თბი­ლი­სის ზო­გი­ერთ ცენ­ტრა­ლურ ქუ­ჩა­ზე გა­ზე­თე­ბის და ჟურ­ნა­ლე­ბის გა­ყიდ­ვა უკვე შე­უძ­ლე­ბე­ლია. მი­ზე­ზი ისაა, რომ მე­რია იქ სა­გა­ზე­თო ჯი­ხუ­რებს კრძა­ლავს. მე­ტიც, ე.წ. პრე­სის ჯი­ხუ­რე­ბის შე­ზღუდ­ვის არე დე­და­ქა­ლაქ­ში შე­იძ­ლე­ბა კი­დევ გა­ფარ­თოვ­დეს, რაც იმას ნიშ­ნავს, რომ დე­და­ქა­ლა­ქის ცენ­ტრა­ლურ უბ­ნებ­ში ჟურ­ნალ-გა­ზე­თე­ბის გა­ყიდ­ვა პრაქ­ტი­კუ­ლად, აიკ­რძა­ლე­ბა.

ეს მძი­მე დარ­ტყმა იქ­ნე­ბა ბეჭ­დუ­რი მე­დი­ი­სათ­ვის, რო­მე­ლიც, ერთი მხრივ, ციფ­რუ­ლი ტექ­ნო­ლო­გი­ე­ბის გან­ვი­თა­რე­ბი­სა და, მე­ო­რე მხრივ, მომ­ხმა­რე­ბელ­თა და­ბა­ლი მსყიდ­ვე­ლუ­ნა­რი­ა­ნო­ბის გამო ისე­დაც გა­ნიც­დის ფი­ნან­სურ სიძ­ნე­ლე­ებს. გარ­და ამი­სა, რო­გორც პრე­სის გა­მავ­რცე­ლებ­ლე­ბი „მთელ კვი­რას­თან“ სა­უ­ბარ­ში ამ­ბო­ბენ, მე­რია თით­ქოს მი­ზან­მი­მარ­თუ­ლად სწო­რედ იმ უბ­ნებ­ში კრძა­ლავს ჯი­ხუ­რებს, სა­დაც პრე­სის გა­ყიდ­ვის მაჩ­ვე­ნე­ბე­ლი ყვე­ლა­ზე მა­ღა­ლია.

თბი­ლის­ში პრე­სის გავ­რცე­ლე­ბის შე­ზღუდ­ვი­სა და ამ სფე­რო­ზე კონ­ტრო­ლის დამ­ყა­რე­ბის მცდე­ლო­ბა გიგი უგუ­ლა­ვას მე­რო­ბის დრო­საც იყო, თუმ­ცა მა­შინ მე­დი­ის ერ­თსუ­ლოვ­ნე­ბი­თა და სა­ზო­გა­დო­ე­ბის თა­ნად­გო­მით ამ პრობ­ლე­მის გა­და­ლახ­ვა მეტ-ნაკ­ლე­ბად მო­ხერ­ხდა, ხე­ლი­სუფ­ლე­ბის შეც­ვლის შემ­დეგ კი, გაჩ­ნდა გან­ცდა, რომ ბეჭ­დურ მე­დი­ას სა­ხელ­მწი­ფოს მხრი­დან პრობ­ლე­მე­ბი ხე­ლოვ­ნუ­რად აღარ შე­ექ­მნე­ბო­და.

რა­ტო­მაა მი­უ­ღე­ბე­ლი დღე­ვან­დე­ლი მე­რი­ი­სათ­ვის ქა­ლა­ქის მთა­ვარ ქუ­ჩებ­ზე პრე­სის ჯი­ხუ­რე­ბი? არ­სე­ბობს თუ არა რა­ი­მე და­სა­ბუ­თე­ბუ­ლი რე­კო­მენ­და­ცია, კონ­კრე­ტუ­ლი დე­ბუ­ლე­ბა, ან რა­ი­მე სხვა სა­მარ­თლებ­რი­ვი აქტი , რო­მე­ლიც ამ გა­და­წყვე­ტი­ლე­ბას უდევს სა­ფუძ­ვლად? მე­რი­ის წარ­მო­მად­გენ­ლებ­თან სა­ტე­ლე­ფო­ნო სა­უბ­რი­სას „მთელ­მა კვი­რამ“ ამ კი­თხვა­ზე კონ­კრე­ტუ­ლი პა­სუ­ხი ვერ მი­ი­ღო. მე­რი­ა­ში გა­ნა­ცხა­დეს, რომ ეს კომ­პლექ­სუ­რი სა­კი­თხია და გა­და­წყვე­ტი­ლე­ბის მი­ღე­ბა­ში მე­რი­ის რამ­დე­ნი­მე სა­ქა­ლა­ქო სამ­სა­ხუ­რია ჩარ­თუ­ლი. მე­რია შე­ჯე­რე­ბუ­ლი ერ­თი­ა­ნი პა­სუ­ხის მი­სა­ღე­ბად ოფი­ცი­ა­ლურ მი­მარ­თვას ითხოვს და პა­სუ­ხის გა­ცე­მას კა­ნო­ნით გან­სა­ზღვრულ 10 სა­მუ­შაო დღე­ში აპი­რებს.

მე­რი­ის პო­ზი­ცია

დე­და­ქა­ლა­ქის მერი კახა კა­ლა­ძე ცენ­ტრა­ლუ­რი ქუ­ჩე­ბი­დან პრე­სის გავ­რცე­ლე­ბის ჯი­ხუ­რე­ბის აღე­ბას ბეჭ­დუ­რი მე­დი­ის დახ­მა­რე­ბად და პრე­სის გავ­რცე­ლე­ბა­ში ხე­ლის შე­წყო­ბად მი­იჩ­ნევს.

„თბი­ლი­სის მე­რია პრე­სის ჯი­ხუ­რე­ბის ერ­თი­ან ვი­ზუ­ალს შე­ი­მუ­შა­ვებს, რო­მე­ლიც შე­სა­ბა­მის სამ­სა­ხუ­რებ­თან იქ­ნე­ბა შე­თან­ხმე­ბუ­ლი. პრე­სის რე­ა­ლი­ზა­ცი­ის­თვის გან­კუთ­ვნი­ლი ჯი­ხუ­რე­ბის გან­სა­თავ­სებ­ლად ქა­ლაქ­ში კონ­კრე­ტუ­ლი ად­გი­ლე­ბი გა­მო­ი­ყო­ფა.

ჯი­ხუ­რებ­თან და­კავ­ში­რე­ბით ჩვე­ნი და­მო­კი­დე­ბუ­ლე­ბა ცნო­ბი­ლია და ამა­ზე არა­ერ­თხელ მი­სა­უბ­რია - ჩვენ­თვის ქა­ლა­ქის ცენ­ტრა­ლურ ქუ­ჩებ­ზე ჯი­ხუ­რე­ბის გან­თავ­სე­ბა მი­უ­ღე­ბე­ლია. პრე­სის ჯი­ხუ­რე­ბი კონ­კუ­რენ­ცი­ას ვერ უწევს იმ ჯი­ხუ­რებს, რომ­ლე­ბიც სხვა­დას­ხვა პრო­დუქ­ცი­ით ვაჭ­რო­ბენ.

იმის­თვის, რომ ბეჭ­დურ მე­დი­ას და­ვეხ­მა­როთ და პრე­სის გავ­რცე­ლე­ბას ხელი შე­ვუ­წყოთ, გვინ­და, რომ ქა­ლაქ­ში გა­მო­ი­ძებ­ნოს შე­სა­ბა­მი­სი ად­გი­ლე­ბი, სა­დაც პრე­სის ჯი­ხუ­რებს გან­ვა­თავ­სებთ. რა თქმა უნდა, ჯი­ხუ­რე­ბის დი­ზა­ი­ნი და ვი­ზუ­ა­ლი აუ­ცი­ლებ­ლად იქ­ნე­ბა შე­თან­ხმე­ბუ­ლი შე­სა­ბა­მის სამ­სა­ხუ­რებ­თან, რომ მათი დი­ზა­ი­ნი ჩვე­ნი ქა­ლა­ქის ურ­ბა­ნის­ტი­კას­თან შე­სა­ბა­მი­სო­ბა­ში მო­ვი­დეს“, - ასე­თი ბუნ­დო­ვა­ნი გან­ცხა­დე­ბა გა­ა­კე­თა კა­ლა­ძემ თბი­ლი­სის მთავ­რო­ბის ერთ-ერთ სხდო­მა­ზე.

მე­რი­ის პრეს­სამ­სა­ხურ­ში „მთელ კვი­რას“ უთხრეს , რომ დე­და­ქალ­ქში უკვე გა­ნი­სა­ზღვრა ე.წ. ჯი­ხუ­რე­ბის შე­ზღუდ­ვის არე­ე­ბი, რაც ძი­რი­თა­დად ცენ­ტრა­ლურ ქუ­ცებს მო­ი­ცავს და იქ პრე­სის ჯი­ხუ­რე­ბის გან­თავ­სე­ბა აიკ­რძა­ლე­ბა:

„მე­რია მხო­ლოდ იმ ჯი­ხუ­რებს იღებს, რო­მელ­თაც გა­უ­ვი­დათ იჯა­რის ვადა ან არ აქვს ნე­ბარ­თვა. ჯი­ხუ­რე­ბის შე­ზღუდ­ვის არე­ალ­ში ვინც მოყ­ვა, მათ არ გა­უგ­რძელ­დათ იჯა­რის ვადა.“

პრე­სის გა­მავ­რცე­ლებ­ლებს ღიად ეუბ­ნე­ბი­ან, რომ ცენ­ტრა­ლურ ქუ­ჩებ­ზე პრე­სის ჯი­ხუ­რე­ბი იკ­რძა­ლე­ბა

პრე­სის გა­მავ­რცე­ლე­ბე­ლი სა­დის­ტრი­ბუ­ციო კომ­პა­ნია „პლა­ნე­ტა ფორ­ტეს“ ხელ­მძღვა­ნელ­მა მე­რაბ ჩან­ჩა­ლაშ­ვილ­მა „მთელ კვი­რას­თან“ აღ­ნიშ­ნა, რომ ქა­ლა­ქის მუ­ნი­ცი­პა­ლუ­რი ინ­სპექ­ცი­ი­დან ოფი­ცი­ა­ლუ­რი გაფრ­თხი­ლე­ბა მი­უ­ვი­და, რომ ყაზ­ბე­გის ქუ­ცა­ზე მდე­ბა­რე მათი კომ­პა­ნი­ის ჯი­ხუ­რი 30 სექ­ტემ­ბრამ­დე უნდა აი­ღონ.

„ჯერ ასე ზუს­ტად არ ამ­ბო­ბენ, სად იკ­რძა­ლე­ბა და რა იკ­რძა­ლე­ბა. მე სი­ტყვი­ე­რად მი­თხრეს, რომ ცენ­ტრა­ლურ პროს­პექ­ტებ­ზე ჯი­ხუ­რე­ბი სა­ერ­თოდ არ უნდა იყო­სო. იქ გან­ხილ­ვა და მსგავ­სი რამ არაა. მე პი­რა­დად ქა­ლა­ქის მუ­ნი­ცი­პა­ლუ­რი ინ­სპექ­ცი­ი­დან ოფი­ცი­ა­ლუ­რი გაფრ­თხი­ლე­ბა მო­მი­ვი­და, რომ ყაზ­ბე­გის 26-ში პრე­სის ჯი­ხუ­რი უნდა აი­ღო­თო, თვის ბო­ლო­დან, 30-დან, აღარ უნდა იყო­სო, რად­გან ჩვენ უნე­ბარ­თვოდ გვაქვს ჯი­ხუ­რე­ბი.

მარ­თა­ლია, ჩვენ უნე­ბარ­თვოდ გვაქვს, იმი­ტომ, რომ როცა ნე­ბარ­თვის ვადა გაგ­ვი­ვი­და (2017 წელს), მას მერე ვა­დის გაგ­რძე­ლე­ბას ვი­თხოვთ და არ გვიგ­რძე­ლე­ბენ. მას მერე შეხ­ვედ­რა ბევ­რჯერ გვქონ­და, იყო და­პი­რე­ბე­ბი, გა­გი­გიგ­რძე­ლებ­თო, ახალ ად­გი­ლებს გა­მო­გი­ყოფ­თო, ქა­ლაქ­ში 150 ად­გი­ლი მოგვ­თხო­ვეს, რომ გა­მო­ყო­ფი­ლი­ყო. მი­ვი­ტა­ნეთ, მაგ­რამ ეს ყვე­ლა­ფე­რი ლა­პა­რა­კის დო­ნე­ზე მი­დი­ო­და. აქამ­დე არ გვე­ხე­ბოდ­ნენ, მაგ­რამ ახლა უკვე კა­ტე­გო­რი­უ­ლად მოგვ­თხო­ვეს, ჯი­ხუ­რი უნდა აი­ღო­თო.

ახლა ჩემს ორ­გა­ნი­ზა­ცი­ას 27 ჯი­ხუ­რი აქვს. ადრე, სა­ა­კაშ­ვი­ლის დროს, 100 ჯი­ხუ­რი აგ­ვი­ყა­რეს. მას მერე აუქ­ცი­ო­ნებ­ში მი­ვი­ღეთ მო­ნა­წი­ლე­ო­ბა და 27 ჯი­ხუ­რი მო­ვი­გეთ, მაგ­რამ ნელ-ნელა ნულ­ზე და­ვე­დით. ორ­გა­ნი­ზა­ცია 24 სა­ა­თის გან­მავ­ლო­ბა­ში მუ­შა­ობს - დამ­ხა­რის­ხებ­ლე­ბია, ტრან­სპორ­ტია და 20-27 ჯი­ხუ­რით ორ­გა­ნი­ზა­ცი­ას ვერ შე­ი­ნა­ხავ.

„ჯერ-ჯე­რო­ბით ეს პრობ­ლე­მა ცენ­ტრა­ლურ უბ­ნებ­ზეა, მაგ­რამ უკვე იმა­საც აღარ უყუ­რე­ბენ, ცენ­ტრა­ლუ­რია თუ არა, ზოგ­ჯერ ისეთ ად­გი­ლებ­შიც იღე­ბენ, რომ... გვე­უბ­ნე­ბი­ან, ნე­ბარ­თვა არ გაქ­ვთო.

„ეს ჯი­ხუ­რე­ბი მე­რი­ის ეს­კი­ზე­ბით გვაქვს გა­კე­თე­ბუ­ლი. ახ­ლა­ხან გა­მო­ა­ცხა­და კა­ლა­ძემ, ქა­ლაქ­ში პრე­სის ჯი­ხუ­რე­ბი გან­თავ­სდე­ბაო და როცა ად­გი­ლეს გა­მოგ­ვი­ყოფს, ოქ გა­და­ვი­ტანთ, მაგ­რამ ამა­ზე არ მო­დი­ან . არა­და, სი­მარ­თლე გი­თხრათ, ჯი­ხუ­რი სად წა­ვი­ღოთ, ისიც კი არ ვი­ცით. ად­რეც ასი ჯი­ხუ­რი აი­ღეს და ყვე­ლა და­ი­კარ­გა, და­იმ­ტვრა, რაც, ფაქ­ტობ­რი­ვად, დიდი ფი­ნან­სუ­რი ზა­რა­ლია. გა­და­ტა­ნაც კი დიდი ხარ­ჯია, ერ­თი­დან მე­ო­რე ად­გილ­ზე ჯი­ხუ­რის გა­და­ტა­ნა ნიშ­ნავს, რომ იმ ჯი­ხურს ორი-სამი თვე მო­გე­ბა არ ექ­ნე­ბა.

„მე­რი­ამ გვი­თხრა, ვმუ­შა­ობთ, რომ ად­გი­ლე­ბი გა­მო­გი­ყო­თო. ვთხო­ვეთ, დრო­ე­ბით იყოს, სა­ნამ გა­მოგ­ვი­ყოფ­თო, უარი გვი­თხრეს. სხვა­დას­ხვა სამ­სა­ხუ­რია - მუ­ნი­ცი­პა­ლუ­რი ინ­სპექ­ცია, ქო­ნე­ბის მარ­თვა... ის თა­ვი­სას ითხოვს, -ეს თა­ვი­სას“ - გვი­თხრა მე­რაბ ჩან­ჩა­ლაშ­ვილ­მა.

რო­გორც მან აღ­ნიშ­ნა, ჯი­ხუ­რე­ბის გა­უქ­მე­ბაც და გა­და­ტა­ნაც კომ­პა­ნი­ის­თვის დიდი ზა­რა­ლია:

„ძა­ლი­ან დიდი ფი­ნან­სუ­რი ზა­რა­ლია. ჯი­ხუ­რი 7 ათა­სამ­დე ღირს, გა­ტა­ნი­სას კი იმ­ტვრე­ვა. ახა­ლი ად­გი­ლი რომც მოგ­ვცენ, კო­მუ­ნი­კა­ცი­ე­ბი, დე­ნის ჩარ­თვა და ა. შ. ხარ­ჯია. არა­და, ახ­ლან­დელ ად­გი­ლებ­ში­ეს ყვე­ლა­ფე­რი გვაქვს. ვიცი, რომმ ნელ-ნელა ყვე­ლა ჯი­ხურს მო­ად­გე­ბი­ან.

„ერთ რა­მეს ვი­ტყვი, რომ სა­ნამ ახალ ად­გი­ლებს გა­მო­ყო­ფენ­და ეს არ უნდა იყოს ისე, რომ 5-10 ად­გი­ლი გად­მოგ­ვიგ­დონ და და­ნარ­ჩე­ნე­ბი აი­ყა­როს, არ­სე­ბუ­ლებს ნუ შე­ე­ხე­ბი­ან . თუკი ვინ­მე მთავ­რო­ბა­ში მო­დის, ყვე­ლა ნელ-ნელა გვერ­დზე გვწევს. ან ღიად გა­მო­ა­ცხა­დონ, რომ ეს სფე­რო აღარ აინ­ტე­რე­სებთ. ისი­ნი ამ სფე­როს უყუ­რე­ბენ მხო­ლოდ რო­გორც ბიზ­ნესს, მაგ­რამ ამ სფე­როს სხვა დატ­ვირ­თვა აქვს - სო­ცი­ა­ლუ­რი, ინ­ფორ­მა­ცი­უ­ლი და სხვა, აქ ბიზ­ნე­სი ყვე­ლა­ზე ბოლო სა­კი­თხია“ - გა­ნა­ცხა­და მე­რაბ ჩან­ჩა­ლაშ­ვილ­მა.

მე­რია იმ ჯი­ხუ­რებს აუქ­მებს, სა­დაც ყვე­ლა­ზე მეტი ჟურ­ნალ-გა­ზე­თე­ბი იყი­დე­ბა

შპს „ელვა მარ­კეტ­სი“ ხელ­მძღვა­ნე­ლი ოთარ მე­რა­ბიშ­ვი­ლი კი „მთელ კვი­რას­თან“ ამ­ბობს, რომ მე­რი­ამ მათ კომ­პა­ნი­ას ჭავ­ჭა­ვა­ძის გამ­ზირ­ზე სამი ჯი­ხუ­რი აა­ღე­ბი­ნა, ახლა კი აღე­ბის ბრძა­ნე­ბა მი­უ­ვი­დათ ერთ-ერთ ცენ­ტრა­ლურ ქუ­ცა­ზე მდე­ბა­რე ჯი­ხურ­ზე.

„ჩვენს ორ­გა­ნი­ზა­ცი­ას ჯი­ხუ­რე­ბი2012 წლი­დან აქვს. რამ­დე­ნი­მე წე­ლია, პრე­სის ჯი­ხუ­რებ­ზე ნე­ბარ­თვა არ გა­ი­ცე­მა, ანუ ეს სეგ­მენ­ტი მო­უ­წეს­რი­გე­ბე­ლია და ვე­ლო­დე­ბით. მე­რია ამა­ზე უარს არ გვე­უბ­ნე­ბა, გვე­უბ­ნე­ბა, რომ ამის მზა­ო­ბა არ­სე­ბობს, ლო­კა­ცი­ე­ბის შე­თან­ხმე­ბა და ვი­ზუ­ა­ლი გვაქვს და­სა­ზუს­ტე­ბე­ლი. თუმ­ცა ჩვე­ნი მო­თხოვ­ნაა, რომ სა­ნამ რა­ი­მე ნა­ბი­ჯე­ბი გა­და­იდ­გმე­ბა, სა­ნამ ეს სეგ­მენ­ტი მო­წეს­რიგ­დე­ბა, მა­ნამ­დე ჩვე­ნი არ­სე­ბუ­ლი ჯი­ხუ­რე­ბი დარ­ჩეს.

ჭავ­ჭა­ვა­ძის ქუ­ჩა­ზე სამი ჯი­ხუ­რი რე­ა­ბი­ლი­ტა­ცი­ის გამო აგ­ვა­ღე­ბი­ნეს და აღარ დაგ­ვაბ­რუ­ნე­ბი­ნეს. ახლა გვი­რე­კა­ვენ და გვე­უბ­ნე­ბი­ან, რომ დო­ლი­ძის ქუ­ჩი­და­ნაც ავი­ღოთ, რად­გან ტრო­ტუ­ა­რის სა­ფა­რი უნდა შე­იც­ვა­ლოს. ვადა 30 სექ­ტემ­ბრამ­დე გვაქვს.

„ჩვენ რე­ა­ბი­ლი­ტა­ცი­ას არ ვე­წი­ნა­აღ­მდე­გე­ბით, ქა­ლა­ქის იერ­სა­ხის მო­წყო­ბას ხელს არ შე­ვუშ­ლით, პი­რი­ქით, ამას მი­ვე­სალ­მე­ბით, მაგ­რამ მთე­ლი უბე­დუ­რე­ბა ისაა, რომ ჯი­ხუ­რე­ბი აღარ ბრუნ­დე­ბა. მა­გა­ლი­თად, ვი­საც ნე­ბარ­თვა აქვს, მათი ჯი­ხუ­რი დაბ­რუნ­დე­ბა, მაგ­რამ ჩვენ ნა­ბიჯ-ნა­ბიჯ პრე­სის ჯი­ხუ­რებს მა­ინც გვაც­ლი­ან. რო­გორც ვიცი, სხვა გა­მავ­რცე­ლებ­ლებ­საც აქვთ მსგავ­სი პრობ­ლე­მე­ბი.

ფაქ­ტობ­რი­ვად „სა­ქარ­თვე­ლოს ფოს­ტის“ გარ­და, არც ერთ ჯი­ხურს ნე­ბარ­თვა არ აქვს. ჩვენ ნე­ბარ­თვა არ გვაქვს და ვი­თხოვ­დით, რომ გა­ეგ­რძე­ლე­ბი­ნათ.

ჭავ­ჭა­ვა­ძის ქუ­ჩა­ზე ერთ-ერთი ყვე­ლა­ზე შეძ­ლე­ბუ­ლი სე­მენ­ტი და­დის და ყვე­ლა­ზე ტოპ გა­ყიდ­ვა­დი ჯი­ხუ­რე­ბი რომ­ლე­ბიც იყო, ისი­ნი აგ­ვა­ღე­ბი­ნეს. ამ გამ­ზირ­ზე რომ გა­ი­ა­როთ, დღეს პრე­სას ვერ შე­ი­ძენთ, რაც, რა თქმა უნდა, ფი­ნან­სუ­რი ზა­რა­ლია.

მო­ლა­პა­რა­კე­ბა მე­რი­ას­თან ფაქ­ტობ­რი­ვად, ორი წე­ლია მი­დის. ბოლო ერთი თვის გან­მავ­ლო­ბა­ში ნა­ბი­ჯე­ბი გად­მოდ­გეს, მაგ­რამ ამას დრო სჭირ­დე­ბა და ამ დრო­ის გან­მავ­ლო­ბა­ში ეს ჯი­ხუ­რე­ბი ად­გილ­ზე უნდა იდ­გეს, რათა ხალ­ხმა სამ­სა­ხუ­რი არ და­კარ­გოს და პრე­სამ - ტი­რა­ჟი. პრე­სის ტი­რა­ჟის აღ­დგე­ნა კი ასე მარ­ტი­ვი არაა.“ - გა­ნა­ცხა­და მე­რა­ბიშ­ვილ­მა.