"ვერავინ და ვერაფერი შეძლებს ჩვენი ერთიანობის დაშლას" - რას ამბობს რუსეთის საპატრიარქოს წარმომადგენელი, რომელთან ერთადაც მეუფე ნიკოლოზმა მოსკოვში ღვთისმსახურება შეასრულა
ახალქალაქის კუმურდოსა და კარის მიტროპოლიტი, მეუფე ნიკოლოზი მოსკოვში გაემგზავრა, სადაც ანდრეი რუბლიოვის სახელობის ხელოვნების მუზეუმის დამფუძნებლის, დავით არსენიშვილის ყოველწლიური პანაშვიდის ცერემონიაში მიიღო მონაწილეობა.
ინფორმაცია ამის შესახებ "ფეისბუქის" პირად გვერდზე მოსკოვის საპატრიარქოს საგარეო ურთიერთობათა განყოფილების თავმჯდომარის მოადგილემ, დეკანოზმა ნიკოლაი ბალაშოვმა განათავსა.
"გაიმართა ანდრეი რუბლიოვის სახელობის ხელოვნების მუზეუმის დამფუძნებლის, დავით არსენიშვილის პანაშვიდის ცერემონია“ - წერს ბალაშოვი და აღნიშნავს, რომ მსახურება დავითის შვილიშვილ ახალქალაქის, კუმურდოსა და კარის მიტროპოლიტ ნიკოლოზთან ერთად ჩატარდა.
მისივე ცნობით, მსახურება სლავურ და ქართულ ენებზე შესრულდა. "ვერავინ და ვერაფერი შეძლებს ჩვენი ერთიანობის დაშლას“ - წერს ბალაშოვი და მსახურების ამსახველ ფოტოებსაც აქვეყნებს.
საქართველოში გლოვის დღეა
ნიკოლოზ ბასილაშვილმა შტრუფი დაამარცხა და კალიარის ტურნირის ნახევარფინალშია
