­დან, რომ მერე გე­ოგ­რა­ფი­უ­ლად არ წა­მო­სუ­ლი­ყო ჯერ იმე­რეთ­ში, შემ­დეგ - თბი­ლის­ში, რაც ინ­ტენ­სი­უ­რი მიგ­რა­ცი­ის ფონ­ზე მო­სა­ლოდ­ნე­ლი იყო. ოპო­ზი­ცი­ის უპა­სუ­ხის­მგებ­ლო­ბა იმა­შია, რომ მი­ტინ­გებს აწყობს, ეს გა­ვი­გეთ, მაგ­რამ ესეც ხე­ლი­სუფ­ლე­ბის პრობ­ლე­მაა - სა­მარ­თლი­ა­ნო­ბა თუ არ არის, ხალ­ხი ქუ­ჩა­ში გა­მო­დის იმი­ტომ, რომ არ­სე­ბობს კი­დევ სხვა ფა­სე­უ­ლო­ბე­ბი. არ ვა­მარ­თლებ პან­დე­მი­ის დროს მა­სობ­რივ თავ­შეყ­რას, მით უმე­ტეს, პირ­ბა­დე­ე­ბის გა­რე­შე როცა არი­ან და არ იცა­ვენ სო­ცი­ა­ლუ­რი დის­ტან­ცი­რე­ბის წე­სებს, ეს ოპო­ზი­ცი­ის პა­სუ­ხის­მგებ­ლო­ბის ზო­ნაა, მაგ­რამ მეტ­წი­ლად - ხე­ლი­სუფ­ლე­ბი­სა. ამ ეტაპ­ზე ისეა გაქ­ცე­უ­ლი სი­ტუ­ა­ცია, მეტს ვე­რა­ფერს ვი­ტყვი.

უნდა ით­ქვს, რომ ამ ყვე­ლა­ფერ­ში თა­ვი­სი წილი პა­სუ­ხის­მგებ­ლო­ბა აქვს სა­ზო­გა­დო­ე­ბას, რო­მე­ლის ნა­წი­ლი დღემ­დე ვერ აც­ნო­ბი­ე­რებს პან­დე­მი­ის მთელ სიმ­ძი­მეს და თავ­ყრი­ლო­ბებს მა­ინც მარ­თავს.

ვახ­ტანგ კა­ლო­ი­ა­ნი, „ნიუ ჰოს­პი­ტა­ლის“ კრი­ტი­კუ­ლი მე­დი­ცი­ნის დე­პარ­ტა­მენ­ტის დი­რექ­ტო­რი, ანეს­თე­ზი­ო­ლოგ-რე­ა­ნი­მა­ტო­ლო­გი ambebi.ge -სთან სა­უ­ბარ­ში აღ­ნიშ­ნავს, რომ სი­ტუ­ა­ცია ცალ­სა­ხად გაქ­ცე­უ­ლია, სა­მე­დი­ცი­ნო სის­ტე­მა მთლად ვერ არის მზად გა­მოწ­ვე­ვის­თვის და რა­ო­დე­ნო­ბის კონ­ტრო­ლი მხო­ლოდ შემ­ზღუ­და­ვი ღო­ნის­ძი­ე­ბე­ბის მო­მა­ტე­ბით არის შე­საძ­ლე­ბე­ლი.

"ეს არის შიდა მა­სი­უ­რი გავ­რცე­ლე­ბა და ამ ყვე­ლაფ­რის თა­ვი­დან აცი­ლე­ბა იყო შე­უძ­ლე­ბე­ლი, ადრე თუ გვი­ან, გავ­რცე­ლე­ბა გვექ­ნე­ბო­და. მი­უ­ხე­და­ვად ჩემი კრი­ტი­კუ­ლი და­მო­კი­დე­ბუ­ლე­ბი­სა ხე­ლი­სუფ­ლე­ბის მი­მართ, მისი პირ­და­პირ და­და­ნა­შა­უ­ლე­ბა იმა­ში, თუ რა­ტომ გვაქვს ამ­ხე­ლა ციფ­რე­ბი, ჩემი აზ­რით, მთლად სა­მარ­თლი­ა­ნი არ იქ­ნე­ბა. ამ მო­სა­ლოდ­ნელ რა­ო­დე­ნო­ბა­ზე დიდი ხნის წინ ვაფრ­თხი­ლებ­დით ყვე­ლას და ხე­ლი­სუფ­ლე­ბის ბრა­ლი იმა­ში მდგო­მა­რე­ობს, რომ მთე­ლი სიმ­ძაფ­რე და რა­ო­დე­ნო­ბა ვერ ჰქონ­და პროგ­ნო­ზი­რე­ბუ­ლი და მე­ო­რე ტალ­ღას სის­ტე­მა მო­უმ­ზა­დე­ბე­ლი დახ­ვდა (ეს გი­ორ­გი გა­ხა­რი­ა­მაც აღი­ა­რა ერთ-ერთ პრეს­კონ­ფე­რენ­ცი­ა­ზე). მათ უზარ­მა­ზა­რი დრო და რე­სურ­სი ჰქონ­დათ და ჩემი აზ­რით, სე­რი­ო­ზუ­ლად არ აღიქ­ვეს, რას­თან გვქონ­და საქ­მე.

ჩვენ როცა მო­სა­ლოდ­ნელ საფრ­თხე­ზე ვლა­პა­რა­კობ­დით, სულ იმას ამ­ბობ­დნენ - არ იქ­ნე­ბა ამ­დე­ნი, ნუ პა­ნი­კობთ, ვირუ­სი მკვლე­ლი არ არის. კა­რის ექი­მე­ბი გა­მო­დი­ოდ­ნენ ფრა­ზე­ბით - ვირუს­მა გა­და­ი­რა, ყვე­ლა­ფე­რი კარ­გად არის, ვირუს­მა სიმ­ძაფ­რე და­კარ­გა და ა.შ. ჩემი აზ­რით, ეს არის ხე­ლი­სუფ­ლე­ბის პა­სუ­ხის­მგებ­ლო­ბა, მომ­ზა­დე­ბუ­ლი რომ არ დახ­ვდა ამას, თო­რემ იმას ხომ ვერ და­ვაბ­რა­ლებთ, ვირუ­სი რა­ტომ გავ­რცელ­და? - ეს ადრე თუ გვი­ან მოხ­დე­ბო­და, ამას თა­ვი­დან ვერ აი­ცი­ლებ­დი და იმის სა­შუ­ა­ლე­ბა, რომ ზო­მი­ე­რად გა­ავ­რცე­ლო და მა­სი­უ­რად - არა, ეს რთუ­ლი შე­სას­რუ­ლე­ბე­ლია. სი­ტუ­ა­ცია ცალ­სა­ხად გა­ექ­ცათ და რა­ო­დე­ნო­ბის კონ­ტრო­ლი შე­საძ­ლე­ბე­ლია მხო­ლოდ შემ­ზღუ­და­ვი ღო­ნის­ძი­ე­ბე­ბის მო­მა­ტე­ბით.

ეს გა­და­წყვე­ტი­ლე­ბა ად­რეც უნდა ყო­ფი­ლი­ყო მი­ღე­ბუ­ლი და გარ­კვე­უ­ლი შე­ზღუდ­ვე­ბის და­წე­სე­ბა ახ­ლაც აუ­ცი­ლე­ბე­ლია, ოღონდ, ამას უნდა ჰქონ­დეს ძა­ლი­ან ტარ­გე­ტი­რე­ბუ­ლი ხა­სი­ა­თი - არ შე­იძ­ლე­ბა ეს იყოს მა­სი­უ­რი, მაგ­რამ გარ­კვე­უ­ლი მო­ბი­ლო­ბის დაგ­დე­ბა აუ­ცი­ლე­ბე­ლია იმი­ტომ, რომ სამ­წუ­ხა­როდ, სა­მე­დი­ცი­ნო სის­ტე­მა მთლად ვერ არის მზად გა­მოწ­ვე­ვის­თვის. ელე­მენ­ტა­რუ­ლი რა­ღა­ცე­ე­ბი არ არის წეს­რიგ­ში - ცხე­ლი ხაზს ვერ უკავ­შირ­დე­ბი­ან, სას­წრა­ფო ვერ მი­დის ად­გი­ლამ­დე და სხვა, უზარ­მა­ზა­რი პრობ­ლე­მე­ბია...

ძა­ლი­ან რთუ­ლია ამ კრი­ზი­სის მარ­თვა და ჩემი აზ­რით, ახლა რა­ღა­ცა შემ­ზღუ­და­ვი ღო­ნის­ძი­ე­ბა უნდა გა­ი­ზარ­დოს, ცოტა რომ ამო­ი­სუნ­თქოს სის­ტე­მამ. ახლა მა­ინც გა­ა­ტა­რონ რა­ღა­ცა სა­ხის ღო­ნის­ძი­ე­ბე­ბი, რომ ოდ­ნავ შერ­ბილ­დეს სი­ტუ­ა­ცია. სხვა­დას­ხვა კომ­პე­ტენ­ტუ­რი ორ­გა­ნი­ზა­ცი­ე­ბი ით­ვლი­ან ამას და, სა­ვა­რა­უ­დოდ, პიკი დე­კემ­ბრის მე­ო­რე ნა­ხე­ვარ­ში იქ­ნე­ბა. ეს და­მო­კი­დე­ბუ­ლია იმა­ზე, იქ­ნე­ბა თუ არა გარ­კვე­უ­ლი შე­ზღუდ­ვე­ბი. ასე­თი მცი­რე­რი­ცხო­ვა­ნი ერის­თვის ეს რა­ო­დე­ნო­ბა კა­ტას­ტრო­ფაა, დღე­ში 40 კა­ცის გარ­დაც­ვა­ლე­ბა სა­ში­ნე­ლე­ბაა.

პა­სუ­ხის­მგებ­ლო­ბა, ცალ­სა­ხად, ორ­მხრი­ვია - რო­გორც ხე­ლი­სუფ­ლე­ბის, ისე - ოპო­ზი­ცი­ის. თვი­თონ არ­ჩევ­ნე­ბის ჩა­ტა­რე­ბაც გარ­კვე­ულ რის­კებ­თან იყო და­კავ­ში­რე­ბუ­ლი და ამის პროგ­ნო­ზი­რე­ბა უნდა მომ­ხდა­რი­ყო.

სამ­წუ­ხა­როდ, არ მოხ­და და შე­სა­ბა­მის­მა ორ­გა­ნო­ებ­მა ამის გა­კე­თე­ბა ვერ შეძ­ლეს. რა თქმა უნდა, პა­სუ­ხის­მგებ­ლო­ბა ორი­ვეს ეკის­რე­ბა - ხე­ლი­სუფ­ლე­ბა­საც და ოპო­ზი­ცი­ა­საც იმ თვალ­საზ­რი­სით, რომ ყვე­ლა სა­ხის მა­სი­უ­რი შეკ­რე­ბა ისე­ვე, რო­გორც ამ შეკ­რე­ბის ცივი წყლით დაშ­ლა, არის ძა­ლი­ან ცუდი და სა­ხი­ფა­თო. რა­საკ­ვირ­ვე­ლია, მო­სა­ლოდ­ნე­ლია, რომ ამან ინ­ფი­ცი­რე­ბულ­თა რი­ცხვი გა­ზარ­დოს. გა­მო­სავ­ლად ის მი­მაჩ­ნია, რომ სის­ტე­მუ­რი ცვლი­ლე­ბე­ბია სწრა­ფად გა­სა­ტა­რე­ბე­ლი, თვი­თონ მარ­თვის პრინ­ცი­პე­ბია შე­საც­ვლე­ლი:

1. უნდა მოხ­დეს ყვე­ლა ალ­ტერ­ნა­ტი­უ­ლი აზ­რის გათ­ვა­ლის­წი­ნე­ბა და ვი­თა­რე­ბის რე­ა­ლუ­რი შე­ფა­სე­ბა, არა - სი­რაქ­ლე­მას პო­ზა­ში ყოფ­ნა.

2. უნდა მოხ­დეს სწო­რი კო­მუ­ნი­კა­ცია სა­ზო­გა­დო­ე­ბას­თან.

3. უნდა მოხ­დეს სა­მე­დი­ცი­ნო სის­ტე­მის ძა­ლი­ან მნიშ­ვნე­ლო­ვა­ნი გა­დამ­ზა­დე­ბა, სტან­დარ­ტი­ზა­ცია, იყოს მუდ­მი­ვი წრთვნა, მუდ­მი­ვი ზრუნ­ვა აღ­ჭურ­ვა­ზე (ჩვენ ისე შევ­ხვდით ამ ეტაპს, რომ სა­მე­დი­ცი­ნო და­წე­სე­ბუ­ლე­ბებს დღე­საც არ აქვს გარ­კვე­უ­ლი აღ­ჭურ­ვი­ლო­ბა. შე­სა­ბა­მი­სად, ეს ხი­ფა­თის ქვეშ აყე­ნებს მო­ქა­ლა­ქე­ებს).

მარ­თა­ლია, თა­ვის დრო­ზე აჭა­რის და­კეტ­ვა შე­ამ­ცი­რებ­და რის­კებს, თუმ­ცა სრუ­ლი ჩა­კეტ­ვა გა­და­ა­ვა­დებ­და იმ პრობ­ლე­მას, რას­თა­ნაც ახლა გვაქვს საქ­მე. ჩვენ თუ შე­სა­ბა­მის ნა­ბი­ჯებს არ გა­დავ­დგამთ, ჩავ­კე­ტავთ, მერე გავ­ხსნით და ისევ იმა­ვე პრობ­ლე­მის წი­ნა­შე დავ­დგე­ბით. ამი­ტომ სრუ­ლი ჩა­კეტ­ვა გა­მო­სა­ვა­ლი არ არის, თუმ­ცა მო­ბი­ლო­ბის შემ­ცი­რე­ბა აუ­ცი­ლე­ბე­ლია.

სა­მე­დი­ცი­ნო სის­ტე­მა ვახ­სე­ნე და, მან მა­შინ და­უშ­ვა შეც­დო­მა, როცა თა­ვის დრო­ზე ჰოს­პი­ტა­ლუ­რი სა­წო­ლე­ბი არ იყო მო­ბი­ლი­ზე­ბუ­ლი, არ იყო გა­წე­რი­ლი გეგ­მა, არ იყო სპე­ცი­ა­ლის­ტე­ბის მო­ბი­ლი­ზა­ცი­ის გეგ­მა, არც სტან­დარ­ტი­ზე­ბუ­ლი პროკ­ლი­ნი­კუ­რი პრო­ცე­სი, არ იყო კლი­ნი­კე­ბი აღ­ჭურ­ვი­ლი, შე­სა­ბა­მი­სად, თუნ­დაც დაც­ვის სა­შუ­ა­ლე­ბე­ბით უზ­რუნ­ველ­ყო­ფი­ლი...

5000 სა­მე­დი­ცი­ნო პერ­სო­ნა­ლი გვყავს ინ­ფი­ცი­რე­ბუ­ლი, 120 ადა­მი­ა­ნი მარ­ტო გუ­შინ­წინ და­ინ­ფი­ცირ­და და ეს არის რო­გორც აღ­ჭურ­ვის, ისე წვრთნის ბრა­ლი. ამ 8 თვის გან­მავ­ლო­ბა­ში სა­მე­დი­ცი­ნო სის­ტე­მა რომ მომ­ზა­დე­ბუ­ლი­ყო, ჩვენ ამ გარ­და­უ­ვალ ზრდას მომ­ზა­დე­ბუ­ლი დავ­ხვდე­ბო­დით. ძა­ლი­ან სე­რი­ო­ზუ­ლი პრობ­ლე­მე­ბი იყო აღ­სრუ­ლე­ბა­ში - გა­და­წყვე­ტი­ლე­ბე­ბის მი­ღე­ბა იყო არა­სის­ტე­მუ­რი და არას­რულ­ყო­ფი­ლი და მერე უკვე მი­ღე­ბუ­ლი გა­და­წყვე­ტი­ლე­ბე­ბის აღ­სრუ­ლე­ბაც არ იყო კარ­გი. იმა­ვე ნიღ­ბე­ბის ტა­რე­ბა - ახლა რომ ასე აქ­ტი­უ­რად და აგ­რე­სი­უ­ლად ითხო­ვენ და სა­მარ­თლი­ა­ნა­დაც ნიღ­ბის ტა­რე­ბას, რა­ტომ არ შე­იძ­ლე­ბო­და იმა­ვეს გა­კე­თე­ბა სექ­ტემ­ბერ­ში? იმა­ვე ბა­თუმ­ში, და­ა­ვა­დე­ბა­თა კონ­ტრო­ლის ეროვ­ნუ­ლი ცენ­ტრი წი­ნა­აღ­მდე­გი იყო მა­გა­ლი­თად, სა­ზო­გა­დო­ებ­რი­ვი ტრან­სპორ­ტის გახ­სნის და არ­ჩევ­ნე­ბამ­დე ორი კვი­რით ადრე, აჭა­რის მთავ­რო­ბამ გახ­სნა სა­ზო­გა­დო­ებ­რი­ვი ტრან­სპორ­ტი იმ მო­ტი­ვით, რომ მო­ქა­ლა­ქე­ებს დახ­მა­რე­ბო­და, ამ დროს მო­ბი­ლო­ბა გა­ი­ზარ­და, რა­მაც გა­ზარ­და რა­ო­დე­ნო­ბა მო­უმ­ზა­დე­ბე­ლი სა­წო­ლე­ბის ფონ­ზე. შე­სა­ბა­მი­სად, გა­და­წყვე­ტი­ლე­ბე­ბიც არ ვარ­გო­და და მერე მისი აღ­სრუ­ლე­ბა კი­დევ უფრო ცუდი და მძი­მე იყო. შე­დე­გიც სა­ხე­ზეა... ერთი სი­ტყვით, ვი­თა­რე­ბა ძა­ლი­ან რთუ­ლია, ძა­ლი­ან.