"დავით სოკოლოვი მწვავე ინფარქტით საავადმყოფოში მოხვდა... გადარჩენაც რეალურია, დამეხმარეთ" - რას წერს მაკა რაზმაძე
"მოამბის" ყოფილი დიქტორის დავით სოკოლოვის მდგომარეობა დამძიმდა. როგორც "ფეისბუქზე" ჟურნალისტი მაკა რაზმაძე წერს, ის მწვავე ინფარქტით მეორედ მოხვდა საავადმყოფოში.
ჟურნალისტი უფროსი კოლეგის დასახმარებლად სახელწიფო სტრუქტურებს მიმართავს.
ჩემი უსაყვარლესი უფროსი მეგობარი და ყველასთვის საყვარელი ყველა დროის ტელევარსკვლავი დავით სოკოლოვი მწვავე ინფარქტით მეორედ მოხვდა საავადმყოფოში ამ მოკლე დროის მანძილზე.
აქამდე ოჯახს არავინ შეუწუხებია ამ პრობლემით მაგრამ ყველა რესურსი ამოიწურა და მინდა ვთხოვო დახმარება სახელმწიფო სტრუქტურებს, მათ ვინც იცის რა და როგორ შეიძლება გაკეთდეს, რა დახმარება ეკუთვნის 83 წლის ადამიანს პენსიის და საყოველთაოს გარდა რომ საავადმყოფოს და მკურნალობის ხარჯები დაფაროს.გთხოვთ ცუდად არ მიიღოთ ეს თხოვნა.
არც თანხის შეგროვების თხოვნაა ეს და არც ვინმეს ზედმეტად შეწუხების-დათო არ დაუშვებს ამას რომ გამიგოს. სახელმწიფოს რა დახმარება შეუძლია-ეს მაინტერესებს. თვითონ წევს რკინიგზის საავადმყოფოში. გონზეა, სიცოცხლით სავსეა როგორც ყოველთვის და გადარჩენაც სრულიად რეალურია.დამეხმარეთ, გთხოვთ" - წერს მაკა რაზმაძე.
საქართველოში 25 000 კილო დაავადებული კარტოფილი შემოვიდა - შემოსავლების სამსახურის ცნობით, ის ექსპორტიორ ქვეყანაში გაბრუნდება
მეწყერში მოყოლილი მოზარდის მოსაძებნად სამუშაოები გრძელდება, ასევე ეძებენ მდინარეში დაკარგულ მამაკაცს - რას ამბობს აჭარის პოლიციის უფროსი
