"მინდა მივმართო ჯანდაცვის მინისტრს, არ გაპატიებთ, იცოდეთ! მე დამღუპეთ" - რას წერს გოგონა, რომელმაც ინფიცირებული მშობლები დაკარგა

მარიამ კაკაურიძე, რომელმაც კორონავირუსის ინფიცირების შედეგად მშობლები დაკარგა, ჯანდაცვის მინისტრს მიმართავს. კაკურიძე პოსტს სოციალურ ქსელში ავრცელებს:

"არ ვარ პოლიტიკური, არც ჩემი თემით რაიმე მანიპულირებას და თავის მობეზრებას ვაპირებ! აქ დავწერ ჩემს სატკივარს და დავასრულებ ! ჯერ, მადლობა უცნობ ადამიანებს, ვინც გვერდით დამიდექით! ნეტავ, ადრე დამეწერა "მედრუმში" ჩემს ტკივილზე ! წავიკითხე მინისტრის მიმართვა! და მინდა მას მივმართ ! ჩემს მშობლებს ვერაფერს დააბრალებთ! არ გაპატიებთ, იცოდეთ ამას !

23 ოქტომბერს დაეწყოთ სიმპტომები და მიმართეს ოჯახის ექიმს, სახლში მკურნალობდნენ! 30-ში გაუკეთეს ტესტი და უარყოფითი მოვიდა 3დღეში პასუხი! რა თქვენი ტესტები არ ცდება და პაციენტის ბრალია? სამშაბათს, გამოწერის დღეს გორმედში დაუდასტურეს დადებითი კოვიდზე! მე დამღუპეთ და სხვებს რას ერჩით, ვისაც მამასთან ქონდა კონტაქტი თქვენი ტესტის მცდარი პასუხის გამო? მოიძიეთ საერთოდ ეს ადამიანები? ხედავთ მათ? რაც შეეხება, დედას მისი ბუნებრივი ტემპერატურა 35 იყო და სანამ, დამძიმდებოდა ქონდა 37 სიცხე!

ცხელების ცენტრმა უარით გამოუშვა ამის გამო! როგორ შეიძლება, ქმარი შეამოწმო ტესტზე და ცოლი არა, როცა ყველა სიმპტომი აქვს მაღალი ტემპერატურის გარდა! რაც შეეხება კლინიკებს!!! ვადანაშაულებ ცხელების ცენტრს და კლინიკა ბომონდს! გორმედის ექიმებს მადლობა ( სახელები არ მახსოვს ). თუმცა ვიტყვი იმას რომ 1 საათი ადამიანი დერეფანში მეწვა საკაცეზე ,წნევაც არ გაუზომეს და არც დამამშციდებელი გაუკეთეს! შაქარი ძლივს გავაზომინე დერეფანშივე!სასწრაფო დახმარების ბრიგადას, რაც შეეხება! როგორ შეიძლება პაციენტს არ დაუჯდე გვერდით, როცა სასაუნთქს იხსნის! ეკიპირებული ხომ იყვნენ! მე ვიყავი მამასთან მთელი გზა, ეს დარღვევა არ არის? კიდევ კარგი ვიყავი და მოვეფერე ცოტა!

უნიქალ მედის, რაც შეეხება უყურადღებობაში, ვადანაშაულებ თავიდან, როცა მიმღებში ყავდათ დედა და მეუბნებოდნენ ,რომ კარგად იყო! ამავე კლინიკის ექიმ ს ,ვასილ ფარცხალაძეს მადლობა ადამიანობისთვის,გ აწეული უანგარო სამსახურისთვის! ეს ის ექიმია, ვინც დედას ყველაფერს უკეთებდა უკვე მძიმე მდგომარეობაში მყოფს!

მადლობა, საჩხერის საავადმყოფოს დაგვიანებული ,თუმცა მაინც გამოწვდილი დახმარებისთვის! მადლობა, დავით სერგეენკოს ! და ყველას, ვინც ბოლო წუთებში მაინც დამეხმარნენ! ბოლოს, დაუნახავი არ ვარ ! ვერ და არ დავხუჭავ თვალს თქვენს უნიათობაზე და არასწორ მიდგომაზე! ადამიანი სანამ მძიმედ არ არის, მაშინ უნდა ყურადღება, როცა დამძიმდება მაშინ, რა აზრი აქვს თქვენს ყურადღებას? პაციენტების დადანაშაულების უფლებას არავის მოგცემთ! იცოდეთ ! ამას მაინც გავაკეთებ! ეს არის ამ ეტაპზე და ამ საკითხზე ჩემი ბოლო პოსტი და ინფორმაცია ! თუ დავინახავ ,რომ ხელს ახოცავთ გარდაცვლილებს, იცოდეთ ბოლომდე ყველა საშუალებით ვიბრძოლებ და ყველა სიტყვაზე და ქმედებაზე პასუხს გაგებინებთ და მეც ვაგებ პასუხს თქვენგან განსხვავებით, ჩემს სიტყვებსა და ქმედებაზე !მადლობა , ადამიანებო ყველას ! ჩემს ახლობლებს ! უცნობ ადამიანებს ,უფრო დიდი მადლობა" - წერს მარიამ კაკაურიძე.

ცნობისთვის, მარიამ კაკაურიძის მშობლები კორონავირუსის ინფიცირების შედეგად გარდაიცვალნენ. მანამდე მარიამ კაკაურიძე "ფეისბუქის" პირად გვერდზე წერდა, რომ მის დედ-მამას მკურნალობა რეანიმაციულ განყოფილებაში სჭირდებოდა, თუმცა ადგილების არარსებობის გამო მათი იქ მოთავსება ვერ მოხერხდა.

მარიამ კაკაურიძეს დედა 5 ნოემბერს გარდაეცვალა, ხოლო მამა - დღეს დილით.