ახალგაზრდა მომღერალთა გუნდ "თუთარჩელას" 26 წევრი კორონავირუსი არის ინფიცირებული

რუსთავში, ახალგაზრდა მომღერალთა გუნდ "თუთარჩელას" 26 წევრი კორონავირუსით არის ინფიცირებული.

როგორც "ინტერპრესნიუსთან" საუბარში, გუნდის ხელმძღვანელმა თამარ ბუაძემ განაცხადა, პირველი დადასტურებული შემთხვევიდან დღემდე ლაბორატორიული კვლევის შედეგად კორონავირუსი ჯამში 26 მომღერალს, მათ შორის მასაც დაუდასტურდა, პისიარ ტესტის პასუხი მხოლოდ 4 შემთხვევაშია უარყოფითი.

ამასთან, როგორც რუსთავის საზოგადოებრივი ჯანდაცვისა და უსაფრთხო გარემოს უზრუნველყოფის ცენტრში აცხადებენ, გუშინ დღის მეორე ნახევარში, ქალაქში კორონავირუსი 21 შემთხვევაში დადასტურდა, დღეს დილით კი 2 დაემატა.