"აზერბაიჯანის ტერიტორიაზე თურქეთის სამხედრო ბაზის განთავსების საკითხი არ განხილულა" - ალიევი

აზერბაიჯანის პრეზიდენტი ილჰამ ალიევი აცხადებს, რომ ბაქო და ანკარა არ განიხილავს საკითხს, რომელიც თურქეთის სამხედრო ბაზის აზერბაიჯანის ტერიტორიაზე მშენებლობას უკავშირდება.

მისი თქმით, თუკი აზერბაიჯანს სერიოზული საფრთხე დაემუქრება, რა თქმა უნდა, ქვეყანა ამ შესაძლებლობას გამოიყენებს.

"ეს საკითხი ჩვენ ორმხრივ ურთიერთობებში არ განხილულა. ჩვენ გვაქვს საკმარისად ფართო სამართლებრივი ბაზა. საკმარისად დიდი რაოდენობის დოკუმენტები რჩება ძალაში, მათ შორის, სამხედრო სფეროში. თუკი აზერბაიჯანს დაემუქრება სერიოზული საფრთხე, რა თქმა უნდა, თურქეთი ჩვენი მოკავშირეა და გამოვიყენებთ ამ შესაძლებლობებს. თუმცა, აზერბაიჯანის ტერიტორიაზე თურქეთის სამხედრო ბაზის შექმნის საკითხი არ განხილულა“, - განუცხადა თურქულ ტელეკომპანია „NTV“-ს ილჰამ ალიევმა.