"თუ ჩემი შვილები ვერ იცხოვრებენ ამ სახლში, მაშინ ვერავინ იცხოვრებს აქ" - სომხები, რომლებიც ყარაბაღს ტოვებენ, საკუთარ სახლებს წვავენ (უმძიმესი კადრები კონფლიქტის ზონიდან)

მთიანი ყარაბაღის ზოგიერთ სოფელში, რომელიც 9 ნოემბერს მიღწეული შეთანხმების თანახმად აზერბაიჯანს უნდა გადაეცეს, სომხები თავიანთ სახლებს ტოვებენ. როგორც BBC-ის მოსკოვის ბიუროს ჟურნალისტები, ვილ ვერნონი და იური ვენდიკი სოციალურ ქსელ "ტვიტერში“ წერენ, ზოგიერთი მათგანი სახლს წვავს და ამბობს, რომ არ სურთ მათი წასვლის შემდეგ იქ ვინმემ იცხოვროს.

"დღევანდელი დღე მთიანი ყარაბაღის სოფელ დადივანკში გავატარეთ. რეგიონი ორ დღეში აზერბაიჯანს გადაეცემა. ბევრი ადგილობრივი ცლის საკუთარ სახლს და მიემგზავრება. ზოგიერთი სახლს ცეცხლსაც კი უკიდებს, რათა აზერბაიჯანელების ხელში არ აღმოჩნდეს“,- წერს ვილ ვერნონი და გვიზიარებს სიუჟეტს, სადაც ჩანს, თუ როგორ ტოვებენ სახლებს სომხები.

<blockquote class="twitter-tweet"><p lang="en" dir="ltr">We spent today in the village of Dadivank in Nagorno-Karabakh. The region is due to be handed over to Azerbaijan in two days. Many locals were stripping their houses and leaving. Some even set fire to their homes to prevent them falling into Azeri hands. <a href="https://t.co/NImQGPmDuo">pic.twitter.com/NImQGPmDuo</a></p>&mdash; Will Vernon (@BBCWillVernon) <a href="https://twitter.com/BBCWillVernon/status/1326977139170799621?ref_src=twsrc%5Etfw">November 12, 2020</a></blockquote> <script async src="https://platform.twitter.com/widgets.js" charset="utf-8"></script>

"ეს ომი რომ კიდევ გაგრძელებულიყო, ჩვენ ყველანი დავიხოცებოდით. აზერბაიჯანს აქვს ჩვენზე მეტი ფული და იარაღი", - ამბობს BBC-სთან ერთ-ერთი სომეხი ჯარისკაცი.

სომხეთს ერთ კვირაზე ნაკლები მისცეს ტერიტორიის დასატოვებლად. სარქისიც მათ შორისაა, ვისაც საცხოვრებელი ადგილის დატოვება უწევს. მას ყველაფერი მიაქვს სახლიდან. ფანჯრებიც კი ჩამოხსნა.

"ისეთ ტკივილს ვგრძნობ, ვერც კი წარმოიდგენთ. არ ვიცი სად უნდა წავიდე. 7 შვილი მყავს, მაგრამ არ მაქვს სახლი", - ამბობს სარქისი.

ზოგიერთი სომეხი კი ამბობს, რომ თუ ისინი აქედან უნდა წავიდნენ, არაფერს დატოვებენ. მაგალითად, ბადალიანების ოჯახმა თავიანთი სახლი გაანადგურა, დაწვა, რაც იმას ნიშნავს, რომ ვერც ერთი აზერბაიჯანელი იქ ცხოვრებას ვერ შეძლებს.

"არ შემიძლია, რომ ეს სახლი ვინმეს დავუტოვო. მიგვაქვს ყველაფერი, რისი წაღებაც შეგვიძლია, დანარჩენს კი ვწვავ. თუ ჩემი შვილები ვერ გამოიყენებენ ამ სახლს, მაშინ ვერც ვერავინ შეძლებს მის გამოყენებას" - ამბობს ოჯახის ერთ-ერთი წევრი.

<blockquote class="twitter-tweet"><p lang="en" dir="ltr">&quot;If my children can’t use this house, then no-one can.&quot; Some Armenian residents of Kalbajar region - soon to be handed over to Azerbaijan - burned their houses today to stop them falling into Azeri hands. Our report for <a href="https://twitter.com/BBCNews?ref_src=twsrc%5Etfw">@BBCNews</a> at 10 - with <a href="https://twitter.com/BBCSteveR?ref_src=twsrc%5Etfw">@BBCSteveR</a>. <a href="https://t.co/oldIotYmDi">pic.twitter.com/oldIotYmDi</a></p>&mdash; Will Vernon (@BBCWillVernon) <a href="https://twitter.com/BBCWillVernon/status/1327014070604673033?ref_src=twsrc%5Etfw">November 12, 2020</a></blockquote> <script async src="https://platform.twitter.com/widgets.js" charset="utf-8"></script>

ცნობისთვის, რუსეთის, აზერბაიაჯანისა და სომხეთის ლიდერების მიერ მიღწეული შეთანხმების თანახმად, სომხეთმა აზერბაიჯანს ქალბაჯარის რეგიონი 15 ნოემბრამდე უნდა გადასცეს.