მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"აზერბაიჯანის ჯარი ოპერატიულ ვითარებას აკონტროლებს... თუ სომხეთი ნებაყოფლობით არ დატოვებს ოკუპირებულ მიწებს, ჩვენ მათ გავაძევებთ" - ბოლო ცნობები ყარაბაღიდან
10:14 / 29-10-2020
გასული ღამის განმავლობაში საბრძოლო მოქმედებები ძირითადად ხოჯავენდის, ფიზულისა და გუბადლის მიმართულებებით გრძელდებოდა, - ამის შესახებ ინფორმაციას აზერბაიჯანის თავდაცვის სამინისტრო ავრცელებს.
უწყების ცნობით, საპასუხო ცეცხლის შედეგად განადგურებულია მოწინააღმდეგე მხარის საბრძოლო ტექნიკის მნიშვნელოვანი ნაწილი.
„განადგურდა მოწინააღმდეგის ორი - T-72 ტიპის ტანკი, ორი - BM-21 „გრადის“ ტიპის სარაკეტო სისტემა, 14 სხვადასხვა ტიპის ჰაუბიცა და 6 სატრანსპორტო საშუალება,“ - აცხადებენ აზერბაიჯანის თავდაცვის სამინისტროში.
მათივე ინფორმაციით, ამ დროისთვის აზერბაიჯანის ჯარი ფრონტზე ოპერატიულ ვითარებას აკონტროლებს.
"თუ სომხეთი ნებაყოფლობით არ დატოვებს დანარჩენ ოკუპირებულ მიწებს, მაშინ ჩვენ მათ იქიდან გავაძევებთ", - ამის შესახებ აზერბაიჯანის პრეზიდენტმა ილჰამ ალიევმა გუშინ დელეგაციასთან შეხვედრაზე განაცხადა, რომელსაც ირანის რესპუბლიკის პრეზიდენტის სპეციალური წარმომადგენელი ხელმძღვანელობდა.
აზერბაიჯანის ლიდერის განცხადებით, ომი უკვე ერთი თვეა გრძელდება და აზერბაიჯანელი ხალხისთვის ეს არის სამამულო ომი.
„ჩვენ ვათავისუფლებთ მიწებს დამპყრობლებისგან. ეს არის საერთაშორისო სამართლისა და ისტორიული სამართლიანობის აღდგენა“, - აღნიშნა ალიევმა.
მან კიდევ ერთხელ დაადანაშაულა სომხეთი მშვიდობიანი მოქალაქეების წინააღმდეგ მიმართულ ქმედებებში.
ალიევის განცხადებით, გუშინ ბარდაში თავდასხმის შედეგად 21 მშვიდობიანი მოქალაქე დაიღუპა, 70-ზე მეტი კი დაშავდა.
„მაგრამ ის წარმატებას ვერ მიაღწევს. უფრო მეტიც, სომხეთი უხეშად არღვევს ცეცხლის შეწყვეტას, რომელიც მესამედ გამოცხადდა და შეთანხმდა მისივე თხოვნით“, - აცხადებს პრეზიდენტი.
ალიევის თქმით, ისინი მონსტრებს ებრძვიან.
„მთელ პლანეტას, მთელ მაჰმადიანურ სამყაროს შეუძლია დაინახოს, თუ რა სახის მონსტრებს ვებრძვით. მაგრამ კიდევ ერთხელ მინდა ვთქვა, რომ ვერაფერი შეგვაჩერებს ”, - განაცხადა ქვეყნის მეთაურმა.
საბრძოლო მოქმედებების ზონაში არსებულ ვითარებასთან დაკავშირებით ინფორმაციას ავრცელებს სომხური მედიაც. "
მათი ინფორმაციით, აზერბაიჯანის შეიარაღებულმა ძალებმა დღეს დილიდან მთიანი ყარაბაღის დედაქალაქის, სტეფანაკერტის დაბომბვა განაახლეს. ქალაქზე თავდასხმა ღამითაც განხორციელდა და იქ 5 რაკეტა ჩამოვარდა.
შეგახსენებთ, მთიან ყარაბაღში სიტუაციის ესკალაცია 27 სექტემბერს მოხდა. მხარეებმა ცეცხლის შეწყვეტის შესახებ შეთანხმებას სამჯერ მიაღწიეს, თუმცა სიტუაცია კვლავ დაძაბული რჩება. სომხეთი და აზერბაიჯანი ცეცხლის შეწყვეტის რეჟიმის დარღვევაში ერთმანეთს ადანაშაულებენ.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მშვიდობას ალტერნატივა არა აქვს, კაცობრიობის ისტორიაში ყველა დაწყებული ომი დამთავრებულა. ორივე მხარემ იფიქროს კომპრომისებზე და მშვიდობაც იქნება. არ ვიცი რამდენად მართალია, მაგრამ დემირჭიანი სწორედ კომპრომისებზე წასვლის მცდელობას შეეწირაო.
დაშნაკები აფხაზეთში ჩვენს წინააღმდეგ იბრძოდნენ