მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მთავარი ეჭვმიტანილი რუსეთია, მაგრამ ლუგარის დისკრედიტაცია შესაძლოა სხვა მეზობელი ქვეყნების ინტერესებშიც შედიოდეს" - უსაფრთხოების ექსპერტი
17:29 / 03-09-2020
საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის კიბერდანაშაულთან ბრძოლის სამმართველომ, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს კომპიუტერულ სისტემაში, მათ შორის დაავადებათა კონტროლისა და საზოგადოებრივი ჯანმრთელობის ეროვნული სააგენტოს რიჩარდ ლუგარის სახელობის საზოგადოებრივი ჯანდაცვის კვლევითი ცენტრის მონაცემთა ბაზებში უნებართვო შეღწევის ფაქტზე გამოძიება დაიწყო. შინაგან საქმეთა სამინსიტროს ინფორმაიცით, გამოძიება საქართველოს სისხლის სამართლის კოდექსის 284-ე მუხლით მიმდინარეობს.
როგორც განცხადებაშია აღნიშნული:
"კომპიუტერულ სისტემაში უკანონო შეღწევის შედეგად მოპოვებული, ავთენთიკური დოკუმენტაციის ნაწილი ამჟამად ატვირთულია ერთ-ერთ უცხოურ ვებ-გვერდზე და მასობრივი მომხმარებლისთვის ხელმისაწვდომია. ამასთან ერთად, აღნიშნულ ვებ-გვერდზე ატვირთულია აშკარად ფალსიფიცირებული დოკუმენტები, რომლებიც განზრახ არის გაყალბებული საზოგადოების დაშინების, მათში დაბნეულობისა და უნდობლობის დანერგვის მიზნით".
კიბერტექნოლოგ ანდრო გოცირიძის თქმით, ეს იყო ტიპიური რუსული კიბერშეტევა.
"ამ ეტაპზე არის შსს-ს ოფიციალური განცხადება, რომ ლუგარიდან და ჯანდაცვის სისტემიდან აღებულია სენსიტიური მონაცემები, გამოქვეყნებულია ერთ-ერთ საიტზე და ამ ინფორმაციაზე დაყრდნობით შეგვიძლია ვთქვათ, რომ ეს იყო კიბერშპიონაჟის ფაქტი მონაცემთა ბაზაზე. ძნელი მისახვედრი არ არის, რომელი ქვეყნის. ევროკავშირის ქვეყნებს ჩვენგან საიდუმლო ამ გზით არ მიაქვთ ხოლმე. ბუნებრივია, ეს რუსეთის მხარეს უკავშირდება. რუსეთის მხრიდან კიბერშპიონაჟი პირველი არ არის, მეორეც, ამას წინ უძღოდა საინფორმაციო კამპანია, იგივე რუსი პარლამენტარების განცხადებები, რომ თითქოს ლუგარის ლაბორატორიაში იქმნება “ნოვიჩოკი” და არა სხვაგანო", - აცხადებს kvirispalitra.ge- სთან ანდრო გოცირიძე.
მომხდარს ambebi.ge - სთან აფასებს ექსპერტი უსაფრთხოების საკითხებში დავით კუხალაშვილი:
- ზოგადად, ფეიკების გავრცელება შეიძლება განხორციელდეს მასმედიის საშუალებით და დიპლომატიური არხებით, რომელიც მათთვის უფრო მომგებიანი იქნება, იმას გააკეთებენ. შესაძლებელია, გარკვეული თანხის სანაცვლოდ უცხო ქვეყნის მასმედიის საშუალებებითაც გამოქვეყნდეს ინფორმაცია. არაფრის გამორიცხვა არ შეიძლება, მაგრამ ყოველ შემთხვევაში, ჩვენ ამ ეტაპზე მთავარი ეჭვმიტანილი მხარე გვყავს რუსეთის ფედერაცია. გარკვეული წლებია, მათ პროპრგანდისტული ფონი მიმართული აქვთ იქითკენ, რომ ლუგარის ლაბორატორია მათთვის საფრთხეს წარმოადგენს.
აქედან გამომდინარე, შესაბამისად, ის ყველაფერს აკეთებს, რომ ეს ლაბორატორია არ არსებობდეს საქართველოში და ამის ერთ-ერთი რეალური წინაპირობა ის არის, რომ დისკრედიტაცია მოახდინონ ყველა პროცესის, რაც საქართველოში მიმდინარეობს, მათ შორის, ლუგარის ლაბორატორიასთან დაკავშირებით.
თუ გავითვალისწინებთ ლუგარის ლაბორატორიის დადებით როლს კორონავირუსთან დაკავშირებულ პროცესებში (როცა არსებული მდგომარეობით შედარებით დაცულები ვართ, ვიდრე რუსეთი და ჩვენი სამეზობლო), არც იმის გამორიცხვა შეიძლება, რომ რუსეთის გარდა, დისკრედიტაცია ჩვენი მეზობელი ქვეყნების ინტერესებშიც შედიოდეს. რაც შეეხება ნავალნის და "ნოვიჩოკს”, რუსები ვერანაირად ვერ დაამტკიცებენ, რომ ეს ნივთიერება აქ შეიქმნა. უპრიანია, რომ ანალოგიური რამ ნებისმიერი მაღალი განვითარებისა და მაღალი ტექნოლოგიების სახელმწიფოებში შექმნილიყო. მაინც ვფიქრობ, რომ ეს არის დისკრედიტაციის, კომპრომეტაციისა და პროპაგანდის ნაყოფი. სხვა ქვეყნებშიცაა ლაბორატორიები, რუსეთშიც და ყოველ შემთხვევაში, სკრიპალებთან დაკავშირებით ნამდვილად არ უთქვამთ, რომ ლუგარიდან გავიდა ეს ნივთიერება.
რუსეთს არ აწყობს აქ ლუგარი, ვინაიდან ეს ცენტრი არის ერთ-ერთი მნიშვნელოვანი სტრატეგიული ობიექტი, რომელიც საქართველოს ეროვნული უსაფრთხოების სისტემაშია მყარად ჩართული. და არ აწყობს იმ სახელმწიფოს, რომელიც მტრულ დამოკიდებულებაშია საქართველოსთან. რაც ეხება იმის დადგენას ვინ დგას ამის უკან, არაა ეს იოლი საქმე, თუმცა ჩვენ გვყავს სტრატეგიული პარტნიორი სახელმწიფო და მასთან ერთად აღნიშნულის დადგენა შესაძლებელია.
ჩვენ გვქონდა რამდენიმე თვის წინ მაგალითი, როდესაც პერსონალურ მონაცემებზე განხორციელდა თავდასხმა - სტრატეგიულმა სახელმწიფოებმა ცალსახად თქვეს, რომ ეს რუსეთმა განხორციელა. ამ ეტაპზე გადაჭრით არაფრის თქმა შემიძლია, მაგრამ ცალსახად ვამბობ იმას, რომ ჩვენთან ლუგარის ლაბორატორიის როლი მნიშვნელოვანია კოვიდთან დაკავშირებით მიღწეულ წარმატებაში. ყველა ქვეყნისთვის, რომელიც პრაქტიკულად წარუმატებელია კოვიდთან მიმართებით ბრძოლაში, მიუღებელია მის მეზობელ სახელმწიფოში ასეთი მდგომარეობა იმიტომ, რომ მათი მოსახლეობა ფიქრობს, თუ შესაძლებელია მეზობელ სახელმწიფოში ხელისუფლება ზრუნავდეს მისი მოქალაქეების ჯანმრთელობაზე, რატომ არ ზრუნავენ მათ სახელმწიფოებში?.. კიბერთავდასხმის ავტორი თუ რუსეთია, შესაძლოა, ამ კუთხით ალიანსიც კი არსებობდეს რუსეთის ფედერაციასა და მეზობელ სომხეთს შორის. ამის პრეცედენტი უკვე გვქონდა, როცა სომხეთის მაღალჩინოსანმა ჩვენი მისამართით ძალიან ცუდი განცხადება გაავრცელა.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მათთვის რატომ წარმოადგენს საფრთხეს, თუ ჩვენს ტერიტორიაზეა და ჩვენთვის არ წარმოადგენს საფრთხეს. საფრთხეა თვითონ რუსეთი ყველა მეზობელი ქვეყნისთვის, მათ შორის ბელორუსიისთვისაც კი.
მთავარი ეჭვმიტანილი კი არა მთავარი მოქმედი ქვეყანაა რუსეთი. რა არის აქ გაუგებარი?-აბა ის ხომ არ იქნება?- პაკისტანი?,ან ბურკინა- ფასო?,ან ნიკარაგუა?-ან ანგოლა?-ან ნამიბია?--- და რავი და სხვა ......