მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"აბსურდული განცხადებები არ უნდა კეთდებოდეს" - რას ამბობენ ოპოზიციონერები სააკაშვილის ჩამოსვლასა და სანიკიძე-მელიას დაპირისპირებაზე
12:54 / 03-11-2020
"ლელოს“ ერთ-ერთი ლიდერის, ბადრის ჯაფარიძის განცხადებით, ოპოზიციაში არეულობა არ არის, ის კონსოლიდირებულია. მან "ნაციონალური მოძრაობის“ წარმომადგენლებს, ნიკა მელიასა და გუბაზ სანიკიძეს შორის მომხდარი დაპირისპირება შეაფასა და აღნიშნა, რომ ამ ინციდენტმა კონსოლიდირებულ გარემოში მცირედი დისონანსი შეიტანა.
"ოპოზიციაში არეულობა არ არის. ის ძალიან კონსოლიდირებულია. გუშინ სამწუხარო ინციდენტი იყო, ეს ბატონი გუბაზ სანიკიძის მოსაზრებაა, რომელმაც ჩემი აზრით, კონსოლიდირებულ გარემოში გარკვეული დისონანსი გამოიწვია. ეს წერტილოვანი ინციდენტი იყო. აბსოლუტურად კონსოლიდირებულია ოპოზიცია. ჩვენი ამოცანაა, დავიცვათ ჩვენი თანამოქალაქეების უფლებები და ხმები იმიტომ, რომ გაყალბებული არჩევნების საფუძველზე არჩეული პარლამენტი ვერ წარმოადგენს ხალხის ნებას“, - განაცხადა ჯაფარიძემ.
მისი თქმით, საპრეზიდენტო არჩევნები გაყალბდა, რასაც უამრავი ადამიანი ადასტურებს.
"ჩვენ გვაქვს არჩევნების სრულიად დამახინჯებული შედეგები, რაც ჩვენი მოსახლეობის ნებას არ ასახავს. არ შეიძლება ისეთი პარლამენტი იყოს ლეგიტიმური, რომელიც მოსახლეობის ნებას არ ასახავს“, - განაცხადა ჯაფარიძემ.
არის თუ არა მიხეილ სააკაშვილი საჭირო ქართულ პოლიტიკაში? - ამ შეკითხვას "გამარჯვებული საქართველოს“ ლიდერი ირაკლი ოქრუაშვილი ასე პასუხობს: "მიხეილ სააკაშვილი ქართულ პოლიტიკაში არის და მას ვერ განდევნის ვერავინ".
ამასთან, ოქრუაშვილმა განაცხადა, რომ ოპოზიცია ერთიანობას ნებისმიერ ფასად შეინარჩუნებს.
"პირველი და მნიშვნელოვანია შეთანხმება, რომელზეც დღეს ხელს ვაწერთ, პარლამენტში არ შევა არავინ, თავისთავად, ვინც ხელს მოაწერს. შეიძლება გამონაკლისი იყოს. არ ვიცი, ყველა ვართ თუ არა ამაზე ჩამოყალიბებული. იქნება საკმაოდ მკაცრი პროტესტი კანონის ფარგლებში იმისათვის, რომ "ქართულ ოცნებას“ დავანიშნინოთ ვადამდელი ხელახალი არჩევნები...
მნიშვნელოვანია, ოპოზიციის ერთსულოვნება, რომელსაც შევინარჩუნებთ ნებისმიერ ფასად. ასევე, საზოგადოების მხარდაჭერა და საერთაშორისო თანამეგობრობის მხარდაჭერა. დარღვევების ის მასშტაბი და ფაქტები, რაც ჩვენ ხელთ არსებობს, მიწოდებული იქნება მათთვის და მათ სრული სურათი ექნებათ“, - განაცხადა ოქრუაშვილმა.
მისივე განმარტებით, მიხეილ სააკაშვილს საკუთარი გავლენა და რესურსები აქვს.
"მიხეილ სააკაშვილი ქართულ პოლიტიკაში არის და მას ვერ განდევნის ვერავინ, იმიტომ, რომ მას თავისი გავლენა და რესურსები გააჩნია, 26% მიიღო მისმა პარტიამ. ოპოზიციური ერთობა ნებისმიერ ფასად იქნება შენარჩუნებული“, - განაცხადა ოქრუაშვილმა.
სანიკიძე-მელიას ინციდენტთან დაკავშირებით და ქართულ პოლიტიკაში მიხეილ სააკაშვილის ჩართულობაზე ისაუბრა "სატრატეგია აღმაშენებლის“ ლიდერმა გიორგი ვაშაძემაც.
"ჩემთან დისტანციურად ის ჩართული არ არის და ვისთან არის ჩართლი არ ვიცი, პოლიტიკა წყდება აქ, ამ ქვეყანაში... რაღაც აბსურდული და გაუგებარი განცხადებები არ უნდა კეთდებოდეს მაშინ, როდესაც ოპოზიცია ერთიანია. დასაწყისიდანვე ვფიქრობ, რომ არასწორი იყო ის რიტორიკა, რომელიც წამოიწყო გუბაზ სანიკიძემ. იმედი მაქვს, რომ ყველა მხარე ამას გაითვალისწინებს და გაიგებს. არაფერ შუაში არ იყო იქ კონკრეტულად მიხეილ სააკაშვილის კომპონენტი, პოლიტიკა წყდება აქ,“ - განაცხადა გიორგი ვაშაძემ.
შეგახსენებთ, რომ "ნაციონალური მოძრაობის“ ერთ-ერთი ლიდერი ნიკა მელია და გუბაზ სანიკიძე "მთავარი არხის“ პირდაპირ ეთერში ერთმანეთს დაუპირისპირდნენ. დაპირისპირება საქართველოს მესამე პრეზიდენტთან, მიხეილ სააკაშვილთან დაკავშირებით, გუბაზ სანიკიძის მხრიდან გაკეთებულ განცხადებას მოჰყვა. სანიკიძემ თქვა, რომ ბიძინა ივანიშვილს არცერთი მათგანის არ ეშინია და დადგა, დრო რომ სააკაშვილი ჩამოვიდეს. აღნიშნულზე ნიკა მელიამ სანიკიძეს უპასუხა, რომ მას ამ განცხადებით ოპოზიციაში ხინჯი შეაქვს და "ბიძინას თამაშს თამაშობს“. "მართლა მოგზავნილი ხომ არა ხარ, რა გინდა რა, რას ემსახურება ეს?“ - მიმართა ნიკა მელიამ სანიკიძეს.
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წარმოუდგენელი ფული იხაეჯება იმაში, რომ მოსახლეობამ ძალიან ცუდად იცხოვროს. წარმოუდგენელი ფული იხარჯება იმაში, რომ შემოგდებულმა პატარა ხროვამ გააგრძელოს მეფეებივით ცხოვრება. ყველაფერ ამაში მონაწილეობას აღებინებენ იოლად ფაქტიურად უფასოდ მოსასყიდ ცხვრის ფარას..............
ხომ დამტკიცდა, რომ სააკაშვილის გარეშე 00000 ხართ!!!! ვერცერთმა სუბიექტმა, ვერ შეძელით, დამოუკიდებლად არსებობა..ეს თქვენი არჩევანი ანუ ბოიკოტი ' თქვენი პოლიტიკური ხარაკირია. მიშამ დედა გიტირათ ყველას.